غادة هيكل تكتب : لحظة فقط

لحظة فقط 
******
يأتينى العيد وأنا غير مستعدة له ، داخلى نبضات ترقبه ، وأخرى ترفضه ، أحسب أيام سعادتى منذ مضى العام الفائت ، وأحسب أيام حزنى ، وأحسب الدماء التى سالت فى الطرقات ، وأنتظر دماء الغد على أحر من الجمر ، تأتينى التهانى مغلفة بورق سوليفان ، وبعضها يخصنى بالذكر ، أفرح لهذه الخصوصية ، ثم أبحث عنه هو فقط ، فلا اجد تهنئته ، أقول لعلها تأخرت لعطل ما ، ولكن الإنتظار يطول ، والعيد يقترب بسعادته وحزنه ودمائه وانتظارى لتلك اللحظة التى يخفق فيها القلب .

محمد حميده يكتب :- ذكريات العيدية: "ربع جنيه" ذكريات لا تنسى

ومن ذكريات العيدية: "ربع جنيه" ذكريات لا تنسى
وأنا عندي 7 سنين يوم العيد الكبير، وطبعا كان الحال ع القد في الأيام دي، وأخدت عدية يومها ربع جنيه، وقعدت ألعب بيه ،كنت فرحان جدا، وبعد ساعة من اللعب بيه وقع تحت "الزير" وطبعا الزير ده اللي كنا بنملاه مية عشان تبرد، وما لقتهوش تاني.
خدت بعضي وطالع ألعب مع العيال على الشارع الكبير وكان ماشي معايا 2 صحابي.. ببص في الأرض لقيت لوكشة فلوس جنيهات وإنصاص ، ميلت أخدتهم من غير ما حد ياخد باله من اللي ماشيين معايا، وعشان ما يشكوش في الأمر وصلتهم لحد الشارع ورجعت فريرة على البيت ، طلعو 7 جنيه ونص، طبعا ما حدش يقدر يتخيل الفرحة اللي أنا فيها في اللحظة دي قولت الحمد لله ربنا عوض عليا ، كلها 10دقايق ولقيت واحد من جيرانا بيعيط سألته بتعيط ليه
قال :الفلوس ضاعت مني وأمي هتعلقني
: هما كام
: 7 جنيه ونص

: أنا لقيتهم،
المهم عطيتهم له وكنت أنا اللي هعيط في الوقت ده.
بعديها بنص ساعة طلعت على الشارع الكبير تاني ، وأنا بلعب لقيت خمسة جنيه، قلت بس أنا هخدها أروحها وأقعد في البيت عشان ما أشوفش حد بيدور ولا بيعيط وياخدها تاني . المهم قعدت في البيت نص ساعة وطبعا ما استحملتش القعدة في البيت، خبيت الـ 5 جنيه تحت السرير وطلعت تاني للعب ، وأنا رايح عشان ألعب مع صديق ليا كان ميسور الحال وكان بياخد عيدية 5 جنيه أو أكتر ساعتها، قولت له يلا نلعب على الشارع

هو: ماليش نفس ألعب
أنا: ليه
: الـ 5 جنيه اللي خدتها من بابا وقعت وأنا كنت عايز أخرج أتفسح بيها .

ضحكت وبفزلكة : خلاص هتتفسح يا عم ولا تزعل.
: يا عم إنت حيلتك حاجة
: قلت له أه معايا 5 جنيه ، بص ليا وبإستغراب.
: إنت بتاخد ربع جنيه هتجيب الـ 5 جنيه منين .
ضحكت تاني :من واحد صاحبي عبيط فلوسه وقعت منه وانا لاقيتها وهرجعها له، عشان ما يزعلش ويتفسح.
ضحك وفرح :بجد إنت لقيتها.. طيب أنا هديك "ربع جنيه" لو رجعتهالي .

:تعالى خدها يا فالح ،المنحوس منحوس ،هو الربع جنيه ما فيش غيره .

والغريبة إن بعدها بكام سنة وإحنا بنهد البيت عشان نبنيه من جديد لقيت الربع جنيه اللي كان تحت الزير ...
ومن ساعتها وأنا كل ما بشوف ربع جنيه بقعد أضحك هههههههههههههههه

أظن كده أصدقائي عرفو السر ليه أنا كنت بقول لهم عايز عيدية ربع جنيه ..

‫#‏المنحوس_منحوس‬
‫#‏وماحدش_بياخد_إلا_نصيبه‬

القائمة جائزة الشيخ زايد للكتاب فى فرعي "الفنون والدراسات النقدية"و"الترجمة"

القائمة جائزة الشيخ زايد للكتاب فى فرعي "الفنون والدراسات النقدية"و"الترجمة"

أعلنت جائزة الشيخ زايد للكتاب القائمة الطويلة للأعمال المرشحة فى فرع "الفنون والدراسات النقدية" وفرع "الترجمة" للدورة التاسعة 2014/2015. وتضم القائمة الطويلة فى فرع "الفنون والدراسات النقدية" سبعة أعمال نقدية تتناول الشعر والرواية والفن. وقد جاءت معظم المشاركات فى القائمة من المغرب بواقع خمسة أعمال شملت كتاب "بلاغة الإقناع فى المناظرة" للباحث عبداللطيف عادل من المغرب ومن منشورات ضفاف-لبنان الاختلاف-الجزائر دار الامان-المغرب 2013، و كتاب "نظرية التأويل التقابلي، مقدمات لمعرفة بديلة بالنص والخطاب" للباحث محمد بازى ومن منشورات ضفاف-لبنان الاختلاف-الجزائر دار الأمان-المغرب2013، وكتاب "الرواية العربية الجديدة، السّرد وتشكّل القيم" للباحث إبراهيم الحجرى ومن منشورات النايا للدراسات 2014، وكتاب "فلسفة الصورة، الصورة بين الفن والتواصل" للباحث عبد العالى معزوز ومن منشورات إفريقيا الشرق 2014، وكتاب "الكتابة والأجناس، شعرية الانفتاح فى الشعر العربى الحديث" للباحثة حورية الخمليشى ومن منشورات دار التنوير –بيروت دار الأمان –المغرب. أمّا العملان الآخران فجاء الأوّل بعنوان "القصّ فى هذا الزمان" لجابر عصفور من مصر، منشورات الدار المصرية اللبنانية 2014، والآخر من العراق وهو دراسة بعنوان "مسائل الشعرية فى النقد العربى، دراسة فى نقد النقد" للباحث محمد جاسم جبارة، ومنشورات مركز دراسات الوحدة العربية 2013. أما القائمة الطويلة لفرع "الترجمة" فتضم ثمانية أعمال، ستّة منها تراجم إلى اللغة العربية عن الإسبانية والإنجليزية والفرنسية، وهى "إسبانيا بشكل جلى- المنطق التاريخى للبلاد الإسبانية" للمؤلف خوليان مارياس، ترجمه عن اللغة الإسبانية على المنوفى من مصر ومن منشورات الكتب خان 2014، و"السياسة المقارنة" للمؤلفين برتراند بادى وغى هيرمت، ترجمه عن الفرنسية عز الدين الخطابى من المغرب ومن منشورات المنظمة العربية للترجمة 2013، و"ابن عربى، سيرته وفكره" للمؤلفة كلود عدّاس، ترجمه عن الفرنسية أحمد الصادقى من المغرب ومن منشورات المدار الإسلامى 2014، و"المسالك والبلدان فى بلاد الشام فى العصور القديمة والوسطى" للمؤلف الفرنسى رينيه دوسو وترجمة عصام الشحادات من سوريا، ومن منشورات المعهد الفرنسى للشرق الأدنى 2013، و"تاريخ الإنثروبولوجيا" للمؤلف توماس هيلاند إريكسن وترجمه عن الإنجليزية عبده الريس من مصر، ومن منشورات المركز القومى للترجمة 2014، و"لمن الرأى فى الحياة؟ الأجنة والاستنساخ والخلايا الجذعية" للمؤلفة جين ماينشاين وترجمه عن الإنجليزية عمر الأيوبى من فلسطين ومن منشورات المنظمة العربية للترجمة 2013. بالإضافة إلى عمل منقول إلى الإيطالية عن العربيّة وهو رواية "القوس والفراشة" لأحمد الأشعرى، ترجمته باولا فيفيانى للغة الإيطالية ومن منشورات فازى إيديتورى 2012. إلى جانب ترجمة الثلاثية لنجيب محفوظ من اللغة العربية إلى اللغة اليابانية "بين القصرين، قصر الشوق والسكرية" ترجمها هارو هاناوا ومن منشورات كوكوشو كانكوكاي

ف عيون حبيبتي... ريهام الجنزوري

ف عيون حبيبتي

مفتتح....

ف عيون حبيبتي
الضي ضلمة والمطر عطشان
الخوف معشش والأمل هربان
ف عيون حبيبتي
الدمع ناشف من عيون النيل
والصبح نايم و المداين ليل

القصيدة....
حبيبتي نايمة والأمل ..
مجدول ضفاير ع البيبان
محتاج لعاشق له أيدين
يقطف من الشمس القمر
ويداوي بالصبر الإيمان
درويش وداير في القلوب رحال
غاوي إنه ينبش ف التراب
يزرع نخيل الحب..
ويحنن جبال
ب يهز أيده ع الوتر ويقول
ضاعت سنين الصبر م الموال
الخوف معشش جوه بطن الغول
لو بس هِمه نحيي ميت تمثال
....
حبيبتي برده الشوق واخدها لحلمها
بالرغم من طول الليالي وحلكها
حاسة المطر بعد الجفاف
حاسة الأماني ف صفها
..
ل:‫#‏ريهام_الجنزوري‬

الشاعر أمجد ريان يكتب :- تسبقنى الغربة دائماً إلى البيت

تسبقنى الغربة دائماً إلى البيت 

ساعة حائط ويافطة مضيئة وصوت مغنية أجنبية

..

رجل واقف يرش سيارته بالماء
وفى الأفق : النافذة الرومانسية ذات الستائر الشفافة ، وتأتى صبية حالمة ، تنظر للحظة ثم تغيب فى الداخل .

ليست الشوارع إلا متاهات
ولكن فى أى وقت ، يمكن أن يحدث أى شىء :
هل الزمن دائرى أم أنه يسير فى خط مستقيم ؟
أضغط بالمكواة على صدر القميص
منتظراً لحظة النطق بالافراج عن علاء عبد الفتاح .

عندما تتراص مئات النوافذ الصغيرة المربعة : مضيئة ومظلمة ونصف مضيئة ، أحس بالشجن الآدمى الذى يتوهج خلفها .
بينما "فتافيت" من السندوتش الذى بيدى تسقط بين أزرار الكيبورد فأحاول إخراجها :
الوطن على الحافة ،
وإذا اكتمل الشىء نقص .

كنت مع محمد عبد الباسط على حافة النافورة عندما مرت هذه السائحة التى تشبه القطة لتبتسم لنا ، وتشير ، وترسل القبلات فى الهواء ، فتهتز ضفيرتاها الذهبيتان وهى تعدو ، حتى اختفت تحت شرفة الكريستال .

قام شاب اسمه فرج ، صباح اليوم ، بشنق نفسه فوق لوحة الإعلانات
تسبقنى الغربة دائماً إلى البيت
وأحس دائماً كأن الشبابيك تتساقط .

عمارات قديمة ضخمة ، على واجهاتها عشرات اللافتات الباهتة لمكاتب المحامين والأطباء ، وأنا أفرد ذراعىّ ، وأدور مثل مروحة السقف

اكتب يا شاعر ونوح .... حازم حسين

اكتب يا شاعر ونوح
طول ما إنت واقف حيِّ
شِعْرك سفينتك يانوح
وانت البشر والحيِّ
درويش بجسم وروح
الِاتنين كتاب مفتوح
يعشق يقول الله
يكره يقولك حَيِّ
والجيِّ فوق القلب زيِّ الكُحْلِ فوق الرمش
لحم الطريق مسلوخ
والخطوة ناي مشروخ
قدَّام هوانا ندوخ
لكن ما بنحرَّمش
والحُرمَة بنت الحلال
بتكُبِّ كلِّ الدلال
ف حِجْرِنَا وتروح

اكتب يا شاعر ونوح

راحت وبكرة الروح تروح
والقلب يعشق ما يلاقيش أحباب
ولا حتَّى باب
على الغياب مفتوح
ربِّ الجروح
ما أمرش جرحي يتفتح
لكنِّي في الآخر بقيت مجروح
ربِّ الشِّفَا
ما أمرش جرحي يندِمِل
لكنّه طاب
وبقيت صحيح الروح ومعلول البَدَن
وبقيت وثَن
تكسيري صحّ لكن عبادتي صواب
وهجري دِين مقفول
لكن قُربي يقين مفتوح

اكتِب يا شاعر ونُوح
حازم حسين في 25 ديسمبر 2012

علاء عبد الرحمن ......صايــــع بحــــــــر ...

صايــــع بحــــــــر ... !
^^^^^^^^^^^^^

عـلـشان شيطان الشعر صايع بحر

ماشي و (جيرل فريند ) : مـِـتأسّـســه

ف رمل أحلامي اترمت ... بالمايوه

قال يعني : حمام شمس !!

.. أعرق

... و اتوه

و عيونها على أحوالي مـِـتـجـَـسِّــسـَــه

يكسبني ـ كالعاده ـ برمية زهر

يدقّ بابي

مرّه :

عزّ الضهر

أو في سكون الفجر

أو في المسا

أخاف أقول لُه :

عندي : غضروف ضهــرْ !

يعمل مُظاهره

و يسرق الهلوسه

من شنطتي الخضرا

لآخْرِ العمرْ !!

و ارجع و اقول :

يا امّ الشفايف كارثه يا آنســـه

إنتي ف عنيكي مرّ مرّه ( الخِضْر )

و رمى عبايتُـه لليمام

تمر شام

و كتب سوناتا من جميل الكلام

على الرخام الابيض ـ في صدرك ـ عسى

بعض البشر يفهم

إذا كتير نَـسَـى !!

إن الغرام :

يشبه ( طريق الآلام )

إلا إذا

مـِـشِـيتُه بالنسنسه !!

يسمع ...

و يغمز لي بعينيه ...

ـ ... قول كمان

لو حتّى رصّيت باللسان كهرمان

...( دا همسي ليك) هوّه اللي عدَل الميزانْ

بين وسوسه

و سوسه !

^^^^^^^^^^^^^^

من مجموعة : مركب ورق ـ تصدر خلال أسابيع إن شاء الله

حرف الهاء ... أحمد الخدرجي

حرف الهـاء
ــــــــــــــ
و باتنرفز
من ابتسامتها ف الكومينت
و لو علَّق و صوابعها على الكيبورد حرف الهاء
باكون مشتاق
لكن باغضب
و طول الوقت بسألني
حتبقى ازاي عيون الناس و نظراتهم لصفحتها
عشان ضحكت بصوت عالي
و كام واحد من العامَّة حيبعت ( آد )
و كام آي باد حيتكَسَّر
عشان طاير ف ضحكتها
و أحوالها و مياصتها ؟
و نتخاصم أنا و هيَّ
عتاب و زعيق لحد الصبح
زعيق يربِك ف كل الناس
على الوول كانوا أو ع الخاص
و اسيبها و اقوم و انا زعلان
و بشتم بالأدب فيها
و بادعي عليَّا و عليها بحاجات ياما
حاجات تملى من الدعوات 200 كُرَّاس
و بادعي ع الغرام كله
و على كل البنات و الفيس
و فاصل عندي ع الصفحه من التهييس
دخول ع الخاص
بنات انا عمري ف حياتي
ما بصيت يوم لرسايلهم
بَرُد عليها و اسألهُم
و بتأسف على التأخير كتير ف الرد
و حالة هيبره ع الوول
ف كومينتات بقضيها معاكسه و ضحك
عشان عارف
أكيد طبعا متابعاني
و م الغيره حتتجنن
عشان باضحك مع غيرها
زمانها بتبكي دلوقتي
و بتقزقز ف ضوافرها
و فاتحه الصفحه قدامها
و مش عايزه تعتبها
عشان لسه معاتبها
و متخاصمين
يعدي يومين
باكون فيهُم تعبت بجد
دي سايبه فراغ كبير جدا
شوارع حتى لو زحمه
باشوفها فاضيه قدامي
و مفيهاش حد
- أكلمها
لا و المصحف ما حاتكلم
و مش حاندم و لا استسلم و لا اتألم
مانش غلطان
ألاقي فجأه تليفوني بيندهلي بصوت " فيروز "
و " كيفك إنت " بسمعها
كأن الروح بتسمعها لأول مره
- وحَشِتني
باقولها لنفسي و اخطفني
و اجيب روحي من السموات
و ارَكِّبها ف بدن تاني
بدل جسمي اللي أصلا مات
ف وقت خصامنا و غيابها
و ارُد عليها وحشاني
تقول يعني سألت عليا برساله ؟
أقول أرجوكِ مش وقتُه
- وحشتيني
بتطلع منها و انت كمان بتحييني
- بلاش نعمل كدا تاني
- خلاص يا حبيبي مش حاقدر
و نحضن بعض من تاني
تعدي ليله مش أكتر
و اشوفها تاني ع الصفحه
معلق منها " حرف الهاء "
فباتنرفز
و اكون مشتاق
لكن باغضب
و طول الوقت بسألني
حتبقى ازاي عيون الناس و نظراتهم لصفحتها
عشان ضحكت بصوت عالي

عاجل :- تأجيل أمسية صالون بيت السحيمي إلي 5 نوفمبر القادم دون إبداء الأسباب

أكد الشاعر سيد لطفي أنه تم تأجيل الأمسية الشعرية الأولي لصالون شعر العامية ببيت السحيمي إلي الخامس من نوفمبر القادم ولم يوضح لطفي الأسباب المرتبطة بتأجيل الأمسية لكنه أكد أيضا عللي ضرورة انعقاد الصالون الشهر القادم 
واعتذر لطفي للشعراء الذين وجهت لهم الدعوة قبل ساعات من موعد انعقادها 
وكانت الأمسية  تحت رعاية  المهندس / محمد أبو سعدة مدير صندوق التنمية الثقافية يتشرف الدكتور / عامر التونى مدير مركز إبداع بيت السحيمى بدعوة جميع شعراء وعشاق شعر العامية المصرية للمشاركة في ليلة مع شعراء العامية بعنوان ( ما بين إيدين الجمال ) على أنغام الموسيقى ( البانفوليت والعازف المتمكن / Ashraf Bourei - العود والعازف القدير الفنان / عهدي شاكر )

 وفي سياق متصل أكد مدير الصالون في دورته الأولى هو الشاعر الكبير / محمــــد حسنى إبراهيم شحاته عضو اتحاد كتاب مصرأن الأمسية تأجلت دون إبداء سبب واضح لذلك 
كان من المقرر أن يدير  الأمسية الشاعران حازم حسين وصبري رضوان 

ميسرة صلاح الدين :- الغرب الآن يعتمد علي التفاعلية في القراءة

نتابع ملف الابداعات المسموعة والمرئية كبديل عن النشر الورقي ويشارك معنا الشاعر ميسرة صلاح الدين قائلا




" العلاقة بين الكتب الورقية والمطبوعات ليست علاقة تنافسية كما يحلو للبعض ان يصور العلاقة تبدو فى وجهة نظرى علاقة تبادلية وتكاملية فلكل كتاب سواء كان ورقى أو الكترونى جمهوره الخاص وذائقته المختلفة فبالرغم من انتشار وسائل القراءة الالكترونية الحديثه التى تساعد العديد من القراء وخاصة الشباب على قراءة الكتب واقتنائها فى مساحة تخزين صغيرة وبتكلفه منخفضة إلا ان العديد من القراء يفضل حتى هذه اللحظة اقتناء الكتب الورقية والاحتفاظ بها فى مكتبه وزيادة كل شريحة لا تؤثر على الاخرى على الإطلاق . واعتقد ان الاولى بالكتاب والناشرين فى هذه المرحلة البحث عن الشكل الافضل لنشر المنتج الادبى حسب طبيعته فبعض الاعمال تحتاج بالفعل لإعادة القراءة والرجوع لفقرات سابقة وأعمال اخرى قد تهب نفسها للسامع او القارئ بسهولة كمان ان هناك اشكال ادبية تفاعلية انتشرت فى الغرب تعتمد على التفاعل واختيارات ا لقارئ وهى تكتب بحرفيه وفكر مختلف "

الروائي / مصطفى بيومي وقراءة لـشذرات عبقها الهوى......فاطمة وهيدى..شاعرة من زماننا..

فاطمة وهيدى..شاعرة من زماننا
............................................
فى ديوانها"شذرات عبقها الهوى"،تقدم فاطمة وهيدى تجربة ثرية جديرة بالاهتمام والتأمل،ذلك أن قصائدها القصيرة أقرب إلى طلقات مكثفة تسعى إلى الابتعاد عن الثرثرة،وتراود التعبير عن مفهوم للحب يتجاوز الفرد إلى الفكرة،والذاتى إلى الجمعى،والتقليدى من المشاعر إلى الوقوف على حافة التصوف.
الشعر واحة للحزانى المغتربين الباحثين عن مأوى روحى،يفرون إليه من صخب الأيام المضنى،والحب طموح وحيد لمن يعذبهم نثر الحياة الماسخ،بكل ما يترتب عليه من ركود وجفاف.موسيقى قصائد فاطمة لا تنبع من الموروث الذى لا يتسع له إيقاع حياتنا المضطربة،لكنها تتورط أحيانا فى اللهاث وراء الموسيقى الخارجية الزاعقة،ولأن ما تحسه تجاه فكرة الحب يبدو بعيدا عن المكرور الذى استهلكه الشعراء،فإنها صادقة كل الصدق عندما تقول فى قصيدة من أربع كلمات:
* أين أجد لغة تناسبك؟
العقد شريعة المتعاقدين،والإقرار بعجز اللغة مدخل مضىء يتوافق مع طبيعة الحالة التى تبحث عن آفاق مختلفة وصور تدير الظهر للشائع من الصور:
* من مطلع الشوق وحتى سدرة لقائك
مساحات زرعتها بالحلم
الحلم يزيح الواقع،و"الحلول والاتحاد"هو الطموح الذى تهرول وراءه شاعرة تحلق مع الحب لمعانقة سموات التصوف،فكأنها تتوق إلى الأنا الواحدة شأن الحلاج:
* كيف وصلت لمرآتى
وأقنعتها أن ترسمك
كلما نظرتُ إليها؟
من تمام الحب الذى تنشده فاطمة وهيدى ألا يتحقق الحب ويرسو على شاطىء،فاللذة الأسمى فى اللهفة والانتظار،وفى الظمأ الذى لا ينشغل بالرى،وفى الاندماج الذى لا غاية من ورائه إلا التطلع إلى الإمساك بلحظة خارقة لا يمكن الإمساك بها:
1. * كن كالشوق يا حبيبى
ولا تغادرنى أبدا
قصائد فاطمة بالغة القصر هى الأفضل فى الديوان،والإسراف غير المبرر فى استخدام حرفى"اللام"و"الكاف" يؤدى إلى التشويش والمباشرة،ولعل استنساخ بعض التجارب وإعادة إنتاجها هو المسئول عن التكرار الذى لا يضيف،معارضة بذلك ما تقوله:
* المبدع تتوسل إليه الأفكار ليكتبها
فى دواوين فاطمة وهيدى القادمة،ستصل إلى مزيد من النضج والتفرد،شريطة أن تترك الأفكار تتوسل إليها طويلا،فأكرم الشعراء هم الأكثر شحا فى الإشفاق على الأفكار التى تلح.

أشرف عتريس : الكتب الصوتية مفيدة لكنني أنحاز ل "خير جليس "

الادب المسموع والمرئي هل يمكن ان يصبح بديلا عن النشر الورقي ؟
ملف تفتحه مدونة صبري رضوان وننتظر الآراء من المبدعين والمثقفين

بداية يقول الشاعر أشرف عتريس 

إن "الكتب الصوتية" تعد تقنية جديدة على الوسط الأدبى، لكنها مفيدة ولا تؤثر سلبا على قراءة الكتاب الورقى تحديدا، فإننى من المنحازين لحضارة الورق والكتاب (خير جليس) للأديب الذي يشعر بالاقتناء والتملك والحميمية الشديدة لأفكار تستهويه لكاتب معين في الرواية والقصة والشعر والنقد والسياسة والفلسفة والتاريخ أيضا حينما يكتب بموضوعية وحياد. "أن الديوان المسموع أو الكتاب الصوتى إضافة حقيقية لمن يقرأ في كل العلوم والآداب والفنون، وسوف تظل قيمة الكتاب المطبوع هي الحقيقية لكتابة الهوامش أثناء القراءة والملاحظات والرجوع إليها بعد القراءة الأولى لأى كتاب، وهى ميول وعادات لايمكن التخلص منها بسهولة بحجة المدنية والتكنولوجيا ومستحدثات العلم.

سينما أوبرا... صبري رضوان

أنت 
لا تشبه المساء في شئ
لا يحبك العاشقون
ولا تختار صفحتك النجوم
لا تفترش المقاهي علي جانبيك المقاعد الخيرزان 
ولا تشدو ام كلثوم " هجرتك"
-عندما تحلّّ -في سينما أوبرا
انت لا تشبه المساء
لا تقرض الحبيبات شفتيك أسفل كوبري 6 أكتوبر
كالمساء الذي يشتهي النوم في احداقنا
ويضم نهدي مراهقة راوغتها كل الاصابع
أنت ذليل في رحم الوقت
تلد آلاف اللحظات
وتقتل ساعة الحائط
التي ذكّرتك ببداية اللحن
أنت
قيظ يفرش البنايات بالمعارك
ويدير اجهزة التكييف
ومرواح السقف
كأزيز الجرحي
في عنابر المستشفيات العامة
أنت انهار ملح
يصب العرق الحامض
ساعة الذروة
في اتوبيسات النقل العام
تحت إبطيك ملامح النشاز
ولوحة اعلانات
تصلب الحياة
في عرض الطريق

( انسحاب) .... فوقية سليم سليم

( انسحاب) 
سألملم ذراتي المنتثرة ببين اﻷضرحة 
في معبدك
أجمع أصداء التراتيل التائهة
حول اﻷعمدة و الممرات
إلى صحائفها
التابوت مازال في ركن المعبد هناك
ألق لعنتك
ﻻ خﻻص ثانية
فشراب المحبة الذي أسقيتني
ما عاد يفيد
تلك الحروف النازفة من أناملك
لن تعيد النبض
أطلق روحي الغريبة من روحك
فقدرها أن تهيم على وجه اﻷرض
تنشد الﻻ شيء
احتفظ بالقلب و ضفيرتي
خبئهما في ترنيمة الوجع
اجمع من عيني الدموع..مسباحتك
التابوت مفتوح
آويني إليه بعد أن تستل عروقي و أوردتي
ﻻ تنس أن تعطرني بقليل من عطرك
كفني بأوراق البردي المطبوعة
بتعويذة
الﻻ عودة
ضع أكاليل من زهر اللوتس
على ساقي و صدري
و دااااااااعا
أغلق التابوت.
(فوقية سليم )

حفلة البن ... مع الشاعر محمد أحمد إسماعيل

حَفْلةُ البُنّ
.................
صاخبةً .. تبدو هذه الليلةُ
و أنا أواعدُ " أنّا كارنينّا " على حفلةٍ تنكريةٍ
فى بهو ِ قبو ٍ قديم ٍ 
يشبهُ أساطيرَ بلاد ٍ
تحفظُها ذاكرةُ غابات ٍ متوحشةٍ
مليئةٍ برؤوس ٍ مقطوعةٍ
بلا أحلامْ / بلا ذاكرةْ
هذه الليلةُ تبدو صاخبةً
أنفاسُها تشبهُ أجراسَ كنائس ِ روما
في قداس ِ ليلةِ حربْ
و أنا أعدُّ قصيدتى
لحفلةِ البنّ
و أهيءُ نافذتى لمطر ٍ صيفىّ
و أُرَبِّتُ بأصابعى المبتلةِ بضجيج ِ الوجع ِ
على بَتَلَةِ وردةٍ وحيدةٍ
نبتَتَ فى صحراءِ سريرى
......................
السقفُ عينٌ بحجم ِ السماءْ
ترمُقُنِى سبعُ سحاباتٍ عجافٍ
بدهشتِها المضطربةِ
و هى تطالعُ " أخبار الحمقى و المغفلين "
و الأراجيحُ فى صدرى ..
تجزُّ على أسنانِها بصرير ٍ حادْ
كوترِ كمان ٍ وحيدْ
يئنُّ تحت سطوةِ الريحْ
,,,,,,,,,
انتبهْ أيها الحوذىُّ
انْحَلَّتْ سيورُ عربتِكَ
و تَفَلَّتَ الطريقُ من بين يديكَ
و أنتَ فى المنحدرْ
سبعُ مجَرّاتٍ سميناتٍ ترقصُ على التلْ
و أنا أُجِرْجِرُ خيبتى فى جحيم ِ " رامبو "
هل أتيتُ مبكرا .. ؟؟
" أنّا كارنينّا " ــ لم تأتِ بعدْ !!
و لم نتفقْ على حُلّتِها التنكريةْ
لم يأتِ أحدٌ
و النسوةُ العجائزُ يسْخَرْنَ منى فى براويزِهن الجافةِ
على الحوائطِ الباهتةْ
و أنا وحدىَ فى ليلتى الصاخبةْ
أهيىءُ نافذتى لمطرٍ صيفىٍّ
و أُعِدُّ قصيدتى
لحفلةِ البنّ ...

أحمد الخدرجي .... حاجة تفرس

حاجه تفرِس
ــــــــــــــــ
فينِك من امبارح ؟
ما قابلتكيش ع الفيس
دخلت على صفحتِك
و لمحت م التهييس
حاجات تنرفزني
ضحكه بحجم البحر
غرقانه ف الكومينت
و حاجات سخيفه كدا معرفتش ابلعها
ملعون أبوها الدنيا بصراعها
ما تحني ع التفاصيل
خليها ترقص حبه ف نصوصي
خليها تضحك حبه من قلبها
دا انا من زمان نفسي انها تضحك
و باشتغل نفسي و اقول هانت
( بُكره الجميل خطوه ورا التانيه
طالع بِزَفه و ماشي قُدامنا
و اللهِ لازم تنكسف على دمها الدنيا )
عارفه بقى الشُعرا و خيالهم
حاجه تفرس
بس عارفه
بالظبط زي ما قُلتلِّك من كام قلق
( و اللهِ طعم الوهم حلو )
و انتِ بصراحه يا حبيبتي
أحلى وهم انا باعشَقُه
وهمي الجميل
اللي الحقيقه مصَدَّقاه و مصَدَقُه
و انا أحلى وهم حصل لروحك ف الحياه
إزاي بقى وهمين جُمَـال بالشكل دا
ممكن ف يوم يِتفَرَّقوا ؟!!!

صالون الأربعاء الثقافي بمركز إبداع بيت السحيمي الأول من أكتوبر

يقام تحت رعاية السيد المهندس / محمد أبو سعدة مدير صندوق التنمية الثقافية يتشرف الدكتور / عامر التونى مدير مركز إبداع بيت السحيمى بدعوة جميع شعراء وعشاق شعر العامية المصرية للمشاركة في ليلة مع شعراء العامية بعنوان ( ما بين إيدين الجمال ) على أنغام الموسيقى ( البانفوليت والعازف المتمكن / Ashraf Bourei - العود والعازف القدير الفنان / عهدي شاكر )
مدير الصالون في دورته الأولى هو الشاعر الكبير / محمــــد حسنى إبراهيم شحاته عضو اتحاد كتاب مصر والدعوة عامة لكل من يرغب في المشاركة بأعماله او الاستمتاع بقصائد المشاركين
ويدير الأمسية الشاعران حازم حسين وصبري رضوان 

نَمْلٌ يَنْتَظِرُ إشارةً عَسْكَرِيَّةً. .. للشاعر هشام الصباحي

نَمْلٌ يَنْتَظِرُ إشارةً عَسْكَرِيَّةً

**********

ظافرًا بالجثثِ الطَّازجةِ

يَخْطُو وَاثِقًا نَحْوَ مُسْتَقْبِلٍ مُلَوَّثٍ

يُحنطُ أحلامَ الرَّعِيَّةِ

يَحُثُّ سَائِقى

عربات النقلِ الثقيلةَ

على سرعةِ نقلِ القمامةِ إلى أَطرافِ الْمَدِينَةِ

كَانَ يَقِيسُ النّهارَ بِعَدَدِ الْموتى

كُلُّ نَعْشٍ كان يَحْمِلُ ثَوَرَتَهُ فى دَاخلهِ

فَكّرَ فى طَرِيقَةٍ تبدو وَطَنِيَّةً

يَضَعُ بِهَا قواتٍ عَسْكَرِيَّةً عَلَى الْقُبُورِ

خوفاً من عَوْدَةِ الشّهداءِ

مُبْتَسِمًا أَصْعَدُ إِلَى السَّمَاءِ

أَجلسُ جِوَارَ اللهِ

أَنْتَظِرُ اِنْتِهاءَ الْقِتْلِ العشوائى

بَدَأتُ فى إِعادَةِ خلق كُلّ الْأَشْيَاءِ

التى يقعُ عَلَيهَا نظرى

ركّبتُ لِلبيوتِ أَجنحةً

تَطيرُ بِسَاكِنِيِهَا إلى بِلادٍ أُخْرَى

حَوّلتُ الْعَرَبَاتِ

إلى صخورٍ ثابتةٍ

ثَمَّ شكّلتَها قبورًا بِنوافذَ

منعتُ اللَّيْلَ مَنِ المجيِ

حتى أنتهى من قراءةِ التاريخ

جهرًا على العبيدِ

تَجمّعَ تَحْتَ منزلى

كَثِيرٌ منَ النَّمْلِ

فى اِنْتِظارِ إشارَةٍ عَسْكَرِيَّةٍ

لِبَدْءِ مَعْرَكَةٍجَدِيدَةٍ

وقفة بالشموع لإحياء ذكري محرقة بني سويف بثقافة الفيوم

ينظم مسرحيو قصر ثقافة الفيوم وقفة بالشموع احياء لذكري محرقة بني بني سويف والتي راح ضحيتها لفيف من خيرة فناني مصر والفيوم علي وجه الخصوص 
كانت فجيعة محرقة بني سويف والتي وقعت مساء الخامس من سبتمبر عام 2005 كارثة بكل المقاييس وقد فقدت الفيوم خلال المحرقة المخرج المسرحي صلاح حامد واخرين
 وقد تقدم وزير الثقافة حينها دكتور فاروق حسني باستقالته من المنصب الذي 

شغله منذ عام 1987 إلا أن الرئيس المخلوع محمد حسني مبارك قد رفض هذه الاستقالة .

يا أيها السايح ف روحي. للشاعر ناظم نور الدين

يا أيها السايح ف روحي
يا أيها السابح ف دمي
ياللي مطلوق جوة بوحي
وبين مسامي
ياللي ساكن جوة دوحي
واصل معايا لحد علمي
دلوقتي هقصد غربتي فيك للحياة
ما تخونش عهد الغربة فيا
وتنسى وعد الله
مكتوب علينا الآه
كيفما فرض الصلاة
يا المنتشي من عطر همي
سمي الأسامي باسمها
ومتجيبش اسمي
يا المنتمي ليا وإن لم أنتمي
طوفنا دروب العلم دون معلم
فاذكر جراحي إن نسيت
وارسمني أبعد من دخان سيجارتي
وإن يوم نسيت وصل الرحم
احسن لجارتي
وقولها:
كان فيه زمان حتة ولد.. وكان ولد
مطلبش منك وصل لكن
كنتي لعنيه المدد
نسي البلد
حتى وإن لم ينتمي
أو يقسم "بهذا البلد"
وسكن عنيكي الطيبين
ومخافش أكل التفاحات الطايبين
مكانش آدم ف الخليقة ولا أنتي حوا
كان هو هو
اللي رسم حيَّات بتنذر بالنزول
كان مين يقول المعجزات من جعبته
ف يوم تزول
يا أيها المقرون بحلمي
حد هذا المستحيل
متخونش حلمي
وإن مت ف طريق الوصول
بأمنك
ما تقولش لأمي

‫#‏وجع_الوصول‬

كان نفسي أحبك ... للشاعر عماد طنطاوي

كان نفسى أحبك....حب م النوع الفتوة
عشق م الصنف اللى هوه.....
اللى غيرته معذباه...
واللى كل شوية يتخانق عشانك
ويجيبلى بدل البلوة بلوة
وراجعلى وإنتى معوراه....
مش معترف....إنك أساسا بنت حوا
ولا إتخلقتى زيهم من طين ف طين
عنده إكتفاء ذاتى ف الحجة والبراهين
إنك ملاك.....واخد ملامحهم وبس...
بحكم عشته وسطهم..
وإن كدبوه ...!!!!
ساعتها يتلموا البنات فوق الميزان...
هتطبى بيهم كلهم....
وتغيرى قصص التاريخ..وتعيدى تجويد الحكاوى
ما أنا قبل منك ياما دوبت ف عشقهم
كانوا زى تمثال الفخار...
من برة متزوق قوى ومن جوة خاوى
كلمة "بحبك"..بتخش جواهم بيقتلها الفراغ
ماتجبش حتى القرش ساغ
صنف موجود بالغزيزة..دخانه عالى وريحته فايحه
لكن ما بيعليش دماغ......
إنتى الوحيدة اللى تحويجة ملايكة
بتدوخى القلب الرزين..إن شالله من ربط الفيونكة
عاشق ودايخ يسترك....والعشق سلطنلى الدماغ....

ما بينا كان خط الثبات قصيدة للشاعر محمد حميدة

ما بينا كان خط الثبات 

دمعك وطن 
يشبه دموع الأنبيا 
وقت الرحيل 
يشبه عيال الثورة وقت المعركة
واقفين صفوف
نايمن على تراب الوطن
كالدمع فوق خد اليتيم
واليتم ف رحاب الميدان
أصعب كتير
قلبي الصغير
مش قد دقات الوجع
مش حمل لومك وأنتي نايمة في العرا
وكلاب سكك
تتملى من لحمك ساعات
يامين يحن بكان بدن
ويلم م الأرض الشتات
يا مين يقول إن الغلابة فيك بشر
وإن الوطن
ممكن يساع الطيبين
وإن المسيح
مصلوب عشان المسلمين
يا مين يا يطبطب ع البدن
قبل الممات
يا مين يغنيكي ف سكات
زي الملايكة السهرانين وسط الميدان
كان
كان ياما كان
كنا هنا
كانوا هناك
فقلوبنا حلم
وهما ف أديهم حاجات
وما بينا فاصل دمعتك
ما بينا كان خط الثبات
لما أنكسر
الحلم مات
لما أنكسر
الحلم مات

مؤتمر أدباء مصر يكرّم الشاعرة سيدة فاروق

قررت امانة مؤتمر أدباء مصر العام تكريم الشاعرة سيدة فاروق ضمن المكرمين والمكرمات في دورته الحالية وقد أعربت الشاعرة عن سعادتها وشكرها لزملائها في الحقل الادبي لهذا التكريم معبرة عن فرحتها بحب اخوانها واخواتها من الادباء الذين أبههم خبر اكريمها 
واامدونة تهنئ الشاعرة سيدة فاروق وتتمني لها مزيدا من التقدم والنجاح في مشواها الابداعي والمسرحي

أيوة بعيش..للشاعرة رشا فهمي

أيوة بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،، 
وهم كان احساسي بيك
حتى شوقى مكنش ليك
أي دمعة من عيوني جارحه خدي خساره فيك
وان بعت قلبك مشتريش
كدبك بحر ميرونيش
أيوة بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،،
أيوة بنسى كل همسه
كل كلمه كل لمسه
كل نظرة غادره قادرة
ترسم الاحلام وتئسى
برجع اضحك لما افكر قولت حياتي في بعدك ناقصه
خليك جنبي متجرحنيش
أتاريك صورة وقلب مفيش
دلوقت بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،،

كريمة ثابت تعود ب " هيصة "

هيصة
أعياد
ومراجيح وبالونات
وعيال بتلعب
ناس بتتخانق
مقالب
وحكايات
ضحك وغنا
وصراخ/بكا
وكتير حاجات
وطن بيتعذب على اسياخ غربة
وريحة الشوي تملا القصيدة
وتعشش نعوش في الحرف
تترحّم عاللي
لا عاش
ولا
مات
كوكتيل تعب على سفر
وقطر بيسافر
جوة
دمي
تفوت محطة
تندهلو
قلوب لابسة الغنا محطات
واما التراب يشتاق لنا
يعجنا شجرة ذكرى
تتفرع غصونها كلام
وتطرحنا الليالي
آ
ه
ا

لم يكن ... للشاعر حسنى عبد الحميد الإتلاتى

لم يكن غبيا ليكمل تعليمه
ولم يكن قاسيا ليترك نخله دون ماء
لا
ولم يكن نبيا ليلقي الألواح في وجوهنا

كان كالنهر
يسمح لجذوع الأشجار الخاوية
بالعبور على كتفيه
ولا يمنع القطط الخائفة ولا الكلاب

كان كالنهر
غريبا يرحل من وطن اوطن
دون ماء
و لا وردة واحدة

كان كالنهر
مبتسما دائما
دائما
كملاك
أو كطفل ماغادر الثانية

كان كالنهر
وكانت روحه طائرة ورقية تجيئنا صباح مساء
لتطمئن علينا وتضع أحزانها بعيدا بعيدا عن جيوبنا

كان كالنهر
وهو الذي استقر على رتبة الأميّ
ليمنحنا علمه الغضّ
كالأنبياء
ويمنحنا روحه الصافية
كان كالنهر
ولم يزل