يا أيها السايح ف روحي
يا أيها السابح ف دمي
ياللي مطلوق جوة بوحي
وبين مسامي
ياللي ساكن جوة دوحي
واصل معايا لحد علمي
دلوقتي هقصد غربتي فيك للحياة
ما تخونش عهد الغربة فيا
وتنسى وعد الله
مكتوب علينا الآه
كيفما فرض الصلاة
يا المنتشي من عطر همي
سمي الأسامي باسمها
ومتجيبش اسمي
يا المنتمي ليا وإن لم أنتمي
طوفنا دروب العلم دون معلم
فاذكر جراحي إن نسيت
وارسمني أبعد من دخان سيجارتي
وإن يوم نسيت وصل الرحم
احسن لجارتي
وقولها:
كان فيه زمان حتة ولد.. وكان ولد
مطلبش منك وصل لكن
كنتي لعنيه المدد
نسي البلد
حتى وإن لم ينتمي
أو يقسم "بهذا البلد"
وسكن عنيكي الطيبين
ومخافش أكل التفاحات الطايبين
مكانش آدم ف الخليقة ولا أنتي حوا
كان هو هو
اللي رسم حيَّات بتنذر بالنزول
كان مين يقول المعجزات من جعبته
ف يوم تزول
يا أيها المقرون بحلمي
حد هذا المستحيل
متخونش حلمي
وإن مت ف طريق الوصول
بأمنك
ما تقولش لأمي
يا أيها السابح ف دمي
ياللي مطلوق جوة بوحي
وبين مسامي
ياللي ساكن جوة دوحي
واصل معايا لحد علمي
دلوقتي هقصد غربتي فيك للحياة
ما تخونش عهد الغربة فيا
وتنسى وعد الله
مكتوب علينا الآه
كيفما فرض الصلاة
يا المنتشي من عطر همي
سمي الأسامي باسمها
ومتجيبش اسمي
يا المنتمي ليا وإن لم أنتمي
طوفنا دروب العلم دون معلم
فاذكر جراحي إن نسيت
وارسمني أبعد من دخان سيجارتي
وإن يوم نسيت وصل الرحم
احسن لجارتي
وقولها:
كان فيه زمان حتة ولد.. وكان ولد
مطلبش منك وصل لكن
كنتي لعنيه المدد
نسي البلد
حتى وإن لم ينتمي
أو يقسم "بهذا البلد"
وسكن عنيكي الطيبين
ومخافش أكل التفاحات الطايبين
مكانش آدم ف الخليقة ولا أنتي حوا
كان هو هو
اللي رسم حيَّات بتنذر بالنزول
كان مين يقول المعجزات من جعبته
ف يوم تزول
يا أيها المقرون بحلمي
حد هذا المستحيل
متخونش حلمي
وإن مت ف طريق الوصول
بأمنك
ما تقولش لأمي
ليست هناك تعليقات:
إرسال تعليق