تالت / المستحيلات ؟!!!
مستحيل
راح تبقي عايشه ؟!!
لمّا غاااابت .. قُلـت :
" ماتت "؟!!!
:
مستحيل
راح تبقي طايشه ؟!!
و استحاله .. تبقي :
خانت
؟!!!
:
مُستحيل
تنسااااااااني ليلـة !!!
اللي كانت كل :
" ليلة "
تحكي قصة ألف ليلة
و يّا قلبي ..
بالساعات !!
كل ما نخلّص حكايــة
تتفتح تاني :
حكايات ؟!
:
حتي أخـــــر مرّة بنّا
كات موعداني :
بحاجات ؟!
راح نلّف الكون بحاله
راح نعيد :
" الذكريات "
:
فجأة ! .. راااح نرجع
( بنات )
!!!!
بالبلوزة و الجيبات
راح نقول :
( للأمهــــــات )
يسمحولنا :
( بمحتاجاااات )
؟!!!
نجري / ننزل
من سُكات ؟؟؟
نشتري :
( غَـزَل البنات )
و الجيلاتي ..
ف / كوبايات !!!
ناكل
( السُكر نبات )
و اللي :
نصحي / فيـــه
نبااااات
؟!!!
و اللي باقي من :
" حياتنا "
راح نعيشـــــــــــه
" بالثواني "
و اللي ضاع من :
" ذكرياتنا "
حبّه حبّه .. نعيده
تاااااني
:
ترجع الفرحــــــــة
ف دقايق
نرجع الـــــــــــروح
و الشقايق
نضحـك .. الضحـك
اللي رااايق
ننسي .. أوجااااع
الخلايق ؟!!!
:
ياااااااااااه
الشريــــــط .. كّر
ف دقيقة ؟!!!
فجـــــــأة ! .. ليه
حسيت ..
بضيقة ؟!!!
قلبي ..
و لعـــــــت فيـــه
حريقة ؟!!!
:
هيّ .. غابت ليه
الصديقة ؟!!!
:
و الغياب ..
مش .. حاجــــــه
ساهله
الغيااااااب يعني :
" إنفلات "
؟!!!
:
و استحاله
تبقي .. عاقلــــه
لمّا ..
تنسي ف يـــــوم
" زينات "
؟!!!
:
و ابتديت الاتصـال
نفسي
ارتاح بالسـؤال ؟!
نفسي
اكدّب الاحتمال !!
:
و ابتدي التليفون
يررررررررن
و ابتدي عقلـــي
يززززززززن
و ابتدت روحـــي
تآآآآآآآآآآآآن
:
و ابتــدي نبضــي
يغيب
بعدها .. مالهوش
حبيب ؟!!!
و ابتــدي .. قلبي
يمووووت
و الساعات فوقـه
تفووووت
زي قطــر مالهش
صوووت
:
فجأة ! و ف عــــزّ
السكوت
:
قلت :
أبص عليها ..
بصّه
من بيبان مفتوحه
لسّه
لاجل اودّع حاجـه
" منها "
كل يوم بسألهـــا
" عنها "
؟؟؟
لاجل اودع حتـّــه
" منّي "
كل يوم تسألنــي
( عنّي )
؟!!!
:
و اتصدمت !!! ..
بكونها / عايشه ..
بس مش
فكراني .. أبـداً !!!
و لّا ..
مش .. عوزاني
أبدددددددددداً ؟!!
و لّا ..
راضيــه .. تكــون
( وحيدة )
عــــاوزه .. عنّي
تكون :
( بعيدة )
؟!!!
و ابتدت .. روحي
الشريدة
:
تجرررررررررررري
طول الليل ..
وراها ؟!!!
نفسها .. تفضـل
معاها ؟!!!
:
و امّا..
اقرّب .. تجرررري
تهرررررررررررررب
:
لمّا ..
صــوت الفجــر ..
( آذن )
:
و امّا ..
بعـــــــدت عنّي
جدددددداً
و امّا ..
ضاعـــــت منّي
جدددددداً
و امّا ..
( صحبة عُمري )
تااااهت
و امّا عن
( احساسي )
غاااابت
:
( غصب عنّي )
قُلت :
فعــــلاً ..
:
النهـــــــارده ..
( زينة )
م
ا
ت
ت
؟!!!
:
شاعرة الشعب
زينات القليوبـي
ليست هناك تعليقات:
إرسال تعليق