يا أيها السايح ف روحي. للشاعر ناظم نور الدين

يا أيها السايح ف روحي
يا أيها السابح ف دمي
ياللي مطلوق جوة بوحي
وبين مسامي
ياللي ساكن جوة دوحي
واصل معايا لحد علمي
دلوقتي هقصد غربتي فيك للحياة
ما تخونش عهد الغربة فيا
وتنسى وعد الله
مكتوب علينا الآه
كيفما فرض الصلاة
يا المنتشي من عطر همي
سمي الأسامي باسمها
ومتجيبش اسمي
يا المنتمي ليا وإن لم أنتمي
طوفنا دروب العلم دون معلم
فاذكر جراحي إن نسيت
وارسمني أبعد من دخان سيجارتي
وإن يوم نسيت وصل الرحم
احسن لجارتي
وقولها:
كان فيه زمان حتة ولد.. وكان ولد
مطلبش منك وصل لكن
كنتي لعنيه المدد
نسي البلد
حتى وإن لم ينتمي
أو يقسم "بهذا البلد"
وسكن عنيكي الطيبين
ومخافش أكل التفاحات الطايبين
مكانش آدم ف الخليقة ولا أنتي حوا
كان هو هو
اللي رسم حيَّات بتنذر بالنزول
كان مين يقول المعجزات من جعبته
ف يوم تزول
يا أيها المقرون بحلمي
حد هذا المستحيل
متخونش حلمي
وإن مت ف طريق الوصول
بأمنك
ما تقولش لأمي

‫#‏وجع_الوصول‬

كان نفسي أحبك ... للشاعر عماد طنطاوي

كان نفسى أحبك....حب م النوع الفتوة
عشق م الصنف اللى هوه.....
اللى غيرته معذباه...
واللى كل شوية يتخانق عشانك
ويجيبلى بدل البلوة بلوة
وراجعلى وإنتى معوراه....
مش معترف....إنك أساسا بنت حوا
ولا إتخلقتى زيهم من طين ف طين
عنده إكتفاء ذاتى ف الحجة والبراهين
إنك ملاك.....واخد ملامحهم وبس...
بحكم عشته وسطهم..
وإن كدبوه ...!!!!
ساعتها يتلموا البنات فوق الميزان...
هتطبى بيهم كلهم....
وتغيرى قصص التاريخ..وتعيدى تجويد الحكاوى
ما أنا قبل منك ياما دوبت ف عشقهم
كانوا زى تمثال الفخار...
من برة متزوق قوى ومن جوة خاوى
كلمة "بحبك"..بتخش جواهم بيقتلها الفراغ
ماتجبش حتى القرش ساغ
صنف موجود بالغزيزة..دخانه عالى وريحته فايحه
لكن ما بيعليش دماغ......
إنتى الوحيدة اللى تحويجة ملايكة
بتدوخى القلب الرزين..إن شالله من ربط الفيونكة
عاشق ودايخ يسترك....والعشق سلطنلى الدماغ....

ما بينا كان خط الثبات قصيدة للشاعر محمد حميدة

ما بينا كان خط الثبات 

دمعك وطن 
يشبه دموع الأنبيا 
وقت الرحيل 
يشبه عيال الثورة وقت المعركة
واقفين صفوف
نايمن على تراب الوطن
كالدمع فوق خد اليتيم
واليتم ف رحاب الميدان
أصعب كتير
قلبي الصغير
مش قد دقات الوجع
مش حمل لومك وأنتي نايمة في العرا
وكلاب سكك
تتملى من لحمك ساعات
يامين يحن بكان بدن
ويلم م الأرض الشتات
يا مين يقول إن الغلابة فيك بشر
وإن الوطن
ممكن يساع الطيبين
وإن المسيح
مصلوب عشان المسلمين
يا مين يا يطبطب ع البدن
قبل الممات
يا مين يغنيكي ف سكات
زي الملايكة السهرانين وسط الميدان
كان
كان ياما كان
كنا هنا
كانوا هناك
فقلوبنا حلم
وهما ف أديهم حاجات
وما بينا فاصل دمعتك
ما بينا كان خط الثبات
لما أنكسر
الحلم مات
لما أنكسر
الحلم مات

مؤتمر أدباء مصر يكرّم الشاعرة سيدة فاروق

قررت امانة مؤتمر أدباء مصر العام تكريم الشاعرة سيدة فاروق ضمن المكرمين والمكرمات في دورته الحالية وقد أعربت الشاعرة عن سعادتها وشكرها لزملائها في الحقل الادبي لهذا التكريم معبرة عن فرحتها بحب اخوانها واخواتها من الادباء الذين أبههم خبر اكريمها 
واامدونة تهنئ الشاعرة سيدة فاروق وتتمني لها مزيدا من التقدم والنجاح في مشواها الابداعي والمسرحي

أيوة بعيش..للشاعرة رشا فهمي

أيوة بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،، 
وهم كان احساسي بيك
حتى شوقى مكنش ليك
أي دمعة من عيوني جارحه خدي خساره فيك
وان بعت قلبك مشتريش
كدبك بحر ميرونيش
أيوة بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،،
أيوة بنسى كل همسه
كل كلمه كل لمسه
كل نظرة غادره قادرة
ترسم الاحلام وتئسى
برجع اضحك لما افكر قولت حياتي في بعدك ناقصه
خليك جنبي متجرحنيش
أتاريك صورة وقلب مفيش
دلوقت بعيش
كل لحظه بعد بعدك فيها فرحة متتنسيش
أيوة بعيش
كنت جنبك عاشقة قلبك عاشقه حلم ميساويش
أيوة بعيش ،،

كريمة ثابت تعود ب " هيصة "

هيصة
أعياد
ومراجيح وبالونات
وعيال بتلعب
ناس بتتخانق
مقالب
وحكايات
ضحك وغنا
وصراخ/بكا
وكتير حاجات
وطن بيتعذب على اسياخ غربة
وريحة الشوي تملا القصيدة
وتعشش نعوش في الحرف
تترحّم عاللي
لا عاش
ولا
مات
كوكتيل تعب على سفر
وقطر بيسافر
جوة
دمي
تفوت محطة
تندهلو
قلوب لابسة الغنا محطات
واما التراب يشتاق لنا
يعجنا شجرة ذكرى
تتفرع غصونها كلام
وتطرحنا الليالي
آ
ه
ا

لم يكن ... للشاعر حسنى عبد الحميد الإتلاتى

لم يكن غبيا ليكمل تعليمه
ولم يكن قاسيا ليترك نخله دون ماء
لا
ولم يكن نبيا ليلقي الألواح في وجوهنا

كان كالنهر
يسمح لجذوع الأشجار الخاوية
بالعبور على كتفيه
ولا يمنع القطط الخائفة ولا الكلاب

كان كالنهر
غريبا يرحل من وطن اوطن
دون ماء
و لا وردة واحدة

كان كالنهر
مبتسما دائما
دائما
كملاك
أو كطفل ماغادر الثانية

كان كالنهر
وكانت روحه طائرة ورقية تجيئنا صباح مساء
لتطمئن علينا وتضع أحزانها بعيدا بعيدا عن جيوبنا

كان كالنهر
وهو الذي استقر على رتبة الأميّ
ليمنحنا علمه الغضّ
كالأنبياء
ويمنحنا روحه الصافية
كان كالنهر
ولم يزل

غرغرينا.. للشاعر جاسر جمال الدين

غرغرينا
..........................
صوت الفرامل
مزيكه بتخش الودن من غير أذن
ترج برودة الدم
اللى متعكر ندى
نازله فى عتمة بير مالوش أخر
رعشة ما قبل الموت
يا رقصه مجنونه
يا دمعه لسه بترضع البزه
الخطوه سكرانه كما ..
كورة بلياردوا دايخه ع الترابيز الخشن
حمره كل الخطوط البيضا ع الأسفلت
شبكت فى حبل غسيل
أنقطع ..وأتعاص اليونيفورم تراب
حرق العجوز صبره
على ركية الجوزه
وسرح بعنيه على أكتاف الشجر
أصطاد يمام الغناوى بكا
القطه بتخربش ونابشه فى دماغى
داخله بموتها العفى بشويش
جوه موتى اللى لسه بيحبى على سدرى
رسومات تترجم رعشة الجنس الأخيره
والصوت معلق م الكتاف
بيمطر عرق أخضر
والجيب بينزل حبه حبه
كوم جرايد
ينفك كتفى م المشابك
أترمى ع الأرض
فتافيت طريه من قزاز
طالع بسلم دمعتى للنهنهه
وأنا براقب ضلى
اللى مبصوم ع التراب بيصارع القطه
نداهه بتشدنى من عينى للتوابيت
النو _ دهشه بتخطط لموتى-
عريان فى الخلا
القطه بتصارع تقّطع فى ورق التوت
الخوف ..... قصدى الشلل .....قصدى المفاجئه
قصدى لحظة الموت الوحيده
الباقيه فى كفوفى
والليل بيحك ضهره منى فى الحيطه
يسقّطنى فار صغير
يجرى على سدر الغيطان مذعور
ويتفصص على العتبات ريحة قطط
أستنى فى الطوابير أملس على ضحكك
وأشم شيح الغرام المخفى فى رمادك
كانت الملايكه بتغنى
وهيه بتدبح القطه
وكأنه عمل روتينى
وتوشم دمها ع الأرض خمسه وخميسه
والصوت بيسرح سخن من تحت الملايه
ويشرح فى معنى اليلل
والخطرفه فى الليل
يحبر صوت أدان الديك على سطح الجيران
القطه داخله بتزحف
وشباك النفس مفتوح على البحرى
تلبسنى عفريت مزرجن والمزاج مقلوب
أكتشف ان السما
مش زى ماكنت متخيل بعيده
والقطط طوابير فى دمى
غرقانين ليعد الكتف بشويه
صوت السلاسل رتيب بيجرنى للبير
ويسيبنى للديب العبيط يشوف شغله
.........................
الدم فوق القميص
طلع أكتشاف ساذج
أنا لسه ميت طازه من ساعه
والريحه شدت قطتى م الودن
نامت على ضحكى
عدت على الرجلين بسرعه
وخطفت حضنى وأتدارت
خافت تبان للناس تنحدف بالطوب
خبت نفسها فيا
نزلتنى أعوم فى دمع الخلق
عريان بذنبى
...............................................
رميت أمانى العشق بلاعة الملل ودعيت
كان نفسى أكون قرداتى
أشيل بلى عنيكى فى جرابى
أدحرجه للى للى غاوى القزقزه فى الباص
وأغيظ تماثيل السذاجه
وأهد طوبها النى
وأرقص نفسى ..
على سكاكين نفسنا السخن
لحد ما أموت إله
كان نفسى أكون قطاطاتى
أسرح فى وسط الزحمه بيكى وأتباهى
بأن لحمك ميزان عدالة الكون
أنام فى عينيكى نومة العازب
وأعجن نهودك عجنه فلاحى
الرهبه ... قصدى الرعب ....
قصدى الخجل منك
وانتى تحت الرصيف نايمه
وورق الجريده سحابه مضلله فوقك
بتحاولى تستهجينى صح من غير تهتهه
متبعتره ع السبوره ريحتك
صفحه م الكراسه مقطوعه
كان فيها قلب
وحرف مكتوب بأنجليزى
وأنتى
مستنيه الخوجه يدخل
بنضاررته اللى قعر كوبايه
وضحكة سنانه الصفر
يخبط بخرزانته فخدك
ويبتدى الحصه

جاسر

أنـــا حـــرة.. للشاعرة / هتاف عريقات

أنـــا حـــرة------------
أنا لست فى مزاد العشق
يا رجـــل ..
أنا لست فى (بورصة)
الديــنار والـيورو
أنا.... أنـــثى ..
لا تباع مفاتنها ..!!!
فأن كنت تحسبها
بقـــلمك..!!
فأنا لى قلــبآ
يحــــاكينى ..

ولى درعــــآ ..!!
من اليوم سألــبسه..
يقينى طلقات عينيك ...
ويحــــمينى...
ولى ربا أركع له
لعل الماضى ينسينى
يستهونى يا رجل
صـــهيل خيلك
وتستوقفنى رائحة
تبـــــغك..!!
ورائحة قهوة فنجانك
كنت ..أحبك يا رجل !!!
فلا تضغط على بأوهامك

ولا تسجنى فى قصور
العشق عـــندك..!!
أتحبسنى لآنـــى
أنثــى فى عينك ..!!؟؟
أتحبسنى واضعآ جسدى
داخل جــــفنك..؟؟
أحبابى ... لا تلومونى
كسرت كـــل
ألآقفال المنغلقة...!!!
دمرت كل معــانى
الصــمت فى جوفى!!!
تمردت حتى على نفسى ...
أصبحت من اليوم حرة

أسير فى الطرقات
أصــــرخ..!!
لعل هذا الرجل
يسمــــعنى..!!
فلن يصل أذنــى
بعـــد اليوم
صهيل خـــيلك..!
ولن يصل أنفى
بعـــد اليوم
رائـــحة تبغك..!!
سأصرخ فى الطرقات
أنا حرة ....أنا حرة....

فهل تسمعنى يا رجل؟؟؟
صوتى الــرقيق..
لن يصــلك .....
فقد أستـــهواك
مزاد العشق يا رجلآ
تبيع .....تشترى ....
بأمـــــوالك ..
كل مفاتن الأنثي .....!!
أنا فى قفص صدرى ....
تحت نهـــداى
يرقد قلبى ..!!!
لا يباع ...لا يشترى
ينبض ....يصرخ .....
أنا حرة ....أنا حرة.....
أنا حرة .....أنا حرة.....
...........................
هتـــاف عــريقات

وداعا .... أحمد الأبلج

رحل عن عالمنا الكاتب المسرحي الاديب الفيومي احمد الابلج وهو  واحد من رواد مسرح الثقافة الجماهيرية ممثلا ثم كاتبا مبدعا له العديد من المسرحيات التي نفذت من خلال مسرح الثقافة الجماهيرية ونشرت له مكتبة الأسرة العديد من المؤلفات المسرحية ، ويعتبر الأبلج واحدا من مؤسسي فرقة سنورس المسرحية وعضو اتحاد كتاب مصر .

الأبلج حائز على العديد من الجوائز منها جائزة أفضل نص في النشر الإقليمي عام 2003 عن نص ” النهر يغير مجراه ” و جائزة محمد سلماوي المسرحية باتحاد الكتاب عام 2013 عن نص ” غنائم الملاعين” وهى المسرحية التى حازت على إعجاب النقاد ، وعرضت على مسرح فاطمة رشدى ، والمسرح العائم، وسفنكس، وقدمتها فرقة القاهرة المسرحية .

ولد الأبلج فى مدينة سنورس، الفيوم عام 1949 ،حصل على ليسانس الحقوق جامعة القاهرة، وصدر له العديد من النصوص المسرحية ومنها: “النهر يغير مجراه ، أوديب وشفيقة، السبيل، خطيئة أوزوريس ” .

حفل زفاف العجوز علي قرينة عاطف الجندي 13 أغسطس

يحتفل الاديب الشاب شريف العجوز بحفل زفافه علي قرينة الشاعر عاطف الجندي وذلك يوم الاربعاء 13أغسطس الجاري بقاعة رجال الأعمال بشبرا الخيمة وقد تقدم العجوز بدعوة اصدقائه علي شبكة الفيس بوك قائلا "-
حيث أنني قابلتها أول ما قابلتها سرقت قلبي وسحرتني من أول نظرة ، وسعمت دقات قلبي تعلو ، تحدث ضجيجا ، لم أستطع مواصلة حياتي دون رؤيتها ، أتشوق لنظرة واحدة من عينيها .
توددت ، طلبت يدها ، وافقت ، كنت أسعد الخلق بإهدائي جوهرة مثلها ، سميتها الفراشة فراحت ترفرف حولي تصنع لي بهجتي وأصبحت أريج حياتي ، دعوت الله يجمعنا في طاعته فكان حليفي ، عضدي ، ورزقني برزقها من حيث لا أحتسب وأستجاب لدعوتي ويسري لي الطريق لأدعوكم لذلك
يسعدني ويشرفني أن أدعوكم لحفل زفافي على كريمة الشاعر الكبير عاطف الجندي وذلك
(( يوم الأربعاء الموافق 13 – 8 – 2014 من الساعة الثامنة مساء وما بعدها ))
((( قاعة رجال الأعمال برج التطبقيين – محطة الفرنواني – ميدان المؤسسة – شبرا الخيمة )))
 والمدونة  تتقدم الي العروسين بالتهنئة وتتمني لهما الحياة السعيدة 

على باب الكلمة .. أمسية شعرية بساقية الصاوي 10 أغسطس

تقيم ساقية الصاوي بالزمالك الأمسية الشعرية " على باب الكلمة " ويمتعنا فيها نخبة من أرقى الشعراء في مصر بإبداعاتهم الشعرية لأول مرة بساقية الصاوية وهم :
الشاعر الأديب رفعت السنوسي 
الشاعر محمد محمد الساعي
الشاعرة نادية فتوح
الشاعرة أميرة فتحي
الشاعر فضل محمد إبراهيم
. الدعوة عامة ومجانية بقاعة الكلمة

مسابقة القصه القصيرة برعايه ورشه زحمة كتاب وفريق ماذا تقرا هذه الايام

مسابقة القصه القصيرة برعايه ورشه زحمة كتاب وفريق ماذا تقرا هذه الايام

القصه القصيره هي سرد واقعي أو خيالي لأفعال نثرية او شعرية يقصد به إثارة الاهتمام والإمتاع و تثقيف السامعين أو القراء. ويقول ( روبرت لويس ستيفنسون) - وهو من رواد القصص المعروفين: ليس هناك إلا ثلاثة طرق لكتابة القصة؛ فقد يأخذ الكاتب حبكة ثم يجعل الشخصيات ملائمة لها، أو يأخذ شخصية ويختار الأحداث والمواقف التي تنمي تلك الشخصية، أو قد يأخذ جوًا معينًا ويجعل الفعل والأشخاص تعبر عنه أو تجسده. وايمانا منا بالمواهب الشابه يشرفنا نحن ورشه زحمة كتاب الادبيه وجروب ماذا تقرا هذه الايام اعلان مسابقه القصه القصيره لجنة التحكيم : الكاتب والناقد : ربيع مفتاح الكاتب : يوسف زيدان الكاتب : محمد عصمت الكاتبه: منة الله رأفت شروط المسابقه 1/ يرسل المشترك 3 قصص متنوعه بين ( الرعب -السياسي- الاجتماعي) 2/ ان تكون الاعمال منقحه لغويا 3/ ان لا تزيد عدد الكلمات في القصه الواحده عن 2500كلمه الجوائز الجائزه الاولى :نشر وتوزيع مجموعه قصصيه مجانيه للفائز الاول الجائزه الثانيه : نشر وتوزيع مجموعه قصيه للفائز الثانى بربع تكلفه الطباعه الجائزه الثالثه : نشر وتوزيع مجموعه قصصيه للفائز الثالث بنصف تكلفه الطباعه اعلان النتائج بحفل كبير مقدم من زحمة كتاب وفريق ماذا تقرا هذه الايام ترسل الاعمال من خلال تعبئه هذه الاستماره فقط لاغير اخر موعد لاستلام الاعمال 15 سبتمبر 2014

شومان لموظفى قصور الثقافة: حقوقكم المالية مصونة ولاتلتفتوا للشائعات

شومان لموظفى قصور الثقافة:

حقوقكم المالية مصونة ولاتلتفتوا للشائعات

أمامنا مهمة قومية كبرى لنشر ثقافة الاستنارة ومواجهة قوى الظلام

أعلن الشاعر مسعود شومان رئيس الهيئة العامة لقصور الثقافة حرصه على الحقوق المالية للعاملين بالهيئة، مؤكداً أن أحداً لن يضار فى مستحقاته بل إنه سيسعى جاهداً وكلما أمكنه ذلك إلى زيادة مكافآتهم تحفيزاً لهم على بذل المزيد من الجهد وتقديراً للدور الذى يقومون به، أوضح شومان فى تصريحات صحفية أنه يدرك تماماً مسئوليته تجاه 17ألف موظف بالهيئة فضلاً عن من يعملون بالأجر اليومى مطالباً الجميع بالتكاتف من أجل إنجاز المهمة القومية للهيئة والمتمثلة فى نشر الوعى الثقافى فى ربوع مصر كافة.
كما نفى شومان وجود أى نية لتخفيض حوافز ومكافآت العاملين بالهيئة، موضحاً أنه سيعطى تعليماته للإدارات المالية فى جميع أقاليم مصر لسرعة صرف أى متأخرات سواء للعاملين بالهيئة أو المتعاملين معها، كما طالب رئيس الهيئة جميع العاملين بأداء واجبهم الوطنى تجاه الثقافة المصرية لنشر ثقافة الاستنارة ومواجهة التيارات الظلامية وعدم الالتفات إلى الشائعات التى تهدف إلى إهدار طاقتهم وصرفهم عن مهمتهم القومية، مؤكداً أنه وجميع العاملين بالهيئة مجندون لتحقيق هدف واحد ورئيسى وهو إيصال الخدمة الثقافية إلى كل إنسان على أرض الوطن.

غادة هيكل تكتب .... صوفيا

أيتها الأرض أنتِ مثل صوفيا، رطبة لينة، تنبتين الزرع الأخضر، وصوفيا تنبت حياة.
صوفيا نصف قديسة، عندما يمتزج طينك بروح صوفيا، كونى رطبة لينة، لا تبخلي عليها من أُنسك وهمسك .
عبثية هى الحياة، حملت صوفيا من بين بين، من حياة إلى شرنقة لا تمتلك فيها سوى جسد يتعذب، وقلب يدق بحياة خافتة كضوء قنديل يتناقص زيته، فصار يحرق فتلاته رويدا.
صوفيا حملت خطايا وذنوب جمالها إلى منفى الرب بعيدا عن أعين الصياد، صوفيا يا أنا .
يا أمل النساء، يا طهر الأرض، ونبع الماء، يتدفق من أعلى، من سمائك أنتِ وحدك،
من فيض روحك الصاعدة تبحث عن خلاصها من ذنوب البشر، من علات الجسد الذي يباغتك بشهوة .
أنتِ الآن فوق الأرض لا تحتها، روحك تنادى البشر أن أطلقوا العنان للأرواح كى تتجلى، أن تبوح بسرها الأعلى، سر الجمال الأوحد، كينونة النفس التى خلقها الرب ولوثها البشر.
صوفيا امتلكت أدوات طهرها ،هناك فى صحراء جرداء، فركت ما بين كفيها عرقا أنبت خضرا، أتاها الطير ليرتوي، والحيوان.
ابتهالاتها اخترقت جدران الكون
نداءات ساقتني إليك أيتها القديسة، وكيف تركتِ نصفك بشريا ليحدثني.
أنا الغائب عن دنيا البراءة، ونفسي تتوق
أنا الأسير لذاك الهوى والنفس عليلة
أنا الباغي على روحي الثكلى وكيف الهروب
صوفيا، أما زلت غريبا فى دارك، فى روحك، فى هواكِ
فليكن عشقي قربانا
وليكن تعبدي في محرابك هجرانا للخطيئة
وليكن بوحي لك خادما مطيعا
كفاني من وجودك طلة بشرية
وكفاك من وجودي عاشق متعبدا.
غادة هيكل/ مصر

إلى جدتى : للشاعرة / أمل درويش

إلى جدتى :
كل الصباحات الجميلة راحت معاكى
الشمس مابقتش بترضى تقوم من النوم
النهار غضبان و بيفكر ها يعيش إزاى 
فى الدنيا اللى انتى سبتيها
طب و لو جهه متأخر
مين ها يخبى له الغدا بتاعه فى فرن البوتاجاز
ياستى ...ياست الستات ياحنينة
تلاقيكى طول النهار واقفة على رجلك فى الجنة
تغرفى الحنية فى سحون و تفرقى على الخلق
أنا قلبى ليكى جعان و مافيش غيرك يشيعنى
كل اللى فاتوا عليا بعدك
حنيتهم مافيهاش حاجة من ريحتك
ماحدش فيهم قام فى عز الليل يغطينى
الكل قام .... قام عشان يعرى الستر
حتى و لو بالكلام
انا نفسى انام فى حضنك و اغمض عينى
من يوم فراقك بخاف اغمض
لحسن كلاب الاحلم تهجم عليا و تاكلنى
( تخاريف ليل )

رايحه على فين يا بلدى .للشاعر سيد منير عطية

رايحه على فين يا بلدى

رايحه على فين يا بلدى ليه عايزين يكسروكي كل ما تقفى يشدوكى مش انتِ برضوا وطنا ولا احنا أغراب حواليكى كل ما تضحك الدنيا يعاندوا يا بلد فيكى صور الدم حواليكي وجنودنا فدا عينيكي ليه عايزين يكسروكي بالموت بيتاجرو فيكي انا مسلم وبشهد بالله جرحك يا بلدنا غالى وموت جنودنا مش عادى قبل العيد بيقتلوا فرحتنا فى شهر الصوم بيقتلوا جنودنا رمضان اللى فات ماتوا شهداء رفح بأيد خسيسه لسه بتتحاكم يا خساره والف خساره على قاضى بيستشعر حرج وحكومه بتشوف الضيق فرج وقانون بيتطبق على الغلبان ودمنا ما يساوى باكو لبان يا بلد فيكِ ايه كتر الوجع وقلوبنا خايفه تضحك كل يوم نسمع خبر وحياتنا بقت أوجع غريبه نحس بالامان على ارضك بكلم نفسى ومستغرب وبضحك من همى وانا بكتب قلنا يمكن تتعدل ونلاقى وطن أحسن لاقيت المر بزياده وموت جنودنا بقى عاده بنشرب قهوه ساده على ارواح شهدائنا وفى كل شيىء ف حياتنا يارب نفسى تتعدل واشوف ضحكه قلوب صافيه ماشيه على أرضك بتحضن كل شيىء أخضر يارب اشوفك كدا اقوى من كل متأمر جبان ومن كل انسان راضى الهوان على ذولك واخضاعك وارادتك يا بلدى كفايه كلام شبعنا م الاحلام جنودنا خط احمر ودمهم نار تارهم مش بالكلام بقلم /سيد منيرعطيه

الخروف الفداء".. قصة للدكتور مخلص أمين

قصة قصيرة بعنوان "الخروف الفداء" ,, من مجموعتي القصصية "صرخة الهمسات"

انهمك شاكر في فلاحة أرضه المجاورة لمنزله وهو لا يعلم أن ثعباناً خبيثاً يزحف نحوه حثيثاً.
ركز الثعبان نظره على ساق شاكر العارية حيث ينوي لدغه؛ ولكن قبيل لحظة الانقضاض سمع شاكر صوت ابنه الصغير الذي أتى مهرولاً مع كلبه "إلحق يابا الخروف وقع من على السطح؛ وأمي بتقول لك تعالا بسرعة ادبحه قبل ما يموت".

جرى شاكر نحو المنزل تاركاً ابنه الذي لاحظ الثعبان وأعجبه ألوانه الزاهية. وفي براءة الأطفال أقترب من الثعبان ليلعب به. ولكن الكلب كان أسرع في الانقضاض على الثعبان وتصارعا حتى تمكن الكلب من قتل الثعبان وسط لوم الطفل لكلبه الذي حطم لعبته.

وصل شاكر في لحظات إلى المنزل آمراً زوجته المطلة عليه من "بلكونة" الدور الثاني صارخاً: "ارمي لي السكينة الكبيرة بسرعة" .. غابت الزوجة.. قفز شاكر ناهباً الدرج ليحضر السكين بنفسه.

خرجت زوجته مسرعة إلى "البلكونة" وبيدها السكين .. ارتطمت بجدار "البلكونة" الخشبي المتهالك الذي تفكك وكادت أن تسقط صريعة لولا قوة خفية حمتها من السقوط.
طار السكين الحامي من يدها مندفعاً ليمر بجوار رقبة ابنتهما الواقفة بجوار الخروف دون أن يصيبها لينغرس بقوة في الأرض الرخوة.

نزل شاكر مسرعاً ليبحث عن السكين وسط زحمة المتفرجين وما أن وجده واستله, ولكنه وجد أن الخروف قد فارق الحياة.
رفع شاكر يده نحو السماء غير شاكر وصرخ "ليه يا رب الظلم ده".

فتحُ باب التَّرشُّح لجوائز ناجي نعمان الهادفة 2015

فتحُ باب التَّرشُّح

لجوائز ناجي نعمان الهادفة 2015

 

أعلنت دار نعمان للثَّقافة فتحَ باب التَّرشُّح لجوائز ناجي نعمان الأدبيَّةالهادفة لعام 2015 (الموسم الثَّامن). وكان نعمان أطلقَ في العام 2007 سلسلةً جديدةً من الجوائز الأدبيَّة،هي، على التَّوالي، الجوائز الهادفة الآتية:

 

- جائزة المتروبوليت نقولاَّوس نعمان للفضائل الإنسانيَّة.

- جائزة الأديب متري نعمان للدِّفاع عن اللُّغة العربيَّة وتطويرها.

- جائزة أنجليك باشا لتَمتين الرَّوابط الأُسريَّة.

- جائزة ماري-لويز الهوا لأدب الأطفال الأخلاقيّ.

 

وهذه الجوائز، على العكس من جوائزه الأدبيَّة التي أُطلِقَت عام 2002، والمفتوحةُ على كلِّ اللُّغات والجنسيَّات، هادِفَةٌ لجهة الموضوعات، ومَحصورةٌ بأبناء الضَّاد وبناتها. كما أنَّ عددَ الفائزين بها محدَّدٌ بشخصٍ واحدٍ سنويًّا عن كلِّ فئة، فيما قوامُ الجائزة طباعةُ المخطوط الفائز في سلسلة "الثَّقافة بالمجَّان" التي أطلقَها نعمان عام 1991، واكتِسابُ الفائز عضويَّةَ دار نعمان للثقافة، وهي عضويَّةٌ لِمدى الحياة، تؤهِّلُ صاحبَها، بشروطٍ معيَّنة، طباعةَ نتاجه الأدبيِّ في السِّلسلة المجَّانيَّة السَّابقة الذِّكر ومن ضمن منشورات مؤسَّسة ناجي نعمان للثَّقافة بالمَجَّان.

تُقدَّمُ المخطوطات، بعد تحديد اسم الجائزة التي يتبارى عليها المُشتَرِك، في نسخةٍ واحدة، منضَّدة، في مهلةٍ تمتدُّ حتَّى آخر شهر أيلول (سبتمبر) 2014؛ وتُرفَقُ بها سيرةُ المؤلِّف وصورةٌ فنِّيَّةٌ له، وذلك عبر البريد الإلكتروني:

 info@najinaaman.org

ويُشتَرَطُ ألاَّ يزيدَ عددُ صفحاتها على السِّتِّين بحجم (A4)، وألاَّ يكونَ قد سبقَ لها ونُشرَت أو حازت جوائز.

وأمَّا الإعلانُ عن الجوائز فيتمُّ في مهلةٍ لا تتجاوزُ آخرَ كانون الثَّاني (يناير) 2015، على أن يجري نَشرُ المخطوطات المستحقَّة خلال شهرَي نيسان وأيَّار (أبريل ومايو) من العام عَينه.

ازيكوا ياشعب مافى زيكوا.. للشاعر / يسري توفيق اللباد

ازيكوا
ياشعب مافى زيكوا
بتعلموا العالم دروس
وبتنسوا طبعا درسكوا
لورانس لساه فى الكتب
دايس برجله ارضكوا
لورانس كفه معلمه
وعلامته لسا فى خدكوا
ازيكوا
كيف المزاج و الصهلله
عامره بيتكوا كلكوا
شايفين قوى ومطنشين
داعش بتخنق فرحكوا
ازيكوا
سلامات ياكلمة مسلمين
سلامات ياعرب ف عزكوا
ماقدرش اقول ..
غير انى واحد منكوا
ورضيت تكونوا الأولياء
الأتقياء
الأنقياء
الأنبياء
واحنا الشعوب مش زيكوا
ازيكوا
داعش خلاص اتأمرت
واستعمرت
ومسيرها تدخل عندكوا
ازيكوا
كيف المزاج و الصهلله
عامره بيتكوا كلكوا
ازيكوا