سيد حجاب: كتبنا أول دستور حقيقى بالتوافق المجتمعى

كتب أحمد عبد الرحمن

قال الشاعر الكبير سيد حجاب، إنه عندما تم التصويت على الدستور كان لدينا نسخة بها جملة "حكمها مدنى"، مضيفًا: "للأسف الصادر هو "حكومتها مدنية".

وأضاف حجاب خلال لقائه ببرنامج "هنا العاصمة" على فضائية "Cbc"، مع الإعلامية لميس الحديدى: "عانينا من محاولة أعضاء السلفيين للالتفاف لإدخال المادة 219"، مضيفًا أنه تم التوصل لصيغة طمأنة بالتوافق مع الكنيسة.

وقال حجاب: "كنا دائمًا رعايا للراعى وليس أصحاب هذا الوطن"، مضيفًا: "تفجرت الدموع فى عينى مع الانتهاء من الدستور، وحلم مصر منذ أيام محمد على على أعتاب التحقق".
واستطرد حجاب قائلا: "الدستور الجديد هو أول دستور حقيقى يكتب بالتوافق المجتمعى من الشعب المصرى نفسه".

 نقلا عن اليوم السابع 

لصوص.... لصبري رضوان

لصوص

صبري رضوان

1

لم يطرق الباب
لكننا فتحنا باب الشقة
وتركناه ينهش العفش
ومصابيح الكهرباء
ومواسير المياه
والغاز الطبيعي
كنا نصفق له بحماس
ونقف انتباه
كلما يدخل غرفة
بزيه الأنيق
فلم يثر غضبنا
الأطفال الذين باتوا عراة
دون عشاء

2

لصوص صغار
سوف يجربون المهنة
لكنهم _ بكل اأسف_
لن يجدواشيئا مهما 
غير قلوبنا
التي امتلأت حقدا
وألسنتنا الصماء

3

فاتورة الكهرباء
مؤرقة الي حد بعيد
كأن اصدقاءك اجتمعوا فجأة
بمقهي أرستقراطي
وطالبوك بدفع الحساب
الفارق الوحيد
أن اصدقاءك
لن يفكروا مطلقا
في رفع العداد

4

علي هيئة جاسوس
سوف تخرج زوجتي الان
تتعلل بتقديم الشاي
لتعرف بالضبط
كم بنتا تجلس جولي 
عندما اكتب القصيدة

يناير 2008

" عيشة بنت الباشا " لسعدي يوسف .. تثير ضجة في أوساط المثقفين

ومطالب بسحب عضويته من اتحاد كتاب مصر 

أكد الشاعر نور سليمان أنه تلقي بيانا من الصحفى  / مصطفى القاضى سكرتير عام اتحاد الكتاب ليبلغنى بشيئين .. الاول ان المدعو سعدى يوسف عضو فعلا باتحاد كتاب مصر ومازالت عضويته سارية حتى تاريخه وان الاتحاد لم يصدر بيانا حتى الان بسحب العضوية منه انتظارا لعقد جمعية عمومية او جدية ردود افعال الاعضاء حول الواقعة ويبغلنى ايضا برضاءه التام عن موقفى تجاه الشاعر سعدى يوسف ....وانا اعلن هنا من خلال صفحتى غضبى الشديد ومطالبتى ك(( عضو عامل بالاتحاد )) ومعى من الاصدقاء من يساندنى من الكتاب والمثقفين بسحب عضوية الشاعر سعدى يوسف من الاتحاد وسحب ما تحصل عليه من جوائز تخص الاتحاد او ما ينبثق عنه من مسابقات او جهات اخرى ... وذلك من مبدا احترام عقيدة الاخر .. حيث نشر الشاعر / سعدى يوسف قصيدة على موقعه الشخصى تنال من عقيدة االمسلم ولا تحترم حريتة ورموزه الدينية الثابته والتى هى مبدأ وجزء لا ينفصل عن تكوين شخصية المبدع والمثقف فى احترام عقائد الاخرين

كما قال سليمان

اختلفت الاراء او اتفقت على موضوع سعدى يوسف فأنا اعلنت الرأى الخاص بى وبالاصدقاء ... وكنت قد نشرت القصيدة بناءا على طلب الاصدقاء الذين لم يطالعوا القصيدة .. لكن وصلتنى رسائل تطلب منى ازالة القصيدة من البوست حرصا على مشاعرهم .. وقد قمت بالفعل بحذف القصيدة لكن يبقى موقفنا ثابتا من انه لابد لاتحاد الكتاب من وقفة مع الشاعر سعدى يوسف

بكره اللى جاى... للشاعر / سيد منير

بكره اللى جاى

خايف من بكره اللى جاى
يضيع معاه حلمنا حلمنا أكبر م الحياه ومن كل خطوه تفرق قلبنا يا بكره اللى جاى ارسم ع الحيطان صوره حبيبى اكتب ع البيبان بدم وريدى خلينى أعيش راضى بنصيبى بحلم أكون طير فى السما مغرد يلمس بأديه القمر خايف أكون عصفور جريح جوه حضن الهوى محبوس فى القلب لكن بعيد عن حضك انا لسه السما شايفها زرقا مكتوب عليها حلمنا يا ترى حبنا مخلوق يعيش ولا نزوه مكتوبه لقلبنا نفسى أصرخ وأنادى يا بكره اللى جاى خلينى حاضن شوق السنين عاشق أنا للصوت الحزين بستنى تعود00 يمكن أعود أحضن الفجر القريب خايف يا بكره اللى جاى تسرق فرحتى خايف من الحلم يصبح خيال وتضيع أمنيتى رسمتك جوه قلبى كيان مالى مهجتى بحلم بحضنك يلملم دمعتى بكتب كل يوم موال شايل همومى وحدتى مين غيرك فى الدنيا دى يستاهل حنانى وضحكتى عارفه أيه معنى الحنين جوه قلب عشقك سنين لهفه وشوق واشتياق نبض زايد يملك فؤاد لما المشاعر تشتكى لحظه فراق ودمموع تحرق قلب مشتاق مخاصمنى ليه يا زمانى وليه الدنيا معاندانى مهما اكتب حروفى ياخدنى خوفى وأسأل عليكِ بناديكِ وسامع صدى حروفى تعالى يا عمرى يا تبض سنينى مهما أقول لك بحبك حنانى ما بيكفينى

مؤتمر أدباء مصر في الغردقة نهاية ديسمبر

مؤتمر أدباء مصر في الغردقة نهاية ديسمبر

استقرت أمانة مؤتمر أدباء مصر الذي يرأسه د. جمال التلاوي في دورته الـ28 علي أن يقام المؤتمر في مدينة الغردقة بعد ان وافق اللواء أحمد عبدالله محافظ البحر الأحمر علي استضافة فعالياته.
وقال الكاتب محمد صالح البحر أمين عام المؤتمر إنه سيتم عقد تلك الدورة التي تحمل اسم الراحل جمال حمدان، في الغردقة بالنصف الثاني من شهر ديسمبر المقبل وسيحدد اليوم نظرا لترتيب المحافظ الذي ابدي استعدادا كبيرا لاستضافة المؤتمر ووعد بتقديم الإمكانات المناسبة لإنجاحه، وتم الانتهاء من معظم التجهيزات ويتبقي تفاصيل بسيطة.
وأضاف أنه تم الانتهاء من اعداد الأبحاث كما تم التقييم بالمسابقة البحثية واخترنا الابحاث التي ستشارك والآن كتاب الابحاث بالمطبعة، كما أنه يتم اعداد كتيب عن جمال حمدان لأن دورة المؤتمر هذا العام تحمل اسمه، أما بخصوص الفعاليات فلدينا فعاليتان مهمتان، الأولي هي استضافة احد الأدباء العالميين وحاصل علي جائزة نوبل وبذلك ستكون نقلة نوعية للمؤتمر لتجعله يخرج من المحلية للعالمية، أما الفعالية الثانية هي أقامة مائدة مستديرة علي هامش المؤتمر وموضوعها سيكون مناقشة الوضع الراهن بمصر، وسيكون ضيفها أحد الشخصيات السياسية أو الاقتصادية في المجتمع ولكن لم نستقر عليه حتى الآن لأنه اختيار الامانة بالتصويت.
وأوضح صالح البحر أن اختيار الغردقة كمكان لاستضافة المؤتمر في جزء مهم منه محاولة لتنشيط السياحة بالمنطقة، فالأماكن السياحية تحتاج منا أن نقيم بها بعد الحراك الثقافي والفني لنجذب إليها الأنظار مرة أخري، كما أن المؤتمر لن يكون قاصرا علي الفعاليات الثقافية بل هناك فعاليات فنية كبيرة وواسعة وفرق فنون شعبية وغيرها من العروض، كما سيتم عمل للمرة الاولي فيلم تسجيلي عن تاريخ مؤتمر أدباء مصر علي مدار دوراته السابقة ليعرض ضمن الفعاليات وقد اعتمدت هيئة قصور الثقافة ميزانيته وجار إعداده.
أما بخصوص الفعاليات الثقافية فلدينا أربعة محاور يتم فيها تكليف احد الباحثين في كل محور لإعداد دراسة عنه بخلاف الأبحاث التي تمت عليها المسابقة والتي يتم فيها اختيار بحثين لكل فرع، فتم تكليف د. حسين الكوردي ليكتب عن محور الابداع المصري في سياق الإبداع العالمي، والشاعر مسعود شومان عن الثقافة الشعبية والثقافة الرسمية، ود. خالد أبوالليل يقدم بحثا حول ثقافة الحدود بين المتن والهامش أما د. هيثم الحاج علي فيقدم دراسة حول محور الأدب المصري في الربع القرن الأخير.
وقامت الأمانة باختيار أسماء المكرمين في هذه الدورة وهم الكاتب أحمد عزت سليم "الوجه البحري" الكاتب أسامة البنا "الوجه القبلي"، ومن الاعلاميين الكاتبة نفيسة عبدالفتاح، ومن النقاد د. عبدالحكيم العلامي ومن الراحلين د. نعيم عطية. ويحمل مؤتمر هذا العام عنوان رئيسي هو "الثقافة المصرية بين الوحدة والتنوع" اما المحاور الفرعية فتدور حول الفوارق ما بين الثقافة الشعبية والرسمية، وأيضا عن ثقافة الأماكن الحدودية مثل سيناء ومطروح وحلايب وشلاتين وعلاقتها بالثقافة العامة، وهناك محورين خاصان بالإبداع منها صورة الابداع المصري والإبداع العالمي، وأيضا محور عن الأدب العربي خلال الـ25 عاما الماضية. 

"تجاوزات ".. للشاعرة رشا الفوال

تجاوزات 

1_ يرقص مع غجرية 
حديقتها تؤتى هذه الأُكل
تحت الشجرة التى أشرقت
يرقص _ ويغازلها
وبقرأ عليها بعضاً منه

2_ على صدرها
إشتق جزءاً من مخاوفة
واشتقت من خجلها
كلمة
طافت بذهنه منذ بضعة أيام

3_ مست قلوب الورد
تلك الآهات
لاغرابة فى ذلك
فقد تجاوزت هى كل المعرفة
وتجاوز هو التكنيك

4_ لم يقف عند تمزيق أوصالها
وإعادة تنظيمها
رفقاً _ رفقاً أيها الليل
فهى الآن مُقتبسة منكَ
فهى الآن / أنت
_____________________________
إحساس / رشا الفوال

يا أمي لما أجيلك ... للشاعر / رامي المدبولي

يا أمي لما أجيلك ... للشاعر / رامي المدبولي 

أترمى في حضنك

وأبوس جبينك
انحني المم حنينك
أتروى من بحر خيرك
بس ياأمى اجيلك
لما أغيب عنك كأني
جوه بير من غير قرار
زى السمك على شط
بحرك يوم ما قرر الانتحار
سبتك ورحت عنك كان
غصب عنى مش اختيار
تعبانه أنت عارف
مجهده أصل حملك ثقيل
كنت عارفه انه مش
نافع ايوه مرضه عليل
على الكرسى لازق
حالف مليون يمين
مايتحتحه شعب
لا شمال ولا يمين

يا أمي لما أجيلك
أترمى في حضنك
وأبوس جبينك
انحني المم حنينك
رامى المدبولى

ولا ذاك الضوء رواء ... قصيدة للشاعرة / كريمة ثابت

صحراء
لا شجر ولا فيء
لا ثمر ولا ماء 
ما بين الجبلين خواء!
لا تسع 
فلا زمزم تنتظر خطاك
ولا ذاك الضوء رواء
ماذا خلف تلال الدهشة
غير طلول الجوع
وبادية الإعياء
كفكف سرب الدمعات
وغادر ميقات الحزن
إحرامك ما زال صبيا
يمم شطر عيون البهجةً
واغفر للرمل الأعزل
ألا من وهج الأزمنة
وتاريخ الصمت رعونته الرعناء
انو صلاة مودع
إن أمر القلب فلا تصدع
واستغفر للحرف الموجع
والحق آخر راحلة
قبل هجوع الظلمة لكهوف مساء 

يبدأ نشاطه السبت بأمسية شعرـ موسيقية "ضفاف" ملتقى ثقافي جديد في الكويت

يبدأ نشاطه السبت بأمسية شعرـ موسيقية 

"ضفاف" ملتقى ثقافي جديد في الكويت

ينضم إلى الساحة الإبداعية في الكويت كيان ثقافي جديد هو ملتقى ضفاف الثقافي الذي أسسه الروائي الكبير إسماعيل فهد إسماعيل مع عدد من المبدعين الكويتيين والعرب المقيمين على أرض الكويت. 
وسيدشن الملتقى باكورة أنشطته في الجمعية الثقافية النسائية في منطقة الخالدية بأمسية شعرية موسيقية تبدأ في السابعة من مساء السبت الموافق 7 ديسمبر الجاري، وستقدمها الفنانة شيرين بوشهري، ويشارك فيها الشعراء: مهاب نصر، نادي حافظ، حمود الشايجي، وحسن مريم، فيما سيقدم الفنان السوري رامز جبر مجموعة من أغنياته. 
وسيتضمن حفل الافتتاح إلقاء كلمة باسم الملتقى يلقيها الروائي إسماعيل فهد إسماعي

قصايدالبنت... للشاعر / حاتم حواس

قصايدالبنت... للشاعر / حاتم حواس

قصايدالبنت

1

افتح خطاك للضحك
هتشم ريحة كلام البنت
مستنياك ف الخوف
رافعة إيديها
للرجوع مواويل
منتورة من صرة غناك
وبترتعش م الحر
نيل كاسر طريق رحلة
ومخبّى جوّاه عيونك
عصفورة ترقص عالشجر
والولد مش عارف يصيد
متسنّد على العكاز
وبيقشّ فى الكوتشينه
فتحت عنيها كشفت سرقته
مجروح بينزف سنينه
وطن مش لاقى عيل صغير
يشيله من عالارض.

2

البنت إللى بتسقى
شجر الورد في الجنه
ويتكتب أحلى قصائد شعر
وبترجع تنقشها بقرطاس الحنه
والدمع إللى بيجرى على نهر الخمر
وبتسكرنى
مش عارف ليه
دائماً البسها الفستان وأنا نايم
باحلم بآيات الذكر وأغنيه لفيروز
وسرادق قدام بيتنا
مفتوح للكل
-------------------
البنت اللى بيزعل منها الصبح
وبيحكيلى انها رفعت قصرية ورد
وقعدت على عتبة حلمى
تغنى أغنيه سخيفه وتقول انها زعلانة
------------------
البنت اللي بتركب مركب نص شراعى
ومبتعرفش تعوم
وبتغرق فى العشق
اناهارفع عنها آياتى وهاسيبها وحيدة
تغرق ف الحزن!

3

البنت اللى. تفوت كل كلام الشعر
وتمسك ف الكلمة الواقعة من السطر
وتقلبها حروف وتشخبط على باقى الورقة
وترجّعنى تانى م الأول نقطة ومن آخر السطر

4

الضحكة إلى بتسكن روحك
وبتنزل على قلبى زى الشلال
انا هسكن فيها
وهكلمها عنى وعنك
واراقبها بهدهد
يفتح صفحة قلبك
ويجيب لى الاخبار
وأرصد
من ورا شيش شباكى المفتوح
على صوت بينادى للشمس
المتسرسبه جوانا

5

البنت
اللي بتسرق آآآآآه
من عند الولد المركون ع السّور
مستنّى تعدّى ويبصبص ليها
وبيبعد جسمه عن النار
البنت العاشقة
مش ممكن تتراجع
عن ابن الجنة
المجنون بعبايتها السودا
المسنودة بكباسين
والجسم المرمر هيبان
لو وقعت ع الارض
وكمان هيبان لينا لون حمالة الصدر
وتبان العورة الكامنة
ف الكلب المسعور للضرب
وأنا واقف اتفرج ع البنت
والولد الساكن ف الجنة
وباحاول اسجن عقل الكلب.

6

الولد المسجون فى كلامه الفارغ
ولع للبنت الواقفه بتستناه
ف الغيمه المدفوع بريح
مسكونة بحرية وطنه
واقف يتفرج من كذبه
عالبنت إلى بتهرب منه
وبتسكن جوانا
نرميها للولد المفتون بوجاهته
ونضارة الشمس
يلف معاها شويه
ويرجعهالنا
...........................
البنت البكر
نصحى من النوم تلاقيها
واقفة ولابسة فيونكة
وعاملة ضفيرة لحدّ الأرض
بنلملمها
ونزرعها
ولما تفرّع
نشغل حواليها التاج
ونغنيلها!
تيرا را را را را 

قصيدة " شيطانة " للشاعرة الواعدة / ندي عبد العظيم

قصيدة " شيطانة " للشاعرة الواعدة / ندي عبد العظيم

 شيطانة مراهقة

و لأن لها وشّ برئ
حبّت تلعب دورالطيبة 
حبّت تبقى ملاك كام يوم 
جمعت كل وجوه التّوبة 
لفّت ...... دارَت 
رجعت بنت جميلة لذيذة 
لفّت كل عقول الناس 
ضكحة خبيثة
على حبة دمع من الخوف
على أوهام فهموها حقيقة 
ولأنى لوحدى أناشاهدة 
استدعت لى
كل الشياطين اصحابها
قلبت كل الناس ضدى 
بانت هى المجني عليها
أخدت حكم بسكوتى
حبستنى جوايا بخوفى 
و لقيتنى فجأة انا ساكتة
و كأن الوضع ده على كيفى

عاشت هى وسط الناس 
... وش ملاك .
. ضحكة بريئة .
. بتدارى شيطانة مراهقة 
عشت أنا والخوف جوايا

قريبا : صدور " هدية مرفوضة " للشاعر / رامي المدبولي

قريبا : صدور " هدية مرفوضة " للشاعر / رامي المدبولي 

 يصدر قريبا ديوان ((( هديه مرفوضه))) بشعر بالعاميه المصريه للشاعر المصري رامي المدبولي وذلك عن دار مصر اليوم للطباعه والنشر والتوزيع

حفل تأبين الفاجومي بورشة الزيتون 9 ديسمبر

حفل تأبين الفاجومي بورشة الزيتون 9 ديسمبر 

تقيم ورشة الزيتون يوم الاثنين القادم الموافق 9 ديسمبر ان شاء الله حفل تأبين للشاعر الراحل الكبير أحمد فؤاد نجم فى تمام السادسة والنصف ،وسوف يتحدث فى الحفل أصدقاؤه الذين عاصروه فى السبعينيات وعاشوا معه تجارب نضالية أثناء الحركة الطلابية ومنهم الأستاذان فريد زهران ومحمد الهادى ،ومن الشعراء الذين يقرأون أشعاره ويتحدثون عنها محمود الشاذلى ويسرى حسان ومسعود شومان ،وسوف تتناول الندوة ذكريات عشناها مع نجم فى كافة مراحل نضاله ،يدير الندوة : أ.شعبان يوسف.

حوار شعري مع الشاعر أحمد فؤاد نجم بعد رحيله

ولد أحمد فؤاد نجم في مايو سنة 1929 

عمل نجم في معسكرات الجيش الانجليزي متنقلا بين مهن كثيرة كواء..لاعب كرة.. بائع ..عامل انشاءات وبناء.. ترزي. و في فايد و هي احدى مدن القنال التي كان يحتلها الانجليز التقى بعمال المطابع و كان في ذلك الحين قد علم نفسه القراءة و الكتابة و بدأت معاناته الطويلة تكتسب معنى. و اشترك مع الآلاف في المظاهرات التي اجتاحت مصر سنة 1946 و تشكلت اثناءها اللجنة الوطنية العليا للطلبة و العمال. يقول نجم: كانت أهم قراءاتي في ذلك التاريخ هي رواية الأم لمكسيم غوركي, و هي مرتبطة في ذهني ببداية و عيي الحقيقي و العلمي بحقائق هذا العالم, و الأسباب الموضوعية لقسوته و مرارته. ولم أكن قد كتبت شعرا حقيقيا حتى ذلك الحين و انما كانت أغان عاطفية تدور في اطار الهجر و البعد و مشكلات الحب الاذاعية التي لم تنته حتى الآن... و في الفترة ما بين 51 الى56 اشتغل شاعرنا عاملا في السكك الحديدية. وبعد هذه الفترة بدأ في نشر دواوينه سجن عدة مرات بتهم مختلفة ومازال نجم يسكن حجرة متواضعة في حارة حوش قدم 

افترضت المدونة هذا الحوار مع الشاعر الراحل وجاءت ردوده شعرا 

انت عاشق ... وملهم .. فمن ملهمة الشاعر احمد فؤاد نجم 

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

ماذا تحب أن تقول لمصر ؟

 مصر يا أمة يا بهية 
يا أم طرحة و جلابية 
الزمن شاب 
و انتي شابة 
هو رايح 
و انتي جية 
جية فوق الصعب ماشية 
فات عليكي ليل و ميه 
و احتمالك هو هو 
و ابتسمتك هي هي 
تضحكي للصبح يصبح 
بعد ليلة و مغربية 
تطلع الشمس تلاقيكي 
معجبانية وصبية 

نجم ... أي الاماكن تعشقها في مصر ؟

يا اسكندريه

بحرك عجايب

ياريت ينوبني م الحب نايب

تحدفني موجه

على صدر موجه

والبحرهوجه

والصيد مطايب

أغسل هدومي

وأنشر همومي

على شمسه طالعه

وأنا فيها دايب

اعتقلت علي مدي فترات حكم متعاقبة .. فماذا تحب ان تقول لمن اعتقلوك ؟

شيد قصورك ع المزارع

من كدنا وعمل إيدينا

الخمارات جنب المصانع

والسجن مطرح الجنينة

واطلق كلابك

في الشوارع

واقفل زنازينك

علينا

وقلّ نومنا في المضاجع

الشاعر نجم احد شعراء السخط والثورة ... هل انت ساخر ايضا ... هل تتذكر العاب الطفولة

استغماية

غمي عيونك سد ودانك إفتح بقك قول انا فين الشاطر فيكو يحزر فزر في دقيقتين والإشطر منه اللي يحزرها في غمضة عين والإشطر خالص ما يحزرش يقول انا فين والإشطر أشطر ما راي نجم في التدخل الامريكي في الشان المصري ؟ الخواجه الامريكانى والسماسرة اللى وراه تخنوا بالكدب ودنه وعرضوا له مقاس قفاه فهموه من غير ما يفهم ان سوق الشرق مغنم والخوجه بطبعه مغشم والمصاري معفرتاه حب يعمل فيها تاجر وانطلق يسلب وينهب ف الزباين بالنهار يحدف الدولار يلمه تلتميت مليون دولار بالقزايز والبنات باللبان والبمبونات بالمدافع والدانات او بأفلام الرعاة قول بقي تاجر وفاجر وانفلت لص المواشي رعب ماشي فى البلاد يشفط البترول ويطرش كل الوان الفساد

مين اللي مات ؟ .. في رثاء نجم . للشاعر محمد أحمد إسماعيل

مين اللى مات ؟؟
ما تبطلوا إشاعات !!
كل الحكاية إنه راح يجدد الباسبور
وقف لآخر النهار
و ما جاش عليه الدور
و هو راجع افتكر
إنه " ممنوع من السفر "
و قلبه كان مشتاق قوى للشيخ إمام
و ملجأ الأيتام
و طه حسين وشوقى و العقاد
وبيرم التونسى و جاهين
و لمعة خجل فى عيون فؤاد حداد
و لمة العشاق فى سجن القلعة
و كان راسمهم قصايد
و كان فاكرهم نفر نفر
و قلبه كان مشتاق
لخوش قدم و بولاق
و أسامة أنور عكاشة
و الشرقاوى و يوسف إدريس
و نجيب محفوظ و جمال حمدان
و الموجى و السنباطى و بليغ
و عبد الحليم حافظ والريحانى
و شادى عبد السلام
و الشيخ محمد رفعت و مصطفى اسماعيل
و ف زحمة الشوارع و ضحكة الشهداء
لمعت كتير أسماء
ساعتها بس افتكر
إن السفر للسما
و مقابلة الأحباب
مش محتاج جوازات
و لا لستة " ممنوعات "
و لا طابور و لا دور
محتاج يدوب جناحين
و رعشة قلب
وغمضة عين
قام قطع الباسبور
و خبط برجله الأرض بالحنية
و خطى " سور ورا سور "
و زمانه عند الباب
بيوزع السلامات
مين اللى مات ؟؟
ما تبطلوا إشاعات 

وداع نجم ... قصيدة للشاعرة المصرية شوقية كامل

وداع نجم
..............
راح حبيبك يا بهيه
وانتهت كل الحكايه
المشاكسه والمشاغبه
والعناد حتى النهايه
كان بيتمنى يشوفك
وانتى فاتحاله كفوفك
وانتى مرتاحة وعفيه
مش هفيه
كان بيتمنى يروح
لما تتحسن ظروفك
بس يوم مكتوب
ولزما" يرضى بيه
وانتى عايشه
تكّبرى وتهننى
وفى النهايه تودعيه
ياما قالك يا بهيه
عشت فيكى
زى ما اتمنيت اكون
رغم ما شاف من عذاب
ف احلى ايام الشباب
وحلمه تاه جوه السجون
ورغم عمره اللى قضاه
كان قادر يخلى حرفه طلق نار
كان قادر يفرش عيونك بالخضار
بس غصب عنه سابك
وانتى محتاجه لحروفه
زى ما عاشلك زمان
فى عز قوته وشوفه
هداكى قلبه
وموت خوفه
وزى ما عشقك غناوى
انتى ياما اديتيه
قلوب كتير عشقت كلامه
بس يوم مكتوب
ولزما" يرضى بيه

شوقيه كامل

" نشيد الكادحين " قصيدة الشاعرة المغربية إبتسام حوسني في رثاء الراحل أحمد فؤاد نجم

" نشيد الكادحين "

على الله :
وعلينا يا عم .
فهمنا كلامك 
كله ...
بورد وغم ..
خرجنا وراءك
رغيفا أسمر
من دقيق الدعم .
عمالا للقطن ...
فلاحين من خطتك
التسعين .
ولم نفهم !!
أن وضعنا خطير جدا
ورابطات عنق السادة
فوق عريشك
تجري في عروقنا مجرى الدم .
على الله :
وعلينا يا عم ..
وشمنا سواعد عاهرات زقاقك الضيق
مسيرات للضم .
أصواتا لمسودة دستور جديد
قابل للانشطار
مهيء للقسم ..!!
على الله :
وعلينا ياعم .
زرعنا من أشعارك انتفاضة رجم
من أجل أطفال الصحوة
بدولة منزوعة الفم ..
لا فتحة ..
برأسها ..
تبتلع مضغة عسيرة الهضم .
تجتر بقرة "حاحا النطاحة "
بطعم السم ؟؟
نزيفا من جرح غائر
على امتداد مشاعرنا
شايا خفيفا
من نيل مغموس
بهراوات نازيين
لوثوا نقاءنا بسياط الجرم .
وخرقوا نسيج أوردتنا
ثقوبا ...
ملغمة ..
تخرج سوائل النفع
من كل جسم ..
على الله :
وعلينا يا عم !!
أخذت أفراحنا
استبدلتها بحزن ثقيل وهم ؟؟
ارحم نبضنا ..
عشقا أبديا
للحمرة رياحينا
من اكليل زهر
فوق رأس النجم ..!!
على الله :
وعلينا يا عم .
نم هانئا
نم سالما
نم :
وقم :
وغير عمنا في فقر العواطف
لا ترحم ..
غير عمنا
طيفا خفيفا
فوق سماء أرضنا
قوس قزح ...
بكل ألوان الحياد ..
أرسم ...
و أرسم ..
مرة بالكلام .
ومرات بألوان الدم !! "

الشاعرة ابتسام حوسني
رياح الأطلس .
الى روح شهيد الفقراء العم الكبير أحمد فؤاد نجم

افتتاح معرض الفنان سعد زغلول بقصر الإبداع 21 دبسمبر

يفتتح الشاعر سعد عبد الرحمن رئيس الهيئة معرض الفنان الكبير سعد زغلول وتقام ندوة عن مسيرته الفنية وفى تطوير الحرف التراثية يتحدث فيها الناقد :محمد كمال وذلك فى تمام الساعة السادسة مساء السبت 21 ديسمبر. قصر الابداع الفنى مدينة 6 أكتوبر ــ الحى السابع.

تقرير :- أدباء مصر والعرب ينعون أحمد فؤاد نجم.

نعي أدباء مصر والعالم العربي الشاعر الكبير أحمد فؤاد نجم الذي وافته المنية فجر اليوم وشيعت جنازته من مجد الحسين . وقد انبرت الاقلام لنعي الراحل الكبير تعبيرا عن حزنهم الديد لفراق شاعر مناضل اتطاع أن يرسم خريطة الوطن بحروفه الثائرة ليصبح واحد من أهم الشعراء المناضلين " كتب " مصر يا امه يا بهية " وكتب جيفارا مات " . صنع مع الشيخ أمام ثنائية يصعب تكرارها كتجربة ثورية افعمت قلوب الشباب بالفعل والحراك الوطني وعلمت الأجيال المتعاقبة كيف يكون المثقف العضوي الذي لا يركن إلي سلطة ولا تغويه جوائز النفط

ونعت الشاعرة لمغربية الكبيرة إبتسام حوسني نجما قائلة 

عزاء خاص في شاعر كبير غالي على قلوبنا نحبه علنا ونعلنه وطنا لكل البسطاء ..الشاعر أحمد فؤاد نجم بنفسجة القلب الصامت ...الشاعرة المغربية ابتسام حوسني رياح الأطلس
وتنافس الشعراء من محبي نجم في كتابة قصائد الرثاء 

وكانت قصيدة الشاعر سعيد شحاتة 

آسف يا عم أحمد

أنا ضد هذا الانسحاب المر
أنا ضد هذا الانسحاب المهين
شاعر وهتعيش رغم أنفك حر
وان كنت راضى .....
................فاحنا مش راضيين

حاحا وجيفارا وقبضة القلعة
والشعر لما يحولوه سلعه
ولا خنت عمرك كلمتك م الخوف
ولا خنت مصر وأرضها والعه

يا شاعر الفلاحين
الطين رجع بعد الوجع للطين
بعد أما ساب ع الأرض ضلايه
رجع الفرس للخلف بالرايه
ورمى اللجام على عنبر المساجين

يا شاعر الفقرا
مين اللي جرب يحلب البقره
ويعيش كما السلاطين
رغم إنه مات ميت مره في الزنازين
رغم إنه لا بيكتب ولا بيقرا

يا شاعر الحريه والشارع
النيل ماهوش بارع في حب الناس
يا مدوخ الحراس
.......... علمتنا الثوره
ومشينا نهتف من عروق الراس
النيل وطن ومحبته عوْره

يا شاعر الأسفلت
لو صالوا بعدك
............. فأنت صلت وجلت
وقريت بهيّه وصنت روحها وقلت
ورفضت لحظة ما الجميع اتباع
ووقفت تلتين والجميع التّلت

يا نجم نجمك مازال قايد ولا بيطفاش
يا صرخه وسط المدافع
..................... واحنا ما سمعناش
هتعيش وطن وسطنا
................. وكإنه موت وما جاش
وإن كنت قابل بموتك
........................... فرّح الأوباش

آسف يا عم أحمد

أنا مش معاك
أنا ضد هذا الانسحاب المر
ضدك إذا سبتنا وضليت طريق البر
انت اللي قلت زمان مانيش ميّت
ورضيت تموت وارتضيت
........................... الكر بعد الفر

يا فقير وعشت فقير
..................... ولا وطيت
وضحكت جامد وانحنيت وبكيت
ربك بيغفر للي عاش واقف
وان شفت ربّك قوله أنا ملّيت


آسف يا عم أحمد

أنا ضد هذا الانسحاب المر
أنا ضد هذا الانسحاب المهين
شاعر وهتعيش رغم أنفك حر
وان كنت راضي .....
................فاحنا مش راضيين

من غير وداع
..... من غير وجع
.......... من غير دموع
مصر التاريخ مستنظراك
............ والكل مستني الرجوع

من غير وداع
..... من غير وجع
.......... من غير دموع
الشاعر الفذ اللي عاش
......... بيموت ويرجع في السبوع

من غير دموع
..... من غير وجع
.......... من غير وداع
مات اللي حارب وانتصر
.............. عاش اللي باع

آسف يا عم أحمد

ولأول مرّه باقف ضدّك
ولأول مرّه مانيش ويّاك
ولأول مرّه بأقول للناس
عمّ أحمد باعنا وغنى هناك
ولآخر مرّه هنشتاق لك
ونقف في الميادين نستناك

آسف يا عم أحمد
.............. أنا مش مقتنع

 ونعاه الشاعر د مهدي صلاح قائلا

مات فؤاد. 

ومات نجم.
وترك سطورا وقصائد محفورة
على جدار صلب من تاريخ مصر.
مات الشاعر
وترك 
حياة عابثة لا تعرف.

أما الشاعرة الشابة هدير نور فكتبت بأسي

الفاجومى مات ياشيخ امام

أحمد فؤاد نجم ينعي نفسه .... الموت لأمثالي إعارة

أحمد فؤاد نجم ينعي نفسه .... الموت لأمثالي إعارة 

أنا الرخيص أوي عندكم
وغالي عند اللي خالقني..
فيوم ما أفارق أرضكم 
موضوع لايمكن يضايقني..
أنا اللي جيبتولي الأمراض
أنا اللي بيا منكم فاض
أنا اللي قولت ياباشا كتير
و أكتر كمان إتقاللي أنا ياض
أنا المهدد أنا المجند
أنا اللي دايما بعيا وبرقد..
أنا المراكبي والصياد
أنا المواطن يا رؤساء...
أنا اللي متكحرت في بولاق..
وأنا اللي بتلملم أشلاء
مركب وقطر وعبارة..
الموت لأمثالي إعارة.
والموت بقى ليكوا تجارة..
الموت في أشكالكوا
خسارة عيشوا حياتكم ..
أخرها هنا..
ماهتسلكوش مع ربنا
عنده هيتجاب حقنا..
ولسة اللي عايشين بعدنا
شوكة في زوركم.. في نحوركم..
هيردوا كل اللي خانقني
عرفتوا ليه أنامطمن..
وحتي موتي ولا قالقني
أنا بصحَي في عروق الثوار
بعد أما روحي تفارقني.

قصيدة " كانوا يركضون في غيمة .... وكنت في التيه ".. لصبري رضوان

قصيدة " كانوا يركضون في غيمة .... وكنت في التيه "

 علمتني الافاعي البائسة 
ان التفافها المحبط 
حول جيد قلبي
كان خسارة فادحة 
في المطر اشعلت لها شراييني
اصبحت تمتطي صهوة حلمي
كاشباح الظهيرة 
كالساحرات في سيرك
او بهلوان يفجر خديه بمسحوق الخديعة
لم اكن سوي جمهور تافة 
يصفق لكل الحركات المفتعلة 
لم اكن متأكدا ان الحركات مفتعلة
عندما تسسلت الي الكواليس 
نهرني مخرج العرض 
.................................

تعلمت الافاعي 
ان تعوض خسارتها 
بالتماسك الشديد
والضحك بصوت مرتفع
قد تبدو كزهرة
لكنها صبار الارض
تمتص ملح الكلام
وسكر الحروف
وامتعاض الطيبين 
وتعود في المساء 
تمارس الدوران
حول جسدي الهزيل
جسدي
بلا تاريخ يذكر
في المكر
او دراية بفحيحها الرومانسي
وتأوهاتها كالجاريات 
بعد ان يأسرهن القادة 
في المعارك
.........
كنت اخوض المعركة 
بلا رادار 
او اجهزة تنصت حديثة
وكانت ماهرة في اقتباس العشق

في ساحة المعركة 
كان جنودي يحتسون النبيذ
ويدخنون الحشيش 
ليلة العيد
ويغازلون الحسناوات في الغربة
كان جنودي يبكون اطفالهم 
الذين تركوهم بدون بالونات علي شكل - قلب -
او رائحة شواء تعبق الشرفة بالذكريات
.......................

حين جئت في الصباح
لم توقظني بابتسامة
ولم تقدم لي كفيها كالمعتاد
او تعد لي فنجان القهوة
لم تذكرني بموعد حبوب الضغط
لانني في هذا اليوم تحديدا
لم اكن علي قيد الحياة
..........................
الاطفال لم يلتقطوا الصور التذكارية 
كانوا يركضون في غيمة
وكنت في التيه
....................
الافاعي قبل ان ترحل
تركت لي رسالة موجزة:-
نلتقي في مناسبات سعيدة 
25/11/2012

الفاجومي في ذمة الله وشيعت الجنازة من مسجد الحسين

رحل عن عالمنا الشاعرالكبير أحمد فؤاد نجم " الفاجومي " عن عمر يناهز ال 84 عاما وشيعت جنازة الراحل ظهر اليوم من مجد الإمام الحسين

ولد أحمد فؤاد نجم في قرية «كفر أبونجم» بمدينة أبو حماد بمحافظة الشرقية، ويعتبر أحد أهم شعراء العامية في مصر، واسمًا بارزًا في مجال الشعر العربي، سُجن عدة مرات بسبب مواقفه من الحكومات المتعاقبة، ودخل في خلافات سياسية مع كبار المسؤولين في مصر.

عُين موظفًا بمنظمة تضامن الشعوب الآسيوية الأفريقية، وأصبح أحد شعراء الإذاعة المصرية، وأقام في غرفة على سطح أحد البيوت في حي بولاق الدكرور، وبعد سنوات اختارته المجموعة العربية لصندوق مكافحة الفقر التابع للأم المتحدة سفيرًا للفقراء في عام 2007.

ارتبط اسمه بالشيخ إمام، الذي تعرف عليه في حارة «خوش قدم» وسكنا معًا وأصبحا ثنائيًا معروفًا إلى أن تحولت «الحارة» ملتقى للمثقفين.

مناقشة " أحزان السياب السبعة " للشاعر محمد أحمد إسماعيل بقصر الإبداع

مناقشة " أحزان السياب السبعة " للشاعر محمد أحمد إسماعيل بقصر الإبداع 

يقيم القسم الثقافى بقصر الابداع الفنى 6 أكتوبر ، ندوة لمناقشة ديوان "أحزان السياب السبعة " للشاعر "محمد اسماعيل .مساء الاحد 8 ديسمبر تمام السابعة ،يناقشه : د.محمد السيد إسماعيل ود.شريف الجيار ويدير الندوة القاص محمد رفاعى.

توقيع ماكينة الأحلام للأديب أيمن عامر بمكتبة نفرو

• أقامت دار "النسيم" للنشر حفل توقيع المجموعة القصصية "ماكينة الأحلام"للاديب أيمن عامر و الصادرة مؤخرا عن الدار، وذلك بمقر مكتبة نفرو: 6 شارع معروف - وسط البلد، السابعة مساء الاثنين الموافق 2 ديسمبر 2013

• وأيمن عامر.. كاتب مصرى يعمل بجريدة الوطن. حاصل على ليسانس آداب وتربية من جامعة الزقازيق فى ١٩٩٨. كما حصل على دبلوم النقد الفني من المعهد العالي للنقد الفني بأكاديمية الفنون فى ٢٠٠٠، وله قيد الطبع كتاب «التصور الشعبي عن النبي محمد»

قصايد من (محدش غيرى ) ديوان جديد -بين لحظة الوعى والسعى ليها مسافة بتخلينى للشاعرأشرف عتريس

قصايد من (محدش غيرى ) ديوان جديد -بين لحظة الوعى والسعى ليها مسافة بتخلينى

اْحس ان وضوحك كيان بيهدم يقينى وكل الثوابت عندى فيتمكن منّى شىْ انسانى جدا, ان جميع الناس تعبانه (واضح جدا ).. ومحتاجة حزنها يعدى سحابة صيف .. لو كنت اْقدر اْكون روح حره, تلم الوجود كله .. كنت ابتديت بنفسى ، اْجرب حظى .. من اْول الجحيم .. ........................... خايف تترسم بالفحم بورترية لقمرة وانطفت بدرى, خايف ماتسمعش نبضك ولا تراجع محطات الزمن اللى عدت عليك.., يعنى هو كان حد قالك غمّض عينيك وابتدى فى الغيبوبة .. بعد ما شبعت من النيكوتين .., وطلبت كيس دم ,, ومصحف تحت المخدة ,, وشربة مية .. بطعم الورد.. ................ بيجينى احساس انى لازم : اْسرح شعر مريام فارس وهيه نايمة .. اْدق جرس الباب بتاع الجيران واْطلع اْجرى .. اْحب البت بتاعتى على مزاجى ونتعشى ورد .. اْمكيج العروسة بتاعت بنتى ونلعب سوا بالقط الرومى .. اْشرب بيرة فرن وبايب اْنفورة , اشوف اْلبوم العرسان القديمة صحاب اْبويا واْمى .. وبعد كل ده (اْعيّط بحرقة ) .. لاْنى بقيت غبى .. ومحدش راضى يبوس على دماغى .. ..................................... صدقينى يا حبيبتى دى لحظة ممكنة .. نهرب بروحنا بره حدود الجسد والخوف وفعل الملل.. يعنى نصاحب سكان السما الطاهرين ونخاوى عمّار سابع اْرض.. فى اْى حتة فى الكون صعب استيعابه غير بحفنة من (دراجز) .. لازم نشرب نور الملايكة على قد ما نقدر .. قبل ما ننزل جحيم المغضوب عليهم .. نخش جوه الزمن بغرض الشغب وحلم الفنان .. نفتح سكك فى بلاد الشك ، نكتشف سر الكوما والنيرفانا والبصمة .. وفكرة الخلق نفسها من عمر ما ابتدت .. صدقينى يا حبيبتى دى لحظة جاحدة ومؤمنة .. زى المدق فى حضن الجبل .. لما نحس وقت اللذة ..بالاْلم .!! ..................... بحلف يمين الله .. ان الحلم كان بيهتف على الرصيف .. وفجاْة وقع قتيل بالرصاص الحى ّ.. حتى سدر البت اللى لسه طالعه من القسم كان مغرى جدا للاغتصاب.. مكنش برىْ زى احمد زكى العسكرى القناص وهو بيصيد اْعداء الوطن .. كانت فيه مساحة بين قلب الولد وسدر البنت لازم تغرق بالدم.. لشوية فقرا لسه فيهم الروح .. بيموتوا فى الرهان على الرصيف التانى .. وهمه فى حضن ام خالد سعيد .. .................................. مهزوم ... قدام الموت لما اشتاق لغلاوة اْمى الله يرحمها لما يدبحنى عشم صاحب عمرى لو صدفة تجمعنى بحبى القديم لما يستفرد بيا العياط وحدى لما اْحس بلهفة بنتى وقت رجوعى من السفر لما اشوف حد عيان حتى لو معرفوش لكن امتى هتخلّص من كل ده .. واعلن غضبى من غير خجل ..؟! اشرف عتريس –المنيا

برنامج مؤتمر السرديات بالإسكندرية دورة الأديب مصطفي نصر

مؤتمر الإسكندرية للسرديات
الدورة الأولى
"القصة القصيرة جدًّا"
دورة الأديب مصطفى نصر


من 3 إلى 5 ديسمبر2013
اليوم الأول: الثلاثاء 3 ديسمبر
الجلسة الافتتاحية: الساعة 6-8 مساءً
تقديم: منير عتيبة
فيلم تسجيلى عن مكتبة الإسكندرية
كلمة مكتبة الإسكندرية: د. خالد عزب
كلمة الرابطة العربية للقصة القصيرة جدًّا: د. جميل حمداوي
كلمة المثقفين المصريين: د.صلاح فضل
كلمة الأديب مصطفى نصر
تكريم المبدعين والنقاد المشاركين بالمؤتمر

الأمسية القصصية الأولى: الساعة 10:8.30م
تقديم: د. عبد الباري خطاب
قراءات إبداعية في القصة القصيرة جدًّا العربية
***
اليوم الثاني: الأربعاء 4 ديسمبر
الورشة الأولى في القصة القصيرة جدًّا
إعداد: د. جميل حمداوي- د.امتنان الصمادي-
د. هيثم الحاج علي- د. غادة البشتي الساعة 10.00 صباحًا- 11.30 ظهرًا

الجلسة الأولى: الساعة 11.30- 1.00 ظهرًا
المداخل النظرية للنوع الأدبي في القصة القصيرة جدًّا
تقديم: د. جمال الدين الخضيري
القصة القصيرة جدا: "رؤى وتصورات": سمير الفيل
إشكالية القصة القصيرة جدًّا "كمين الجاذبية نموذجًا": سيد الوكيل
القصة (التويترية): مدخل نظري: د. معجب العدواني

الجلسة الثانية: 1.00 – 2.30 ظهرًا
القصة القصيرة جدًّا وموقعها في تطور النوع السردي
تقديم: محمد الغربي عمران
"مقاربات نقد القصة القصيرة جدًّا في الوطن العربي": د. جميل حمداوي
القصة القصيرة جدًّا بين الفن والانزياح: د. زينب العسال
القصة القصيرة جدًّا والتطور الأدبي: د. محمود الضبع

2.30 – 6.00 مساءًا: استراحة وجولة بالمكتبة

الجلسة الثالثة: 6.00 -8.00 مساءًا
القصة القصيرة جدًّا وجماليات الأداء السردي
تقديم: محمد محقق
البناء المراوغ فى القصة القصيرة جدا: د. امتنان الصمادى
مقاربة نقدية: الخصوصية والكونية فى القصة القصيرة جدا: فاطمة بن محمود
القصة القصيرة جدًّا عند ثلاث مبدعات سكندريات: د. محمد عبد الحميد
بين الشاعرية والسردية وهندسة الشكل القصصي: محمد عطية محمود

الأمسية القصصية الثانية: 8.00 -10.00 مساءً
تقديم: محمد الرحبي
قراءات إبداعية في القصة القصيرة جدًّا العربية

اليوم الثالث: الخميس 5 ديسمبر
الورشة الثانية في القصة القصيرة جدًّا
إعداد: د. جميل حمداوي- د. امتنان الصمادي-
د. هيثم الحاج علي- د. غادة البشتي 10.00 صباحًا – 11.30 ظهرًا

الجلسة الرابعة: 11.30 -1.30 ظهرًا
القصة القصيرة جدًّا: دراسات تقنية
تقديم: جمعة الفاخري
القصة القصيرة جدًّا.. قراءة في جماليات الأداء وتقنيات التعبير: د. أحمد المصري
تكنيك المفارقة والسخرية في القصة القصيرة جدًّا: د. أحمد فرح
الرمزية والإلغاز عند "حسن علي البطران": أميرة عبد الشافي
الواقع