المدونة تنفرد : صناع الفرح يواصلون : أربعون إصدارا جديدا مع بداية العام الجديد 2015م

صناع الفرح يواصلون :
أربعون إصدارا جديدا مع بداية العام الجديد 2015مد

القائمة الأولى لإصدارات مركز عماد قطري للإبداع و التنمية الثقافية عن النصف الأول للعام 2015 م
دعما لمسيرة الإبداع العربي و احتفاء بتجارب الكبار و تشجيعا للمواهب المتميزة من المبدعين العرب في كل مكان يقوم مركز عماد قطري للإبداع و التنمية الثقافية بدوره الذي يتشرف به خدمة للإبداع و المبدعين بإصدار أربعين  عملا في كافة فروع الإبداع لمبدعي مصر و الوطن العربي عبر طباعة  ونشر وتوزيع هذه الإبداعات و إقامة الندوات و الأمسيات لمواكبة هذه الإصدارات 
أولا : بيان بالسادة الفائزين و المرشحين للنشر من قبل السادة أعضاء لجان تقييم وتحكيم مسابقة الإصدار الاول للمبدعين المصريين في دورتها الثالثة 2014 م – 2015 م بفروعها في القصة و شعر الفصحى و شعر العامية المصرية :
في دورة شعرا لعامية فاز كل من: 
1- ديوان " مش طالبـة اشـتغالات" للشاعر أحمـد الخـدرجـي .
2- ديوان " الهــامـش" للشاعر محمــود الحبكــي
3- ديوان " الهـزيـع الأخـير" للشاعر محـب خـيرى الجمـال
4-ديوان " ترانيـم بنت سـرمد " للشاعر أحمـد حـافـظ
5-ديوان " خـرابيش " للشاعرة إيناس البنـا
6-  ديوان " بدون ترتيب" للشاعرة نهى محمد الصغير
وفي مسابقة المجموعة القصصية فاز كل من : 
1- مجموعة " الكشوفات " للقاص مصطفى يونس
2- مجموعة " وغربت شمس اليوم الثامن  " للقاص حارس الصغير
3- مجموعة قصصية " سقوط التمثال" للقاص ياسر عبدالعليم
4-  مجموعة " الموتى لا يشعرون بالجوع " للقاص صبري حسن
5- مجموعة " سيدة النخيل " للقاص إبراهيم حسين مصطفى
6-مجموعة قصصية " الحياة من خلف النافذة " للقاصة أسماء عبدالله متولي
وفي شعرالفصحى فازكل من
الشاعر أحمد محمد علي ديوان " مدن الجنة " 
الشاعر عبدالرحمن محمد أحمد ديوان " مالا يرى " 
الشاعر محمود صالح معوض ديوان " وجه جديد للرياح " 
الشاعر هشام فتحي ديوان " عينان نضاختان
الشاعرة سامية سلوم ديوان " شيء تولد بيننا "  
الشاعر عادل حماد سليم ديوان " رحلة الحريق "

ثانيا : بيان بالسادة المبدعين و المبدعات الذين نتشرف بهم و بإبداعاتهم ضمن النشر العام و ترشيحات السادة أعضاء الأمانة العامة و النقاد  :
 الروائي و القاص فؤاد حجازي  - المنصورة
 الشاعر محمد سليم الدسوقي -  ديرب نجم 
الشاعرة فاطمة بو هراكة– المملكة المغربية
الشاعر محمد محمد عيسى– كفر الشيخ
 الشاعر فتحي عبد السميع – قنا
الروائي  محمود قنديل - القليوبية
الروائية صباح عبد النبي - القاهرة
 الشاعر على سيد شحاته - ملوي
 الشاعر عبده الزراع - القاهرة
الروائي عبدالراضي أبو دوح - أسيوط
الروائية منى سليمان– الشرقية 
الشاعر إسماعيل الستيتي - أسوان
الروائية خيرة خلف الله– تونس الخضراء
الشاعر أحمد قنديل - المنيا
الشاعر جمال أبو سمرة - المنيا 
الشاعر عبدالناصر الجوهري - المنصورة
الشاعر فرج الضوي - الغردقة
القاص عبده الأديب - القاهرة
الشاعر محمد عبادي- سوهاج
الشاعر أحمد الكاشف - قنا
الشاعر محمد عباس على– الإسكندرية 
الشاعر عبد الناصر أبو بكر - أسوان
ومركز عماد قطري للإبداع و التنمية الثقافية إذ يزف للساحتين المصرية و العربية هؤلاء المبدعون و المبدعات ليؤكد للجميع حرصه الشديد على رعاية الإبداع و المبدعين سعيا لتقديم حياة إبداعية و ثقافية تليق بالمصريين و العرب فالثقافة العربية هي رابطنا الجميل و السبيل لرؤية حضارية تمنح الحياة جمالا و رقيا وفرحا نقاوم به ما يحيط بنا من قبح و دماء وتشويه .
مركز عماد قطري للإبداع و التنمية الثقافية مؤسسة غير ربحية  تعمل ضمن منظمات المجتمع المدني الثقافية ولا تقبل تبرعات من أية جهة أو هيئة أو أشخاص أو دول و يمولها بالكامل الشاعر عماد على قطري والمركز يرحب بكل الآراء و الاقتراحات و الرؤى التي من شأنها الارتقاء بعمل المركز في خدمة الثقافة العربية . 
وبكم ومعكم نواصل صناعة الفرح 

القاهرة في 1 يناير 2015 م 
الأمين العام المساعد
محمود رمضان الطهطاوي
الأمين العام
عماد علي قطري

تغييـر جَـوّ... مع الشاعر أحمد الخدرجي

تغييـر جَـوّ

ـــــــــــــ
صباح الخير يا قلب حبيبِك ازَيِّك
يارب بخير
وحشتيني
صحيتي خلاص ؟
شربتي الشاي ؟
حكيتي لحد غيري الحلم ؟
تمام جدا
ياريت بوسه بدون كلمة يا واد اتلم
- أنا كويس ما تتخضيش
تعب عادي
بيتهيألي لطشة برد
سهرت كتير أنا امبارح على الكورنيش
حبيبتي مفيش
مجرد بس تغيير جو مش أكتر
أنا و حبة صحاب شبهي
لا و الله بنتمشى
أخدناها من " الشاطبي" لغاية "بحري " و رجعنا
مقضيينها ضحك ف ضحك
و أغاني
و قصايد شعر
و العادي .. بتختم برضو بدموعنا
شوية ذكريات و حاجات
و تفاصيل الليالي السودا
ف الوطن اللي بالنسبالنا تقريبا
وقع من خضة الثوره و سابنا و مات
و فاتنا لا أرض تحتينا
و لا فوقنا كمان سموات
بقولِك إيه ..
بلاش تراجيديا ع الصبحيه انا ف عرضك
وحشتيني أوي جداً كتير خالص
يا دين أمي على تنهيدتِك المجنونه و سنينها
ما تتلمي يا بت امال
و تصطبحي و قولي يا صبح
يا دين أمي على الضحكه
و ع السهم اللي طالع منها على روحي ما بيخَيِّبش
قتلتيني يا بت الهبله و انا لسه بافوق أصلاً
وحشتيني أوي فعلاً
يا قلبي بخير أنا و الله ما تخافي
معايا علبتين روسمان
و عندي بُن ف المطبخ
و فاضل أكل ف التلاجه . فُكِّيها
مُصره انتي تشيلي الهم
تعيشي و تسلمي لِيَّا يا أجمل أم
بخير و الله يا حبيبتي
و عاااااااااااااايز بوسه دلوقتي

غلاف ديوان " مش طالبة اشتغالات يا بنفسج " للشاعر أحمد الخدرجي

يصدر قريبا عن مركز عماد قطري ديوان : " مش طالبة اشتغالات يا بنفسج " للشاعر أحمد الخدرجي  وهو الديوان الفائز بالمركز الأول في مسابقة المركز 
تهاني قلبية للشاعر الصديق وأمنيات المدونة له بدوام الإبداع الراقي 

الشاعر علاء عبد الرحمن في حواره مع المدونة : لا تجريب في الإبداع والمؤسسة الثقافية دورها سيئ جدا

         

     الشاعر علاء عبد الرحمن في حواره مع المدونة 

                    لا تجريب في الإبداع

        البقاء الحقيقي للأصلاء في الإبداع 

            قوانين اﻹعلام ﻻ تعتمد على اﻷمانه   



   سيرة ذاتية 

  الشرقية ـ الزقازيق ـ نوفمبر ١٩٥٩ ،التعليم باﻷسكندرية حتى الجامعة ـ كلية طب اسكندرية ، بداية اكتشاف الكتابة عن طريق صديق ﻷبي حين اكتشف و كان شاعرا رحمه الله إسمه محمد الديب أني أكتب شعرا و أنا في السابعة و طلب من والدي رحمه الله اﻻهتمام بي ، معرفتي بعدة شخصيات في الوسط اﻷدبي كانت هامة للغاية ـ أولهم : الشاعر الكبير العظيم : عبد المنعم اﻷنصاري ـ و قيمتها إنسانية في المقام اﻷول و كان الرجل رحمه الله يرى بي إمتدادا ﻹبداعٍ متفرّد كما كان يقول ، و من جيلي أو ما قبله أو ما بعده بقليل : عبد المنعم كامل و ناصر فرغلي و اﻷخضر فلّوس من الجزائر و مهاب نصر ، أخص منهم عبد المنعم كامل و ناصر فرغلي ، اﻹهتمام باﻹبداع الفني : الفن التشكيلي و الموسيقا الكلاسيّة بعمق موغل في كليهما ، و المعرفة الشعرية تمتد للمترجمات من الصين و حتى فارس أما باﻹنجليزية فكل ما طالت يداي ، و أعتقد أن المعرفة العلمية هي بنفس أهمية المعرفة الثقافية في ما تعطيه للمبدع حين كتابته ، و تخصصي : هو طب الكلى الباطني ، و هواياتي : الشطرنج و الشيشه ، و معشوقتي هي الكتابة الكتابة الكتابة التي بلغ من هوسي بها أن لم أكشفها على غريب من عام ١٩٩٠ حين قررت أن أعتصم برهبانيتي و حتى عام ٢٠١٠ حين التقيت بناصر فرغلي على الفيس فأخرجني من عشرين عاماً من العزلة 


 إصدارته
 : السيده الخضراء ، بين ٩٤ و ٩٨ , السيمفونية العاشرة في أول اﻷلفية ، كتابة بالرمل الخشن بين ٢٠٠١ و ٢٠٠٣ , ظلٌّ على جدارٍ يميل ، ٢٠٠٦ ، قصائد حره ٢٠٠٧ و حتى ٢٠٠٨ ، تنشر ثيابها على حبلي الشوكي ٢٠١٠ ( ستنشر قريباً ) قصائد اﻵرابيسك ١٩٩٠ ، نمر يشرب النسكافيه ـ نُشرت ـ مركب ورق ـ نشرت ـ أيام التحرير ، زينهم ـ بالعامية ، بقية اﻷسماء هي لمجموعات ليست عندي على اللاب و لكن هي في مصر ـ أعطيتك أسماء ما أمتلكه اﻵن

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 كان الحوار مع الشاعر علاء عبد الرحمن عن الموجات الإبداعية ورأيه في أجيال الكتابة والمشهد الثقافي في مصر 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

  مارأيك في يل التسعينيات في القصيدة الحديثة " وكتابات قصيدة النثر والهايكو "

 ليس في الفن تجريب ( تجريب يعني بين الكاتب و ذاته ) أما إذا خرج للجمهور فيجب أن يكون

لكنهما فرضا نفسيهما علي الساحة الابداعية ... هل سيكون لهما البقاء ؟
                           

كما فرض ميدو و صافيناز و شعبان عبد الرحيم ( هو أكثرهم أصالة في الحقيقة ) كم عدد من كانوا في مجلس سيف الدولة و المأمون و أمثالهما ، و كم بقي منهم ؟ المتنبي و أبو تمام ـ اﻷصفهاني الكندي الفارابي ، كم بقيت كتابات النفّري غائبة ، نحنُ نفرح بجهل الجمهور ، إطلب من كل قاريء أن يقرأ قراءة صحيحة بإعراب ـ قرّاء الشعر أقصد ـ فاﻹعراب فرع المعنى كما هي قوانين اللغة ، البقاء بقاء نسبي يعني طالما الكاتب على قيد الحياة معلقاً بالكاميرات و هوّه و شطارته ، لكن البقاء الحقيقي للأصلاء ـ و القاعدة الطبيعية أن هذه النسبه ﻻ تتجاوز ربما واحد أو أقل باﻷلف ـ أعني البقاء الحقيقي
                              
مصطلح " الحقيقي " نسبي تقريبا .. هل من أليات لتحديد " الحقيقي " من المزيف " ؟
برأيي مسألة الحقيقي تقاس بالزمن يعني صمود الكتابه أو أي عمل فني زمنيّاً و المفروض أن يشغل النقد نفسه بهذه المسألة أما المبدع فالمباديء اﻹبداعية و اﻹنسانية أن يكون مهموماً بإبداعه فقط   ؛ أقصد تفرض عليه هذه المباديء أن يكون مهموماً بإبداعه فقط


هل استطاع جيل السبعينات أن يحقق ذاته إبداعيا ؟                           

في كل اﻷحيال كل من لم ينشغل بالزيف اﻹعلامي و انشغل بقضيتيه الخاصه ـ كمبدع ـ و العامة كفرد ينتمي لفصيل مجتمعي فقد حقق ذاته السبعينات و الثمانينات و التسعينات و هلّمَ جرّا
                           
كيف تري المشهد الثقافي في مصر بشكل عام ؟
                             
كالمشهد العام : مضطرب و هذا وضع طبيعي ، و لكن المبدع في شَـغـَلٍ بإبداعهِ عن كل

                          هذه الأمور  


 ما رايك في أداء  المؤسسة الثقافية ؟      
سيء للغاية فقد دخلت هي اﻷخرى بموازينها التي يجب أن تكون راسخة في  
اﻹعلام بمعنى أن قوانين اﻹعلام ﻻ تعتمد على اﻷمانه و لكن تعتمد على الفرقعة و 
العلاقات و المصالح و قد صارت المؤسسة الثقافية في الثلاثين عاماً اﻷخيرة كذلك 
للأسف
                            
القامات الشعرية المعروفة ك " س " و " ص " ما دروزها في استعادة دور مصر الثقافي ؟

يكون كل همِّها باستمرار تدفقها إبداعياً \ ثانياً : أن تكون صادقة في تعاونها مع اﻷجيال  التالية و أوّل شروط الصدق الشفافية و المصارحة \ ثالثاً : و ربما هو اﻷهم ألا تفقد 
إيمانها بدورها تحت أي ظروف ضاغطة معيشياً أو سياسياً

هل تري انتشار الجماعات والجمعيات الثقافية بديلا عن الانحدار المؤسساتي الثقافي 

                           
قد يكون حلّاً شريطة ألا تنجرف إلى معارك الثقافة في غنى عنها و أن تدرك أن لكلٍّ منها دوره في إقامة البناء الصامد
                           
ألا تري أنها تصدّر للساحة الإبداعية أنصاف الموهوبين ؟
                          
قد يكون ، و لكن ما البديل  ؟ لن تستطيع أن تمنع أحداً يريد أن يعتلي منصة ليلقي شعراً أو يذهب لناشر بكتابة هي دون المستوى دون أن ينظر لنفسهِ بالمرآه
                          
وبماذا تنصح هؤلاء ؟
                            
للأسف النصح يكون داخلياً و هذا يعتمد على المعرفة ! و ﻻ يمكن أن تغلب جاهلاً بالمعايير اﻹبداعية ، كل ما أنصح به من يتصدّى للكتابة ألا يجعل اﻷضواء تعميه أو تكون هدفه ، يجب أن يترهبن بكل ما في هذه الكلمة من معنى و معاناة
سأحي لك حكاية صغيرة وقعت لي شخصياً يا صبري و بحضور شهود ، من ثلاثين عاماً
                         
تفضل
                             
عرض عليّ أحد الكبار في ميدان الثقافة في مصر أن تنشر لي الهيئة العامة للكتاب و المجلس اﻷعلى للثقافة مجموعتي شعر : و قد رددتُ على العرض الكريم من أحد أكابر الشعراء و ما زال حيا يرزق بقولي ـ و قد إعتبره خبلاً أو غروراً ـ يا سيدي ستنشر لمن ؟ لنزار أم درويش أم أمل دنقل ، أنا ما زلتُ في حضانة هؤلاء و رفضت حتى نشرت بمالي أنا بدار النسيم أول مجموعتين و أنا في الرابعة والخمسين ، رغم أني أمتلك على اﻷقل عشرين مجموعة شعرية من عشرين عاماً حتى اﻵن ـ هذا ما قصدته بالرهبنه ـ قد أكون نجحت و قد أكون غير ذلك و لكني مستريح الضمير أن امتلكتُ 
حرّيتي و إبداعي
                                         من قصائده                                              
        
رسائل البحر 

( مهداة لأخينا الحبيب : أحمد الخدرجي )
الخدرجي

قال لي تعالَ .. أصرّْ
و ارتاح من التنطيط
بين الوضوح و السرّ
و شوف معايا من بداية التتر ....
في الأولّه :
كان فيه ولي .. و شيطان
كان الولي سكران
مش م الشهود ..
لا لا ... بفعل الخمر
أمّا الشيطان :
طيّب ..
يجوز زهق م الشرّ
تعبت م الإملا
زحلقني آخر السطر
وقفت م الكرسي اللي جنب احمد
و رحت لآخر الصاله
أشوف رسايل البحر !
***********
ظابط بوليس إنسان
أول زقاق أخضر رومانيتكي في كوم الدكّه .. و الأحزان
يمكن ما يعرفشي
المارش الجنازي
أو بالاد لشوبانْ
لكن ما يعرفش الأذيّه كمان ..
***********

تهتهت في الكرسي
كما البطل اللي ما لهوش إسم
حسيت بخنقه و يتم
و خرجت م الصاله
بعركه بعد رفض الأمن
أمن بصحيح
مش زيّ أمن الفيلم !
و الخدرجي :
كمّل لأخر الحلم !
***********
علاء عبد الرحمن   

مين اللي مات طيب سنة 94. أحمد الخدرجي

أبويا راجـــع م السما بسَبَتين فراوله
و أمي واقفه تجَهِز العشا ف المطبخ
بتبُص م الشِبَّاك
و تعمِلُّه بإيديها كده 
-تعالى م البلكونه
وكأنُه لسه قافل الدُكَّان و راجع
مين اللي مات طيب سنة 94
و مين اللي كان نازل م السما أصلاً ؟؟؟

حرف الهاء ... أحمد الخدرجي

حرف الهـاء
ــــــــــــــ
و باتنرفز
من ابتسامتها ف الكومينت
و لو علَّق و صوابعها على الكيبورد حرف الهاء
باكون مشتاق
لكن باغضب
و طول الوقت بسألني
حتبقى ازاي عيون الناس و نظراتهم لصفحتها
عشان ضحكت بصوت عالي
و كام واحد من العامَّة حيبعت ( آد )
و كام آي باد حيتكَسَّر
عشان طاير ف ضحكتها
و أحوالها و مياصتها ؟
و نتخاصم أنا و هيَّ
عتاب و زعيق لحد الصبح
زعيق يربِك ف كل الناس
على الوول كانوا أو ع الخاص
و اسيبها و اقوم و انا زعلان
و بشتم بالأدب فيها
و بادعي عليَّا و عليها بحاجات ياما
حاجات تملى من الدعوات 200 كُرَّاس
و بادعي ع الغرام كله
و على كل البنات و الفيس
و فاصل عندي ع الصفحه من التهييس
دخول ع الخاص
بنات انا عمري ف حياتي
ما بصيت يوم لرسايلهم
بَرُد عليها و اسألهُم
و بتأسف على التأخير كتير ف الرد
و حالة هيبره ع الوول
ف كومينتات بقضيها معاكسه و ضحك
عشان عارف
أكيد طبعا متابعاني
و م الغيره حتتجنن
عشان باضحك مع غيرها
زمانها بتبكي دلوقتي
و بتقزقز ف ضوافرها
و فاتحه الصفحه قدامها
و مش عايزه تعتبها
عشان لسه معاتبها
و متخاصمين
يعدي يومين
باكون فيهُم تعبت بجد
دي سايبه فراغ كبير جدا
شوارع حتى لو زحمه
باشوفها فاضيه قدامي
و مفيهاش حد
- أكلمها
لا و المصحف ما حاتكلم
و مش حاندم و لا استسلم و لا اتألم
مانش غلطان
ألاقي فجأه تليفوني بيندهلي بصوت " فيروز "
و " كيفك إنت " بسمعها
كأن الروح بتسمعها لأول مره
- وحَشِتني
باقولها لنفسي و اخطفني
و اجيب روحي من السموات
و ارَكِّبها ف بدن تاني
بدل جسمي اللي أصلا مات
ف وقت خصامنا و غيابها
و ارُد عليها وحشاني
تقول يعني سألت عليا برساله ؟
أقول أرجوكِ مش وقتُه
- وحشتيني
بتطلع منها و انت كمان بتحييني
- بلاش نعمل كدا تاني
- خلاص يا حبيبي مش حاقدر
و نحضن بعض من تاني
تعدي ليله مش أكتر
و اشوفها تاني ع الصفحه
معلق منها " حرف الهاء "
فباتنرفز
و اكون مشتاق
لكن باغضب
و طول الوقت بسألني
حتبقى ازاي عيون الناس و نظراتهم لصفحتها
عشان ضحكت بصوت عالي

ثواني يا بِت مش قصدي. أحمد الخدرجي

ثواني يا بِت مش قصدي
ـــــــــــــــــــــــــــــــــ
ما تيجي نتفق نبعد
ثواني يا بت مش قصدي
أنا قصدي حنبعد شهر و لَّا اتنين
نشوف فيهم بقينا ازاي
حنبقى مرتاحين مثلا ؟
حنقدر ننسى فيهم بعض ؟
حنستسلم ؟
حنتجنن ؟
كدا يعني
تعالي نتفق نبعد
ما نقراش أي حاجه لبعض
و لا نعلق ف بوست لبعض
و لا نعمل لايك حتى
و لا نكلمنا ف التليفون
و لا ع الخاص
نشوف مين فينا حيعيش الحياه عادي
و مين فينا حتتعور تفاصيلُه و تنزف دم
و مين يقدر
و مين ماقدرش
نشوف مين فينا حيكمل ف طيرانُه
و مين فينا حيستسلم أوام للأرض
و مين روحه حتستنجد بروح التاني أحياناً
عشان ينهي الوجع فينا
بقالنا كتير بنتخانق
و نزعل مننا جدا
و نتنرفز
و نتعفرت
بقالنا كتير بنستعبط
و بنعيط
و بنـ ..........
- نعم يا ختي
دموعك جاهزه من دلوقت ؟
عياط من اول السكه
بيسرق منك الضحكه و يرميها من الشباك ؟
خلاص طيب
مفيش حاجه
لغيت الفكره يا حبيبتي
انا محتاج اوي لحضنك
و لسه لحضني محتاجه

أحمد الخدرجي يكتب : ربي العظيم

ربي العظيم ..
بعد الثناء و الحمد و التعظيم 
بعد البُكا ..
لمجرد اني ف حضرتَك ..
قررت ابوح 
بعد الطمأنينه الكبيره و الونس وحاجات كتير
عارف يا رب ان انت بس ..
على كل شيء فعلاً قدير
ربي العظيم ..
بعد الصلا على سيدنا والنور اللي فينا 
واستغفاري من ....
بنت ف سنة 2005
حضنتها ف "شارع فؤاد"
عَفَّرت يومها شعرها بالذنب 
وجهرت بالمعصيه ..
بنت ف عيون اسكندريه أيلاينر وكحل
غمزتلي ع الكورنيش 
ضحكتلي فابتهجت ملامحي 
ودَمَّعِت جوايا روح 
مكانتش تعرف إني سافل كده
غير لما رُحت معاها " كامب شيزار "
وف أوضه فوق السطح 
بتطل ع السماوات 
ولا خُفت يومها من السما تغضب
ولا خُفت م المطر اللي بل الجلد حتى
يعترف للناس 
ربي العظيم ..
أنا كنت ضل بيتحدف بالطوب 
والفقر
والخوف
والوجع
براويز بتسجن صوري دايما ع الحيطان
مش قصدي ابرر شكل إجرامي الفظيع
نطيت بعِزم ما فيا م البراويز 
ورمحت جريّ بقلقي ع الكورنيش
لكني عمري ما كنت ف المشهد
أنا كنت خلفيه 
أنا كنت مزيكا 
لعيال نشاز جدا منتوره حواليا 
ربي العظيم آسف
مش قصدي أتنرفز
ولا قصدي تون صوتي 
يطلع من المناجاة للدوشه وصريخها
أنا كنت م الآخر 
مجرم
وطيب أوي 
وساعات منور أوي زي الغيطان و الورد
وساعات مضلم زي بيت مهجور ..
ربي العظيم ..
أنا عمري فعلا ما اعترضت على الوجع 
صبراً .. صبرت 
وجعاً .. أخدتُه ف حضني من 20 سنه
عيطْت ف جيوب الليالي ..
وحَمَدتَك ونمت 
والفقد ..
عادي ..
كنت باسمع نقر رجليه ع السلالم 
جي يخطف مني حد بحبُه ويسيبني لعياطي 
وبعدها باستغفرك
وباكمل التعب المقدس بابتسامه وسجده وبرُبعين خُفاف
ربي العظيم ..
فعلا تعبت بشكل مش ممكن بقى 
وبقيت 
ب 
خ
ا
ف

ما تلبسيش روحي كده.. قصيدة للشاعر /أحمد الخدرجي

ما تلبسيش روحي كده
على فكره ممكن تخرجي مني ببساطه أوي
قومي افتحي الدواليب
و لمي فساتينِك
سيبي البلوزه الحمرا
علبال ما اشيل منها آثار صوابعي
و اخيطلك زرار انقطع
و انتي بتشدي نفسك مني ف هزارنا الأخير
و ضحكتك متشعلقه ف النجفه
و لسه لحد دلوقتي مش عارفه ترجعلك
إتسحبي براحه
و انا مش حاخد بالي من خطواتك
ممكن اعمل نفسي نايم
أو قلبي يشبط ف مزيكا بحبها
فادخل ف غيبوبه لحد ما تعدي
و ممكن استسلم لحالة سُكر مثلا
مع صوت " ياسين التهامي "
أو انشغل بقراية قصيده طويله
أي قصيده يعني
ها ... إتسحبي يلا
مبحبش لحظات الوداع
لو حتى مش حنسلم على بعض
عدي من 1 ل 10
و........
و ادخلي أكتر ف حضني

الشارع لما الدكاكين بتنام.... أحمد الخدرجي

الشارع لما الدكاكين بتنام
ـــــــــــــــــــــــــــــــــــــ
الشارع لما الدكاكين بتنام 
الشبابيك تتقَفِّل 
يعني بيوت الشارع كلها بتغمض 
تحتل القطط العتبات
الخرابات
الأحلام
لو قُط.. بيرمح على حلم فقير
أو واحد طول الليل قلقان
لو قطه ..
تخُش ف أحلام بنوته
ممنوع لو سهوا حتى
يخُش ف أحلام البنت دكر
ممكن ..
بيمارس ويّا القطه بتاعته بلذه غريبه
طعم الحب ف ضِل البلكونه
المرمي على الأسفلت بفعل عامود النور
و بيسمع من فاصل شيش البلكونه
بتبوح واحده بآهات المتعه
من فرط استسلامها لحد جعان
مفرود على عاج جسمها تمساح و بينهج
و موحدهُم وجد
ممكن ..
بيمارس ويّا القطه بتاعته طعم الحب
فيطلع واحد م الشباك بسجاره
عشان ما تلطوش من ابوه لو نظره بريئه
فيضطر يطَفِّيها
و لّا عشان الربو اللي مكلبش ف امه
و مفيش بخاخة صدر
فيتخضوا و يهربوا و يزوموا ف وشوش ولدين
راجعين من شُغل
فيتشائموا الولدين من صوتهم
و يحَدِفُوا بالطوب بسببهُم
كل القطط اللي بتحتل الليل
فيقوموا و يتسحبوا على شارع تاني \ مفيهوش أعداء
و يسلموا أرواحهم للخروشه ف كياس و صفايح
و ورق مليان ببواقي شعر حريمي بعد الحُمَى تقريبا ..
كان ملزوق ف سنان المشط
فخدوه مع بنسة شعر اتكسرت
مع كام حاجه على السراحه
و رموهم ف الشارع
و الشارع لما الدكاكين بتنام
للقُطط المجد

أنا زعلان منك ... للشاعر / أحمد الخدرجي

أنا زعلان و مخاصمك جدا / و مفيش بيننا كلام ع الخاص و لا ف التليفون / و لا عايزك برساله تصالحي / و لا تبعتي غنوه ل " فيروز " / و لا حتى قصيده ل " درويش " / أنا زعلان منك و الله / و قلتلك امبارح على فكره / خليكي الأيام دي ف ضلي / قلبك يا حبيبتي اللي فاضلي / و من ساعة ما قفلنا امبارح و لدلوقتي / مفيش و لا حتى صباح الخير ! / طب ليه بالشكل دا بتضلي ؟ / ليه بتخلي / الحواديت البكر تعجز / و تكشر و الدنيا تبوز / و انا و انتي بالعافيه امبارح /لازقين الضحكه ف شفايفها / أنا زعلان منك و الله / بس بحبك / باعشق شكل النور ف عينيكي / باعشق لياليكي و حواديتك / يخرب بيتك / بيت الحب و بيت أيامه السودا يا بت تعبت / و كل ما اقول مش راجع تاني / خلاص مش حاقدر / روحي بتكتب بعث جديد لعيونك فيا / و احبك أكتر

أحمد الخدرجي يكتب . لا تقترب من هذه القصيدة

بكلاسيكية أمقتها . أقول : لا تقترب من هذه القصيدة 
فقصيدتي مُرهِقَه .. و أنا شاعر مُجهِد .. لن أسلمك القصيدة على طبق من ذهب في قراءتها الأولى فاغفر لي ذلك \ فأنا شاعر لا يجيد الإحتفاء بقرائه ... عذرا لا تقترب من هذه القصيدة \ فلن تجد بها ما يروق لك أيها القاريء و لن تتماهى مع أفق توقعاتك الحسنة .. لن تجد فيها الإيقاع النُحاسِي الذي يجبرك على كتابة ( لفظ الجلالة ) في تعليق و أنت مرتاح الضمير \ وأنا بطبيعتي أكره الآلات النُحاسِيَه
\ ولن تجد فيها القافية التي تجبرك على التصفيق فتجود عليَّ ب " like " ( يحسبه الظمآن ماء ) \ ولن تجد فيها أيضا القضايا الكبرى التي تبحث عنها كقضايا الوطن العربي و حكامه من ( المتردية و النطيحة و ما أكل السبُع ) ... أنت تريد القضايا الكبرى أيها القاريء العزيز ... و أنا كل قضاياي الكبرى تتمحور حول علبة سجائري التي نفدت قبل انتهاء القصيدة فانتبهتُ من غيبوبة الكتابة واحترق النَص \ و البنت التي أرَّقتني في الغياب و تركت وجهها على الحائط ليعذبني هكذا \ و أمي التي أرهقتها الدعوات كثيرا كثيرا و دموعها التي تضيء حجرتي في المساءات القاتلة \ هذه التفاصيل الصغيرة لا تهمك أيها القاريء \ و لن تُصَدِّر لكَ المتعة المنشودة صدقني \ مالكَ أنت و كل هذا الوجع ؟!
أنا شاعر مُجهِد جدا \ قصيدتي لا تسير على الأرض دائما \ فتارة تجدها في السماء \ و تارة على الماء \ و تارة تحت الأرض في رحلة إلى عوالم غيبية تجبرك على الدهشة ربما \ لكنك لا تريد ذلك \ نسيت أن أقول لك أيضا أنني لست زجالاً قديرا !!! 
\ كذلك أنا لا أجيد الغَزَل في قصيدتي \ فهي لن تصلح مطلقا أن تكون رسالة غرامية \ أعتقد أن هناك الكثير من الأسباب التي لم أقلها \ يكفيكَ هذا أيها القاريء كي تبتعد في سلام عن هذه القصيدة \ أحب قُرائي جدااا و لكني للأسف الشديد لا أستطيع أن أحتفي بهم على مائدة النَص

قصيدة جديدة للشاعر أحمد الخدرجي

يومها ...
مكانش مقرر إنُه يسيب البيت
نضارتُه اللي بيخرج بيها على السراحه
جزمتُه تحت الترابيزه اللي عليها التليفزيون من شهر
من يوم ما اختار العزله عن الناس
و عن الأشياء
و عن الدكاكين
بيدلدل م البلكونه سبت
بيجيبله سجايرُه
و ساعات شوكولاته و ...
و بس
يومها ...
مكانش مقرر إنُه يسيب البيت
كان عادي بيضحك \ و يعيط أحيانا
كان بيطلع همُه ف التليفزيون
و بنات بينطوا من التليفون
يقعدوا وياه ف سريرُه ساعات
و ساعات ع الأرض
و كان ......
بيعاتب نفسه كتير
على حب قديم
على صاحب سابُه يموت من غير ما يصالحُه
على بنت ما كملش معاها الأحلام
كان طول الليل بالشكل ده علطول
لكن يومها ......
يومها مكانش مقرر إنه يسيب البيت
بس البيت ف الآخر \ سابُه

عشان ضحكت بصوت عالي... الشاعر أحمد الخدرجي

و باتنرفز
من ابتسامتها ف الكومينت
و لو علَّق و صوابعها على الكيبورد حرف الهاء
باكون مشتاق
لكن باغضب
و طول الوقت بسألني
حتبقى ازاي عيون الناس و نظراتهم لصفحتها
عشان ضحكت بصوت عالي
و كام واحد من العامَّه حيبعت " آد "
و كام آي باد حيتكَسَّر
عشان طاير ف ضحكتها
و أحوالها و مياصتها ؟
و نتخاصم أنا و هيَّ
عتاب و زعيق لحد الصبح
زعيق يربِك ف كل الناس
على الوول كانوا أو ع الخاص
و اسيبها و اقوم و انا زعلان
و بشتم بالأدب فيها
و بادعي عليَّا و عليها بحاجات ياما
حاجات تملى من الدعوات 200 كُرَّاس
و بادعي ع الغرام كله
و على كل البنات و الفيس
و فاصل عندي ع الصفحه من التهييس
دخول ع الخاص
بنات انا عمري ف حياتي
ما بصيت يوم لرسايلهم
بَرُد عليها و اسألهُم 
و بتأسف على التأخير كتير ف الرد
و حالة هَيّبَره ع الوول
ف كومينتات بَقَّضيها معاكسه و ضحك
عشان عارف
أكيد طبعا متابعاني
و م الغيره حتتجنن
عشان باضحك مع غيرها
زمانها بتبكي دلوقتي
و بتقزقز ف ضوافرها
و فاتحه الصفحه قدامها
و مش عايزه تعتبها
عشان لسه معاتبها
و متخاصمين
يعدي يومين
باكون فيهُم تعبت بجد
دي سايبه فراغ كبير جدا
شوارع حتى لو زحمه
باشوفها فاضيه قدامي
و مفيهاش حد 
-أكلمها ؟
لا و المصحف ما حاتكلم
و مش حاندم و لا استسلم و لا اتألم 
مانش غلطان
ألاقي فجأه تليفوني 
بيندهلي بصوت "فيروز"
و " كيفك إنتَ " بسمعها 
كأن الروح بتسمعها لأول مره 
- وحَشِتني
باقولها لنفسي و اخطفني
و اجيب روحي من السموات 
و ارَكِّبها ف بدن تاني
بدل جسمي اللي أصلا مات 
ف وقت خصامنا و غيابها 
و ارُد عليها وحشاني 
تقول يعني سألت عليا برساله ؟ 
أقول أرجوكِ مش وقتُه 
-وح ش ت ي ن ي 
بتطلع منها و انت كمان بتحييني 
-بلاش نعمل كده تاني
-خلاص يا حبيبي مش حاقدر
و نحضن بعض من تاني
تعدي ليله مش أكتر
و اشوفها تاني ع الصفحه 
معلق منها حرف الهاء
فباتنرفز
و اكون مشتاق
لكن باغضب
و طول الوقت بسألني
حتبقى ازاي عيون الناس و نظراتهُم لصفحتها
عشان ضحكت بصوت عالي