الحمـــــــــار
نفّد ضوافرك ف الجراح
اصرخ قوي ...... ماالحلم راح
اصرخ وجلجل بالقوي
اصل القوي مابقاش قوى
وكمان دراعه بيتلوى
حضن الالم اصبح كبير.... اصبح برااح
انده لعثمان ولعمر :
عرفهم ان الندل لابد ف الخلا
بيظبط التظابيط والظلم اختمر
والعدل مالت كفته
والخوف فجر
قابض علي قلوبنا الحزينه
تايهين ومش لاقيين سفينه
ياهل ترى احنا اللى جينا ف يوم غلط
ولا الغلط كان م الاساس طول عمره فينا؟؟؟؟؟؟؟
تايهه يا ضحكه من علي خدود القمر
حارقه يادمعه من عيون مكحلها السهر
وانا تهت مني ف سكتي يا ااكسرتي
ما انا بلوتي غير كل اصناف البشر
ما انا قصتي :
كان عندي بنت حلوه وبيت عمار
والبنت لما بتبتسم :
تتحول الصحرا .... لخضار
بنتي الجميله اتغيرت وادورت .....جالها العدل
انا قلت تتستربقا
ما هى اى بنت مسيرها لبيتها ... مهما حصل
جالها العريس لابس قميص ابيض وبدله يااااه دمااار
فرحت عروسته
اتذوقت واتروقت والعقل طار
,ماهى اصلها من صغرها كات واخده دايما ع الدلع والانبهار
دقت طبول الفرح ...أخدها شهريار
هى دقايق وانفجر صوت الصراخ
واتحول الفرح لمرار
ماتت حببتي اللى القمر كان ليها دار
اصله العريس ماطلعش مجدع او بطل
لا
ده العريس كان ف الاساس اصلا حماااااااااااار
ليست هناك تعليقات:
إرسال تعليق