شهيد الواجب.... قصيدة للشاعر الفيومي : أبو يوسف صبري
شهيد الواجب
....................
لما نادى المُنادٍى
وقال جهزوا الزفة
سألت مين العريس قال زين الشباب خٍفَّة
نزلت صبايا البلد
تقابله بالزغاريد
وشباب يكَبَّر ويهتف
زينة شبابنا شهيد
أنا قلت أنول الشرف
وخده فى حضنى
أتارينى صاحب الفرح
طلع الشهيد ابنى
أم الشهيد هرولت
تصرخ تقول ولدى
قلبى عليك انفطر
يا حتة من كَبَدٍى
سلامات يانور عينى
فراقك على عينى
كتمت صرختى
ف قلبى
وعيونى من غير
دموع تبكى
وزادت حرقتى زيادة
وزاد المر وزيادة
لما عرفت اللى
قتل ولدى
كلاب ضالة
فى بلدى
ليست هناك تعليقات:
إرسال تعليق