الشاعرة فاطمة المرسي
لفوا الحبال
على دم خاطر غصب
...وأعلنوا
انه انتحر بالنصب
عدينا يومها الخبر
وبلعنا شوك الكذب
رجع التاريخ انعاد
واتجرأوا الأوغاد
والدم سال ع الأرض
يكتب نهاية سراب
فرضوه علينا فرض
قوم يا تاريخ اشهد
على شعب نهب الرب
والسامري احتاس
يصرخ يقول لا مساس
لا مساس ولا احساس
يا خاينين العهد
يلا اكتبوا الألواح
واحكوا الحكايه صح
تبت أياديكم
ايه العمل فيكم
جرايمكوا مالهاش حد
ياقدس بردانه
احنا ندفيكي
يا سينا عطشانه
الدم يرويكي
ياغزه فرحانه
جه يوم أعاديكي
نام يا شهيد وارتاح
سايب وراك أبطال
حالفين لياخدوا التار
م اللي علينا احتال
زمن المساومه راح
وخد معاه أندال
باعوا الوطن خرده
حته ورا حته
راحوا وشالوا العار
واحنا نصون العرض
ليست هناك تعليقات:
إرسال تعليق