بنت : للشاعر حاتم حوّاس

بنت  :  للشاعر حاتم حوّاس

1

افتح خطاك للضحك
هتشم ريحة كلام البنت
مستنياك فالخوف
رافعة أيديها 
للرجوع مواويل
منتورة من صرة غناك
وبترتعشمالحر
نيل كاسر طريق رحلة
ومخبّى جوّاه عيونك
عصفورة ترقص عالشجر
والولد مش عارف يصيد
متسنّد على العكاز
وبيقشّ فى الكوتشينه
فتحت عنيها كشفت سرقته
مجروح بينزف سنينه
وطن مش لاقى عيل صغير 
يشيله من عالارض.

2

البنت إللى بتسقى شجر الورد
في الجنه
ويتكتب أحلى قصائد شعر 
وبترجع تنقشها بقرطاس الحنه
والدمع إللى بيجرى على نهر الخمر 
وبتسكرنى
مش عارف ليه
دائماً البسها الفستان وأنا نايم 
باحلم بآيات الذكر وأغنيه لفيروز
وسرادق قدام بيتنا
مفتوح للكل 
-------------------
البنت اللى بيزعل منها الصبح
وبيحكيلىانها رفعت قصرية ورد
وقعدت على عتبة حلمى
تغنى أغنيه سخيفه وتقول انها زعلانة
------------------
البنت اللي بتركب مركب نص شراعى
ومبتعرفش تعوم
وبتغرقفى العشق
اناهارفع عنها آياتى وهاسيبها وحيدة
تغرق فالحزن!

3

البنت اللى. تفوت كل كلام الشعر
وتمسك فالكلمة الواقعة من السطر
وتقلبها حروف وتشخبط على باقى الورقة
وترجّعنى تانى م الأول نقطة ومن آخر السطر

4

الضحكة إلى بتسكن روحك
وبتنزل على قلبى زى الشلال
انا هسكن فيها
وهكلمها عنى وعنك
واراقبها بهدهد
يفتح صفحة قلبك
ويجيب لى الاخبار
وأرصد 
من ورا شيش شباكى المفتوح على صوت
بينادى للشمس المتسرسبه جوانا

5

البنت 
اللي بتسرق آآآآآه
من عند الولد المركون ع السّور
مستنّى تعدّى ويبصبص ليها
وبيبعد جسمه عن النار
البنت العاشقة 
مش ممكن تتراجع 
عن ابن الجنة
المجنون بعبايتها السودا 
المسنودة بكباسين
والجسم المرمر هيبان
لو وقعتع الارض
وكمان هيبان لينا لون حمالة الصدر
وتبان العورة الكامنة
ف الكلب المسعور للضرب
وأنا واقف اتفرج ع البنت 
والولد الساكن ف الجنة
وباحاول اسجن عقل الكلب.

6

الولد المسجون فى كلامه الفارغ
ولع للبنت الواقفه بتستناه
ف الغيمه المدفوع بريح 
مسكونة بحرية وطنه
واقف يتفرج من كذبه 
عالبنت إلى بتهرب منه
وبتسكن جوانا
نرميها للولد المفتون بوجاهته
ونضارة الشمس
يلف معاها شويه
ويرجعهالنا 
...........................
البنت البكر
نصحى من النوم تلاقيها
واقفة ولابسة فيونكة 
وعاملة ضفيرة لحدّ الأرض
بنلملمها
ونزرعها
ولما تفرّع
نشغل حواليها التاج
ونغنيلها!

تيرا را را تيرا را را

7
البنت المركونه على الطاوله هناك
تايهه من الدنيا
ومن شهر أغسطس
ومن عبء اللبس
وماسكة ف إيدها
قدر الولد الواقف فى الصف المحروم
راسمة بالوشم التعبان
واصل لمفارق فخذيها

8

البنت
الى بتشرب كاس الوسكى
وعنيهابتخرم جسمى
ع البار
انا خايفإنى اخونها
وابادلها النظرة
واسقط من نفسي ف حفرةلوم
وأراجع كل كلامى
والاقى البنت المزروعةف روحى
بتفوّقنى ببوسة من السكر
وتحطّ إديها على كتفى
وتوصلنى لأوضة النوم!

9

مش باسرق من إيدك عشق
لكن باحلمإنىأعشق 
زيكبالظبط
والم إديا من الموت الساكنف كلامى
وارتب أفكارى
والملم كل قصايدى
التايهة على الفيس
واعمل لي ديوان للعشق بإسمى
وتكونى انتى البنت
المعشوقة
وتلمّى حبيبك من ع الارض
يتلف بتوبك
وتغنيله نشيدك
وتسيبي لون الدم
للولد الجاي
بيشيل كراستي ويكتب ليكي
قصيدة عشق
ولأنك بنت وكل أنوثتك ريحة أرضك
ولأنك بنت 
من غير نهدين
ولانك بنت
معدومه الشهوة
ولأنك بنت بدون كفين
انا بحلم
إنى ألم الجسد
المكسور م الخوف جواكى!

10

البنت
اللى رفعت رجليا من الوحل
وحنّتهم ليلة الدخلة
ولبست فستانها الأبيض
رقصت وسط الناس م الفرحة
لسة بتدفي جبيني بإيدها
وتدور ع الأرض الى تلمّنى فيها
وتسكن حضنى
وترقص تانى
وتفرحّنى بليلة الدخلة

11

لعلم انا لسّة بكابر
ماشربتش
غير كاس العشق ف إيدك
لسه بعلّم عينى
أصول الحرف المقروء
ف آية الروح
لسه بذاكر كتب النحو والممنوع م الحب
لسه بداري على ريحتك
من عطن الجيران
وبدافع عنك!
لو متّهكون معشوقك
ولا انتى مش قارية
آية العشق؟!

12

أنا حاسس
إنى بطير ف الجو
ومغمّض عيني ف إيدك
وباشيل كل حروفى
وباغزل ليكى
شبكة عشقك
كلمتى بارمى بروحك جواها
وبانام ف الاخر ف عنيكي!

13

الولد الساكن جوة الخوف
بيصلّى الفجر جماعة
طمعان ف حورية من الجنة
انا مش هوة
لأنى عايش ف الجنة بروحك
والشجر المتخبّي بعصافير
يعزف كل غناكي
مش قادر يصبر ع الجوع
ولا قادر يزرع أرضه المحرومة
من صوت الناي!

14

البنت الى بتسمع آهي
وانا فرحان
وبتكتبنى كلام
وبتحضن حلمي قبل ما بتنام
وتغنّى نفس الاغنية لفيروز
(سلم لي عليه)

15
البنت الى بتعشق موج البحر

وبتحب حكاوي الصياد
والمشيى على الرمل
فى عزّ الحرّ
وبتبعتلى جواب
استناها على الشطّ التّاني
الموج هرّب رجلي لرجليها
خاصمتنى تلات!