فيكى سر . محمد سامي

فيكى سر 
مش طبيعى تكون هموم الدنيا فيكى 
وانتى ضحكك مستمر
انتى قادرة ازاى تسيبى فى قلب كل الناس اثر
والحياه عماله تكسر كل يوم فى عنيكى حته
وانتى بتداوى فى عيوننا اللى اتكسر
انتى جبتى منين مكان تبنيلنا فيه دوله وقصور
واتعاملتى ازاى مع الضلمة اللى جوانا وركبتيلها نور
انتى كل الخوف ماليكى وبرضه طمنتى اللى خاف
انتى غمستى الزعل كله بدموعك
واحنا دقنا الحزن حاف
انتى اكتشاف