الناس لا ملا يكة ولا شياطين
ولا نور ولا طين
فيه ناس بلا طين اغلى من الماس
فيه ناس بالماس ارخص م الطين
وانا وانتي حبيبتي اتنين عايشين
لا موش عايشين
الحظ الوغد أهو نشنا عين
فكرته بوش طلع وشين
وأديني يا ست الناس محتاس
بلا ماس ولا طين
شايل بروازك جوا العين
من كام سنتين على كام سنتين
فستانك ازرق زي الموج
وضفايرك اسود م الأيام
وشفايفك هوج
وخدودك أحمر من بصاية وتين
زقي الايام عدي الايام
لا انا كنت تمام
ولا كنت القارس ف الاحلام
ولا كنت نيرون
يا احلى م السكر و البنبون
اهو شاطنا الحظ من البلكون
اتكسر كل اللي رسمناه كما لنضة نيون
هانروح على فين احنا الاتننين
من بعد ماكنا وصرنا اتنين
ولا احنا ملايكة ولا شياطين
#حسني_الاتلاتي
ليست هناك تعليقات:
إرسال تعليق