ضمينا صوتنا وقلنا آه على عمر فات وعلى اللى جاى لقهرنا
ورضينا بالخوف واستكانت ف الضلوع كل الجراح
وبقينا نهرب م الصباح
خليك لوحدك فى مهب الريح عُفار
يمكن تلاقى الموت دوا
ورقصنا ف الملكوت سوا
ورقصنا قلنا ننتشى بالروح مسافة صغيرة
ردينا ولقينا ف حياتنا طعم دنيا مغيرة
حلفت علينا بالخضوع
نبتت ف روحنا بالدموع
قررنا وقت ماتنتهى تبقى الفروع متحيرة
وتكون طريقنا اللى انهوى
ورقصنا للملكوت سوا
ليست هناك تعليقات:
إرسال تعليق