الوطن الكبير
أسألوا كل عربى عنها
طب ليه تانى بيرجع لها
وواخده الشوق والحنين
اكل من خير ارضها
وشرب مية نهرها
وعشق ناسها الطيبين
محمد على عمل تكية يا فخرها
وكسوة الكعبة منها
أسألوا كل المخلصين
أم المرؤة والكرم
أم الاصالة والهرم
وحضارة الاف السنين
أسألوا كل عربى عنها
طب ليه تانى بيرجع لها
وواخده الشوق والحنين
ابوه وجده حبها
وكان زمان بيودها
سهر على نيلها وشطها
وبيحكوا عنها فى الدواوين
انت يوم ما تروح لها
تاخدك كمان فى حضنها
كانك انت ابنها
وعايش معاها من سنين
حتى الغريب على ارضها
ما تفرقه عن ابنها
تحطه جوه قلبها
وتغطيه فى نن العين
هى الوطن الكبير
ليست هناك تعليقات:
إرسال تعليق