لو يوم تقولي نتعاتب
حقولك حاضر وبقوة
حستنى عليك وحسمعلك
لو بيا منك مية شكوى
واسامحك !
أسامحك مهما كان جرحك
أسامحك لو تسامحني
علي زنب ما اعرف اية هو
يا دنيا الهامه محنية
وجدان مشتاق لحنية
وفؤاد مفطور ومات فيا
معصوبه العين وانا ماشية
في طريق مرسوم
على جبيني
ألام في وريدي أهي ماشية
ما بين قساوتك وحنيني
احلام مخنوقة م الماشية
بطيئة وفين محبيني
عايزة اخد منهم القوة
والقالك اي حاجات حلوة
واسامحك !
أسامحك مهما كان جرحك
أسامحك لو تسامحني
علي زنب ما اعرف اية هو
أنا على امري مغلوبة
أنفاسي بتخرج بصعوبة
احلامي بتصبح مرعوبة
لون وردي بيدبل على خدي
تسقية من ماية احزانك
والدمع سباقه فوق خدي
أسرع م الغدر في احضانك
والشمعه ان كانت بين يدي
طفى نورها جراح من نسيانك
بتفتكرني في القسوة ؟
وانا بألمك مالي دعوة
حسامحك !
أسامحك مهما كان جرحك
أسامحك لو تسامحني
علي زنبي وقوللي اية هو
11 / 2010
ليست هناك تعليقات:
إرسال تعليق