ياغزة لو تسمــحي ما تنكديش يومنا
صوت الصريخ خضنا وقلقنا من نومنــا
فيه حــــد أوحالك إن الدمــار والمـوت
ممكن يحركنــــــــا أو حتى يصــدمنا ؟
صوت الصريخ خضنا وقلقنا من نومنــا
فيه حــــد أوحالك إن الدمــار والمـوت
ممكن يحركنــــــــا أو حتى يصــدمنا ؟
ياغزة من فضـلك ماتفتّحيش جرحــــنا
إيه يعنى تتباعى علشان نجيب قمحنا
طب يعنى يرضيكي ننـام مانتعشـــاش
ولا انتي تتبسطي واحنا يمـــوت فرحنا ؟!!
إيه يعنى تتباعى علشان نجيب قمحنا
طب يعنى يرضيكي ننـام مانتعشـــاش
ولا انتي تتبسطي واحنا يمـــوت فرحنا ؟!!
أصل انتي حساسة ومكبرة الموضـــــوع
فاكرانا حنساعدك علشان نموت م الجوع
من امتى حدادينــــا بترمي يـوم كتاكيت
عصر العـروبة انتهى ماتفكريش ف رجـوع
فاكرانا حنساعدك علشان نموت م الجوع
من امتى حدادينــــا بترمي يـوم كتاكيت
عصر العـروبة انتهى ماتفكريش ف رجـوع
ياغزة ماتدقيش وكبري دمــــــــــاغك
إيه يعنى لو قلمين حيرقـّعوا صــداغك
المؤمنين ف بلاء والضرب للجدعـــــان
والضرب لو طـوّل مش راح يجيب داغك
إيه يعنى لو قلمين حيرقـّعوا صــداغك
المؤمنين ف بلاء والضرب للجدعـــــان
والضرب لو طـوّل مش راح يجيب داغك
ياغزة سيبك بقى من صمتنا الداكــــن
ستين سنة وانتي فيكي الوجع ساكن
أخدتي إيه مننـا غير شجب واستنكــار
والكل بايعينك و ماحـركوش ســـــاكن
ستين سنة وانتي فيكي الوجع ساكن
أخدتي إيه مننـا غير شجب واستنكــار
والكل بايعينك و ماحـركوش ســـــاكن
ياغزة حكــايتنا متلخصة ف سطـــرين
نسينا عــروبتنا وحضــــارة النهــــرين
ال 300 مليـــون واخدين فياجرا الخوف
وان قلتي أنا منكم ح نرد مش فاكرين !!
نسينا عــروبتنا وحضــــارة النهــــرين
ال 300 مليـــون واخدين فياجرا الخوف
وان قلتي أنا منكم ح نرد مش فاكرين !!
ياغزة كرامتنا متباعة بالآجــــــــل
لا حاربنا بمدافع ولاحتى بمناجـل
ماتفكريش إننا متبريين منــــــــك
كل الحكاية اننا مافيناش ولا راجل !
لا حاربنا بمدافع ولاحتى بمناجـل
ماتفكريش إننا متبريين منــــــــك
كل الحكاية اننا مافيناش ولا راجل !
ليست هناك تعليقات:
إرسال تعليق