كان نفسى ييجى تانى الزمن وارجع اقعد على السطح
انا وابن عمتى
ننتظر فتح طاقه ف السما
وندعى ربنا
هيبص علينا منها وهيكلمنا
وينزل لكل واحد فينا على الاقل 10 جنيه
انا شخصيا هنتظر شم النسيم واصرفها كلها ف البركه وعين سليين
وكامل عايز يشترى كوتش من باتا بجنيه وربع
ويحوش الباقى.
كان عايز يبنى بيهم تلات عمارات
ويشترى لما يكبر عجله
ويفتح دكان حلاوه
الزمن ركب قطر مصنوع فى اليابان السنه دى
وانا شفت ملايين وعملات فلوس كتير وصرفتها
وكامل
ضحك عليا واخد العشرين جنيه كلها من ربنا
وبنا العمارات
وفلا وقصر
وسلسلة محلات
واسطول عربيات
لكنه لسه بيوفر من كل جنيه 5.
ومش مبسوط.
ليست هناك تعليقات:
إرسال تعليق