وبحبك زى رغيف
قاسمينه إتناشر شخص
دا حبيبى ف وقت الرُخص...وأنا مرمى ف أى رصيف
وماليش أحلام الا إنتى
وبشوفك بس حبيبتى
والناس بتعدى عليا...
وبترمى كياس الرابش....مليانة علب بلوبيف
وإن رحت وجبت شوية....ب تف تفافة عليا...!!
ويقولوا" دى "إف"زبالة......إسفوخس عليك إسفوخس"
"الشغل كتير ياحمادة....بس إنت تقوم وتدور"
مع إن أنا نفسه حمادة....اللى إتكهرب ف "المنور"
وإتعلق ف المواسير.....
علشان خبط ع الباب .......
مالك ياوطن كداب.....!!؟؟
ب تبيع الوهم ل كله......القايل واللى إتقاله
الفاكر نفسه بيعطف....والراضى بفقره وذله
الدنيا دى زى معادلة....علشان زائد بتساوى
ومافيش ف دماغها تساوى...والناقص مش بتحله
ليست هناك تعليقات:
إرسال تعليق