أمنيـــــــــــــــــــــه . .. للشاعر / محمد كشيك

أمنيـــــــــــــــــــــه .
،،،،،،،،،،،،،،،،،،

أنا نفسي بس يارب – أكون
عصفور بيصــــدح 
وسط الكــــــــــون ،
ونفسي أصبح – ألف جيتار
وعزف بين كل الأوتـــار
وكمان ياعالم ، باتمنـــّي
أكون ، محــّب من الجنـــّه
وشعر ، يقدر ، يتغنـــّي
وضي مالي الدنيا ، نهـــــــار
ونفسي تاني يارب في إيه ؟
الضي سابح ، بين علاليــه
وشط مليان بالصفصــــــــــــاف
يارب إني في لحظه ، أصير
طيور في ســــموات
رحمـة ، تطــــــــير
وموجه تسبح وسط ضفــــاف ،
وأكون نســـيم
صافي وشــــــفـّاف ،
ونبات يشـــيل أحلي الأزاهير
وفي الغيطـــان ،
فرع الأشـــــجار
وغصن يحضن فرع لمـــون ،
وضي متشعلق
في ســــــــتار
ونغمه تصعد ، أعلي التون
وأبقي برعـــم
في جنينـــــه
وأبقي ، نغمة ، تقــوّينا ،
وباقـه من كل
الأزهــــــار .