علمتّني أتهجّي / إسمك ؟!
~~~~~~~~~~~~~~~
:
علمتني اتهجّي إسمك
( أمي )
لمّا رقتنــي بإسمــــــك
شربتنــــــــي سلسبيلك عمّدتنــــي ف نهــر نيلك
بخّرتني بخـــــور
( حُسينـك )
كحّلت عيني بمحاسنــك
~~
كل يوم ترسم لي صورتك شعلقتني فوق ضفيرتك
كنت أشوفك الأميــــــــرة
اللي عايشه ع الجزيــــرة
حلمها تيجي الفــــــوارس زي مابتيجي النـــــوارس
وابتديت أحلم بإنـــــــــــي
فارس الأحــلام ف قصــرك
~~
و ابتدي الحلم الخيالــي يتولد وسط الليالـــــــي
أصحي من نومي عشانك أبدر القمح ف غيطانـــك
وأنت واقفه هناك مكانــك
نفسى مرّه تلمحينـــــــي
ولا مرّه تمدّي جســـــرك
~~
و امّا عــــدّي العمر منـــّي وانتهي عُمر التمنّـي
قلت أعدي البحر عـــــــوم
يمكن أوصل ليكي يــــــوم
هاجموا قلبي وحوش كتيــــــر كسّــــروا الحـلم الأخيــــــر
وف عيونــي يا حبيبتـــــي
شوّهوا صورتك و رسمــــك
~~
خدتي حرف ( الميم ) من أمي ليه ( بصادك ) زدتي همّي
روحي راحت رُحتـــي منّي
مستحيل بالعشــق أغنـّي
كنت صوتـــــــك م البدايــــه مش ح أخــــون أبداً غُنايــــا
لو ف حضنـــــك شُفت
( أمـــــي )
غصب عنّــي ح أغنّي
( بإسمك )
!!!
~~
:
علمتني اتهجّي إسمك
( أمـــــي )
لمّا ..
رقتنــي
( بإسمك )
!!!
ــــــــ
:
شاعرة الشعب
ليست هناك تعليقات:
إرسال تعليق