ياما .... كان
.........................
شاعر وكان إنسان
طيف ع القلوب بيطُل
بستانُه يطرح شجن
وجروحُه تنزف فُل
يبني بكلامُه قصور
ويعيش وحيد فيها
ينادي كل العصور
وبكلمَه يلغيها
يفرد دموعُه نجوم
ع الكون يضوِّيها
يحبها .. تعشقُه
يغزل غَزَل فيها
شايل ف حضنُه كلام
بس الكلام بيضِل
عِشِق الحروف كلها
والشِعر والأوزان
هايم معاه سحرها
هربان من الأحزان
وعاش غريب إنَّما
كل الحروف إخوان
مرَّه الحروف نسيتُه
ما قدرش ع النسيان
صُعُب عليه هجْرِها
ومات وحيد فى الضِل
..........................
فاطمة المرسي
من ديوان / ليه وجودَك مشكلة ؟
ليست هناك تعليقات:
إرسال تعليق