كشف المستور . قصيدة للشاعر إبراهيم منصور

كشف المستور

بوم..بوم..بوم..
عاللى طلعوا نص كم..
سوف يأتى يومهن..
زيي كل المفسدين..
قشطه عالثورة اللى كشفت  سترهم..
فل عالناس اللى نزلت
فى الميدان واتحررت من سحرهم..
عمار يامصر بكل مللُك
كل ناسك مخلصين
إلّا ناس غشّت عيونهم
المطامع  خانوا دمّك
تاجروا بالميّت وتاجروا
بالكرامه,,وأي دين
يأمر الإنسان يخون
وطنه واللى حياته راحت
وبسببه خرجوا من السّجون
الكلاب 
المجرمين
نهشوا عرض الثائرين
قتلوا طفل,,
وقتلوا شيخ,,
وقتلوا ناس على كل لون..
والماسون 
هدد بناره
لو مسلمناش وثورنا
ما كانش عارف إن جيلنا
جيل متحرقهوش نيران
حب الوطن
عدل الوطن بين ساكنيه
نشر السكينه والأمان
من صميم رسالات سمانا
والخيانه  ف نار بتحرق كل خاين
واللى هان على قلبه شعبه
واتبع أهل الغرور
مش هياخد من حياته
غير دم بيطارد منامه
المسكنه
تمانين سنه
والمخفى شره مستطير
اتمكنوا
واتسعرو,,
ونسيوا
إن المصرى بيصبر لاكن
جوّه جبال الصبر ف قلبه
براكين بيفجّرها الظلم
اللى معاكم,,
ومقويكم
هوّاللى بيتجنّى عليكم
أعمى وقافل
عقله فلافل,,
وسجلّه قديماً وحديثاً
مجرم..سافل.