قصيدة " لحظه فراق"
للشاعر سيد منير عطية الشرقية
معقوله مات الحنين ؟
جوه قلوب عشقت سنين
فين الحب اللى كان
عايش ويا الزمان
معقوله تاه الزمان
وتغيرت كل الفصول
بعدت المسافات
كبر الجفا جوه القلوب
يا الم حاضن روحى
فين جروحى ؟
معقوله مات الحنين
كنت فاكر حضنك شط الامان
فين لمسه إيديكِ لما كنا نشتكى
لحظه فراق
فين دمعه عنيكِ ساعه اللقا
كل المشاعر متغربه
وقت الغروب بينتهى الألم
ساعه لقاكِ اجمل حياة
نفسى المشاعر تنطق كل الكلام
خلى القلب ينبض كمان
يا عمر عدى قوام
لسه فاكر كل اللى كان
حضنى ..وحضنك ولحظه فراق
وساعه اشتياق يدوب فيها الحنين
تتلاقى كل الحروف
يرتعش جوانا الخوف
لحظه ما كنا نبتسم
نرسم بأدينا فوق الرمال حلمنا
نبنى قلوع
يبتعد الخوف عننا
فين حنانك ؟
مش لاقى غير الجفا
جف الحنين وتبعترت كل المشاعر
زى حبات الرمل المتغربه
فوق الشطوط حاضنه حلمنا
نفسى أسألك مليون سؤال
كان حبك نزوه .؟
ولا كان هوى عطشان
إرتوى من نبض قلبى
وهرب ويا الزمان
كنت عايش جوه منك
دمى هو دمك
كنت فاكرك وطن
كنتٍ روحى
بسأل الليل الحزين
عن فجرنا البعيد
ليه خايف يعود
ليست هناك تعليقات:
إرسال تعليق