قصيدة " الولد العاشق "
للشاعرة / شوقية كامل ..... المنيا
.................
الولد اللى كان ..........
بياخد من احلام الليل حواديت
ومن عيون القمر رسايل عشق
ويرسم فرحته على وشوش البنات غنوة
تاه فى زحمة المشاوير
وجنون الترحال
سعى على قد ما يقدر
وداق مرارة القسوة والحرمان
وبعد الغربة ما سرقت
احلى ما فى العمر
عاد يتمدد تحت الشمس
ويرمى همومه فى حضن حبيبته
خاف على حبه يدبل ويموت
مع ان عيشته اصعب م الموت
استنى كتييييييييير
والحلم اتبعتر منه
مبقاش لاقى مكان لاحلامه
واسئلته المركونه فى ادراج روحه
ليه قلبها مقسوم نصين ؟
ليه الدم مغرق روحها ؟
الواد قرر ينزل يحميها
ويفرش فى ميدانها مبادئه
ويبدر ليها الارض خضار
لجل ما تتغير اوضاعها
وترتاح فى العيشه
وترجع غنوة قلبه العاشق
الواد رافض يعيش
مذلول ........
مطرود .........
دفن الصوت الواطى ف عبه
ونصب الخيمه وعلق كل مطالبه عليها
علشان يفضل قلب حبيبته
ملكه وبس
هناك تعليق واحد:
الف مبروك للجميع
شكرا جزيلا لكل القائمين على المسابقة
إرسال تعليق