قصيدة " الوظيفه : شاعر "
للشاعرة / مريم النقادي الاسكندرية
الأسم شاعر والفعل كلام محسوس
عنوانه مشاعر والأصل كله دروس
ميدانه مش كل رجِل فيه بتدوس
الشعر مش سلعه وقيمته مش فلوس
الحرف فيه بميزان وبكَفّه متساوى
تكشف ما بين الأصلى وبين اللى هاوى
لكن لا فيه أتباع ولا بقى فيه غاوى
والقلم خالص إتباع للى ما يساوى !!
ياللى هنا بتنقل وبتنسخ المكتوب
فاكره أمر عادى وشغل مش محسوب
الاحتيال لو دام يبقى الحساب مطلوب
إنسب لنفسك إذا .. كان اللقب منسوب
ياللى هنا بتكتب أى كلام ف كلام
والأسم رومانسى وشاعر الأحلام
والتعليقات مجامله أهو رد والسلام
أطلع بقى م الدور وكفاياك أوهام
الأسم شاعر والفعل كلام محسوس
عنوانه مشاعر والأصل كله دروس
ميدانه مش كل رجِل فيه بتدوس
الشعر مش سلعه وقيمته مش فلوس
وألف عجبى
ليست هناك تعليقات:
إرسال تعليق