راح اللى كان...رثاء الشاعر الكبير/ احمد أبو شرخ. للشاعرة شوقية كامل
قلوب كتير أتوجعت
وبكت على القلب اللى راح
وساب الدنيا كلها
حزن وجراح
راح اللى كان
بيلم كل حروف حبايبه
جوه احضان دنيته
وفى سكته
كتب بدمه اخرته
واصبح شهيد لكلمته
راح اللى كان
باب امل مفتوح
لاحلام الولاد
كل صفحات الفرح
لبست سواد
ولا عاد يعدى
ويهدى فرحة ضحكته
لبكره اللى جىّ
راح لكنه
نبض احساسة ف قصايده
لسه حىّ
راح اللى كان
واخد على اللى يعرفه
ومايعرفوش
صديق وفى
بابه مفتوح للقريب والغريب
مايقفلوش
مات حقيقى
بس سيرته عايشه بينا
ماتحزنوش
ليست هناك تعليقات:
إرسال تعليق