العدل شرع الله حافظ عليه في الدين
إعدل وخاف الله حاسب ياجوز الاتنين
الحكمة مطلوبة والجودة بالموجود
والدنيا معدودة ومنه ليه حتعود
العدل فيك نصين ماتميلش عالتانية
الاولى ليها سنين لسه معاك شايله
حتقول لربك ايه وانت بكتاف مايلة
إسمع وصلي عليه لا تميل مع المايلة
اللقمة اقسمها إعدل وقًسمها
وما يناديك الليل تقضي الوتر والميل
للأولى والتانية
شق الحنان نصين بالساعة والثانية
دالحب من حرفين للأولى والتانية
أربط على لسانك يغلط في اساميهم
راح ينسوا احسانك تصبح عدو ليهم
واياك من الجيرة تولع نارك نارين
حتشعلل الغيرة ويلك يبقى ويلين
خللي الهدوم رفيّن غيارين هنا وغيارين
ونفس لون الاتنين ربك بسره عليم
ولا العيال ياحلو
يتسابقوا عالخلفة
تنزل على جدروك بسرعة عالغرقه
غلبان ياجوز الاتنين
وشك بلون الطين
الشوك على الجنبين
ربك هو العليم وقالها في كتابه
في العدل ان خفتم فواحدة تكفي
ولو اتقسمت اتنين عمرك ماحتكفي!
ليست هناك تعليقات:
إرسال تعليق