مصر ياللى بجد ماتبعديش
ماتروحيش
أنا لسا شايفاكى
حمام جوه الشجر
و الحضن فيكى مالوش نهايه
... لطفل بيتسم
وانا كل يوم الصبح بدرى
باسمعك
بتوشوشينى لما بازعل م الصحاب
وتجمعينا ع الدموع
ف نحب بعض
فاتوضى تانى
بمية النيل البريىء
وأمشى الطريق
أحجل ف لعبة الأولى
عشمانه أكعبل ف يوم
جواكى طين
وتزرعينى من جديد
بستان أمان
والورد فيه مليان ندى
يبدر حنان
ماحزنش يوم
لما البعاد طول اوى
لكنه قال
الله أكبر بالأوى
مصر اللى لسا ف دمنا
بتجرى أوى
أطفال بتعشق بعضها
وتمسك علم
بعيش دموع
برد المشاعر والدفا
ياه ع الدفا لما بيهرب مننا
من غير مايرحم دمنا
الثاير عشان
نحلم بدقات القلوب
تنطق وطن
جوه السما
مكتوب خرايط ع السحاب
وتاريخ قديم
بيقول يامصر ماتبعديش
وماتخافيش
دا اتنى اللى دايماً
جوه بالى بتكتبى
شعر وقصايد
وقلب بيشوفك
عروسة كل بيت
هايهون عليكى تبعدى
لوهان عليكى
هالبسك توب الزفاف
دم الشهيد
وصية طلوع الروح
ماتبعديش !!!!!
ليست هناك تعليقات:
إرسال تعليق