حوارية بين مصريين
هو كان الفجر قالك إنو جاي؟ _
أيوه قاللي إنه جاي *
جاي ويا دمع طفلة
مات أبوها ف الميدان
جاي ويا طفل حالم
شمسه تطلع من زمان
جاي ويا أم تدعي
ربها العالم بحالها
يملى دارها بالأمان
جاي ويا شاب حالف ما يهادن
سيف ظلامه
أو هيرضى ف يوم يهان
جاي ساطع
ويا دمعة طفلة ماتت
لما شافت
شعر حرة
تحت جزمة واد جبان
خوفي يطلع ليله واعر
ولد كلب و يخنقه فوق الحيطان _
هو قالك إنو جاي؟
أيوه قاللي إنو جاي *
فجر صادق من قلوب المؤمنين
فجر يمحي عن سمانا
ديب وناهش في ضلوعنا من سنين
خوفي يطلع فجر كاذب يا بن عمي _
فجر يركع تحت مكر المعتدين
بعد ما سالت دمانا ؟ *
مستحيل
مستحيل يركع
و ينسى طعم غدر
و سيل أنين
مستحيل يخضع وهوه من دمانا
فج نوره
و ارتوى غصنه بمية
من دموعنا
بعد جوعنا
و احتمى جذره بطين
هوه قالك إنو جاي؟ _
أيوه قال لي يا ابن عمي
حتى شوف البشرى جايه
ليست هناك تعليقات:
إرسال تعليق