النونو... و عجز الشياطين
شجر التوب جواك ياملاك
ليه ع البنى أدم صبار
و لا فيش ضله تمشى عليه
ترويه ع الأرض
الشايفه علينا
شقوق مرسومه
جدار ف جدار
المطره يادوبك
سمعت همسة .... ريقه النشفان
نزلت بتحن لحضن الخضره
و ناس بتموت م الضحك
ضحك
ضحك قليل البخت
بيلعب دور كوتشينه
يفرق ..... راح الواد هربان
ما عرفش يقش
ف كلم نفسه
ارقام ف ارقام
علشام يكسب
طلع الخسران
قام ساب الدور
الراسم كل كروته ب غش
و نده لسماه الصافيه
براءة دنيا زمان
طلع الأول
الأول مين
الأول بنى أاااادم تانى
مالهوش ف العش.....
قام ناده كل اصحابه النونو
ف لفه حنان
و بيكبر حبه ب حبه مع المراجيح
ف يخاف زهقان
بيوشوش لسا علاء الدين
علشان يصغر......
يتمنى عليه دنيا الأطفال
أحسن مايموت بحالات العجز
حساب ف شيوخ هزيان !!!
شيوخ هزيان
شيوخ هزيان الماضى
لسا بتحلم ع المستقبل روح
قادر تتخيل إنك ممكن
تبقى ضريح الروح
من فتوى غريبه يادوب
مالهااااااش .....على
أرض الرحله جذور
و النبت شيطانى
عشان ف الأصل جبان
قادر تتنصل م الهذيان
و لا .....ياعينى عليييييك
ملبوس بالجاااااان
على ضحكه قديمه
بريق نشفان....
مالقتش صباح الخير
جواها ملايكه بجد
ف بتطرح ليك الإختيارات
ياتعيش نونو جواك انسان
ياتموت بحالات العجز شيطان !!!!
ليست هناك تعليقات:
إرسال تعليق