قصيدة :- هزلية التاروت.... للشاعر /أسامة سند
هزلية التاروت
(الورقه الأولى)
صياد الشمس
اللى بيرمى السناره لفوق
مستنى رجوعها
شايله سنين المر ف ايدها
وتقدمله كفنها وهيا سعيده
عمر الحظ النكدى ما يلبس بدله جديده
بس لحد ما ظنه يفكر يوم يتحقق
موت يا حمار
(الورقه التانيه)
هياكل عضم
ف دور الجوقه ورا حفنة تراب دهبى
وترنيمه
ف حضن البوح
بسر الخوف من الكلمه
وم الماشيين على اللحبال
بدون رجلين
(الورقه الثالثه)
اشبينه عانس
زى الغريقه ف بحر المخاوف
وسط الفرح والضلمه بتبكى
بسنين بتجرى بنفس التشاؤم
جوا الحقايق
(الورقه الرابعه)
امريجو فيسبوتشى
دق الجرس بالرفض
ويلف بالمركبه اللى مسافره من بدرى
ورا عتمة الأنسان
للغربه والتراحيل
ويبوس ادين دفته
ويحن للبدايات
(الورقه الخامسه)
ايد مريم المجدليه
ممدوده جوا الخطايا
ف وصولها بالمجد ليا
داست غنايا وخطايا
(الورقه السادسه)
بتنزل دموع عشتروت م السما
تبل الوشوش
وتشمت ف حلمى
بدخول التاريخ
وباب من جهنم
ليست هناك تعليقات:
إرسال تعليق