الليلادى فى راس سنتنا
سهرة لكن تبقى إيه
فيها روقة البال ياحندق
تسوى ميت مليون جنيه
عيش فى عمرك ليلة واحده
الفلوس لزمتها إيه
وإنت جيبك فيه يا حندق
أربعة وخمسين جنيه
يعنى أبقى فى النزاهة والوجاهة
أحلى من أجدعها بيه
وانت وياك نص مـّـيه
واللى طالبه حتلاقيه
روح ومدد فى التياترو
وقوم ونام ماتقولش ليه
وزع المشاريب وهيص
إنت واخد منها إيه
إنت رايح تصرف إيه
يعنى راح تصرف تلاته ، وللا خمسه
وللا عشره ..
قول يا شيخ عشرين جنيه
هى ليلة .. بس ليلة
تبقى وسط الناس دى بيه
هى يعنى السهره إيه
مش قزازه .. ومزه ترمس
قول وفنجان نسكافيه
والتياترو حيبقى زحمه
رقص إيه .. والمغنى إيه
المهم غزالتى سرحت
رحت لابس بنطلونى
خدت عجلة عبده اخويا
رحت حاجز .. دخلونى
قلت آكل .. أكلونى
قلت أشرب .. شربونى
قلت افرفش .. فرفشونى
وابتدت تتـقل دماغى
والكرى يداعب عيونى
قلت أنا أجدعها مجدع
ريحونى
وآخرة السهره الجميلة
بالفاتورة فوقونى
قلت عاوزين منى خمسه .. وللا عشره
وللا عشربن .. خلصونى
قالوا مطلوب خمسميه
قلت يا خلق الحقونى
هم خمسين اللى حيلتى
فتشونى
هى لحظة وبعد ثانية
غبت عن وعيى وظنونى
الفتوات العداله
فوق بلاطها مرمطونى
اللى لكمه ، واللى عضه
واللى مزع بنطلونى
حتى عجلة عبده اخويا
كسروها وكسرونى
فوق قفايا الدق نازل
قلت ياناس ارحمونى
والقفا ساعة ما يسخن
لون عنيك يصبح لمونى
والكفوف تنـزل تطرقع
مدفعيه الكترونى
ثم قالوا هيـله بيـله
فى الزبالة وطوحونى
ملتقتش أى واحد .. وللا واحده
خلصونى
اللى قال يطلع حرامى
واللى قال شحات بارات
واللى قال لأ .. لأ يا سوسو
إنفصام شخصيه عنده
نفسه يبقى من الزوات
واللى قالت يا .. يا مامى
تلتـقاه سفاح بنات
واللى شاورت شوف ياتوتو
بنطلونه ( أولـد ) خالص،
والقميص مليان حاجات
بعدها عرفت الحقيقه
وانكشف عنى الحجاب
بعد ما شربت الطريحه
بالجزم بعد السباب
قلت ترسو .. يروح لترسو
هو ده فصل الخطاب
وآدى حفلة راس يا حندق
بعدها شفت العذاب
قوللى مين قالك تقرب
تنحشر وسط الكلاب
إنت فاكر إن صنفك
فى المكان دا له حساب
إنما دستورنا واحد
والسياده فى الكتاب
كلنا يا مصر سيد
فى الخطب والانتخابات
إنما فى السهره .. لأ
كل صنف وله دولاب
مين يقول ان المدمس
زى كفيار أو كباب
إنت أيوه صحيح مواطن
أنما إيش جاب لجاب
هم .. هم .. واحنا .. واحنا
كل شخص وله مناب
إحنا نفضل .. زى ما إحنا
فى الشكايه والعذاب
أما هـمّ .. ألف رحمه
والدعاء المستجاب
حندق بيـه
أنا حندق
بتاع السهرة إياها
وطبعا لسه فاكرينها
وقالها لكم فريد طه
حقيقة كل شئ عدى
ولكن شايله فى دماغى
ولا يمكن فى يوم حنسى
كفوف الجرسونات نازله
كمية نار على صداغى
وشحط يقوللى يا حندق
إذا كفى ما طرقعشى
يكون لاغى
وضحك الحسنوات يعلا
وانا غرقان فى أوجاعى
ومين يقدر ينسينى
بأن القرش سيد الكون
وهو الآمـر الناهى
وهو فى كل شده العون
وصاحبه العاقل الراسى
ولو فى الخنكه كان مجنون
لذا قررت من يومها
أغير لونى غير اللون
ووسط فراعنة الملايين
أكون فرعون
وأرجع تانى نفس السهره
شكل يخالف المضمون
وحالف كل لزقة كف فوق صدغى
رصيدها بالدولار عندى يكون مليون
مدام الكل بيغمض .. ويتلمض
لصورة شيك من الكربون
ويبقى القرش تذكرتى
وسنارتى .. وأبهتى .. ومنجهتى .. ومنظرتى
ويلغى كل عيب فيـّـه
وتتمنى شفايف كل من ضحكوا على حندق
يوطوا يبوسوا فى إديا
أنا حندق
وإسم الأسطى غيرته لحندق بيه
وحتشوفوا ساعة م ادخل
راح أعمل إيه
وحتشوفوا اللى جرونى .. وذلونى
وقالوا يا قفل
إيه جابك .. وزفونى
فى ليلة السهره إياها
وخلوا الدنيا تصبح كحل فى عيونى
كأنى وسطهم عاهه
فى أحضانهم بيخدونى
وألف تحيه تتقدم .. يحيونى
عشان جوّ الجيوب ألوفات
وجنبـى أحلى سنيوره من الفاتنات
وراكب أغلى خنزيره
بيمسحها ، ويفتحها صاحب شهادات
وختمى وبصمتى صيتهم .. وشهرتهم
تفوق وزارات
ويسألنى جدع ساذج
دا جبته منين ؟!
ومش خايف من القوانين
ارد واقول له يا مغفل
م كل المسئولين عارفين
بداية رحلة الملايين
ومش تايهين
عن اللى غـّـير المضامين
وباع الوهم للواهمين
فى كل مجال
فصاحب رحلة الملايين
مفيش عنده يا خلق محال
ميعرفش حرام وحلال
مبيفكرش فى الناتج و فى الأهوال
وخدها نصيحة من حندق
وحكمه تقولها فى الأمثال
إذا مليون لبس جبه
يكون دجال
وطول م السهره شغاله
وناس تشقى ، وناس عاله
وناس تبصم على اعمارها مدريانه
وناس فى الشهد غرقانه
وناس فى المر شقيانه
وناس بالخيش بتتغطى
وناس فى فـُريرها دفيانه
وطول ما انتم كده ساكتين
حيطلع كل يوم حندقبتاع السهرة إياها
وطبعا لسه فاكرينها
وقالها لكم فريد طه
حقيقة كل شئ عدى
ولكن شايله فى دماغى
ولا يمكن فى يوم حنسى
كفوف الجرسونات نازله
كمية نار على صداغى
وشحط يقوللى يا حندق
إذا كفى ما طرقعشى
يكون لاغى
وضحك الحسنوات يعلا
وانا غرقان فى أوجاعى
ومين يقدر ينسينى
بأن القرش سيد الكون
وهو الآمـر الناهى
وهو فى كل شده العون
وصاحبه العاقل الراسى
ولو فى الخنكه كان مجنون
لذا قررت من يومها
أغير لونى غير اللون
ووسط فراعنة الملايين
أكون فرعون
وأرجع تانى نفس السهره
شكل يخالف المضمون
وحالف كل لزقة كف فوق صدغى
رصيدها بالدولار عندى يكون مليون
مدام الكل بيغمض .. ويتلمض
لصورة شيك من الكربون
ويبقى القرش تذكرتى
وسنارتى .. وأبهتى .. ومنجهتى .. ومنظرتى
ويلغى كل عيب فيـّـه
وتتمنى شفايف كل من ضحكوا على حندق
يوطوا يبوسوا فى إديا
أنا حندق
وإسم الأسطى غيرته لحندق بيه
وحتشوفوا ساعة م ادخل
راح أعمل إيه
وحتشوفوا اللى جرونى .. وذلونى
وقالوا يا قفل
إيه جابك .. وزفونى
فى ليلة السهره إياها
وخلوا الدنيا تصبح كحل فى عيونى
كأنى وسطهم عاهه
فى أحضانهم بيخدونى
وألف تحيه تتقدم .. يحيونى
عشان جوّ الجيوب ألوفات
وجنبـى أحلى سنيوره من الفاتنات
وراكب أغلى خنزيره
بيمسحها ، ويفتحها صاحب شهادات
وختمى وبصمتى صيتهم .. وشهرتهم
تفوق وزارات
ويسألنى جدع ساذج
دا جبته منين ؟!
ومش خايف من القوانين
ارد واقول له يا مغفل
م كل المسئولين عارفين
بداية رحلة الملايين
ومش تايهين
عن اللى غـّـير المضامين
وباع الوهم للواهمين
فى كل مجال
فصاحب رحلة الملايين
مفيش عنده يا خلق محال
ميعرفش حرام وحلال
مبيفكرش فى الناتج و فى الأهوال
وخدها نصيحة من حندق
وحكمه تقولها فى الأمثال
إذا مليون لبس جبه
يكون دجال
وطول م السهره شغاله
وناس تشقى ، وناس عاله
وناس تبصم على اعمارها مدريانه
وناس فى الشهد غرقانه
وناس فى المر شقيانه
وناس بالخيش بتتغطى
وناس فى فـُريرها دفيانه
وطول ما انتم كده ساكتين
ويسرق كل يوم ملايين
ليست هناك تعليقات:
إرسال تعليق