عادل الحراني ...." واحد وطن ...... بيضة "

" واحد وطن ...... بيضة "

آااااادي البيضة
البيضة
وادي اللى سرقها
سرقها
يمكن سواها
سواها
يمكن قشرها
قشرها
يمكن دمرها
دمرها
يمكن حمرها
حمرها
مين اللى أكلها
طب مين ؟
مين اللى شفطها ؟
طب مين ؟
اوعى تقول الحراميين
عاوز حتة
خدلك حتة
حظك حلو بـ ديل البطة
انتف ريشها
وحطو ف طيطك
شد لحافك لو مش أدك قصَّر جسمك
وازرع عقلك بانجو وبرشم
واحبس بحشيش
هنغنيلك ونقول هتعيش
يابو الريش
وافعد ع الكنبة
أو ع الدِّكة
وخدلك شوربه
تاخد شوربة ؟
ولا بتاخد فـ الزلامُكَّه
ولا بتعمل زي جُحاك
لما حمارك اكتشف انك أحمر
سابك تمشي وماشي وراك
آااااااااااادي البيضة
البيضة
وااااادي اللي قتلها