موف
موف 1
فستانها الموف
فستان مش بالطو
أصل البالطو ديما جامد
وأنت فستانك كله حياة
الموف
له عندى حكايات وقصص
بيفكرنى بأول وردة هديتهالك
أول جزمة لبستيها واحنا ف كازينو (تريانون )
الموف
لون طرطيف مناخيرك فى يناير
موف 2
عارفة
لما قلت فستانها الموف
كان فستانك انت
لما كان فى حضنى طول الليل
بس انت ماخدتيش بالك
وعشان أصعبها عليك أكتر
غيرت التفاصيل
كان لازم اقول تلت وردات
أو كازينو .............
كان لازم أقول بالطو
علشان تعرفى
إن انت شخصية افتراضية
أو حلم مالوش وجود
ليست هناك تعليقات:
إرسال تعليق