يصدر قريبا ديوانه الجديد (بعد الأسامى) للشاعر محمد حسني إبراهيم عن دار الأدهم للنشر
ومن أجواء الديوان
يعني النهاردة بتنده الأسماء
وتلم فيها بصحبتك
السبحة كملت والوجع أسماء
بنهار وشمسه محبتك
تفرد حروف الجرح وتصاحبه
وتغني رغم الغربة والأيام
ده سطر مين اللى الوجع صاحبه
ماشى يلملم كحك للأيتام
هى الضلوع برنا والشط تلاقينا
قالوا ابراهيم ف السما
طالع ينادينا
الضحك بقى مفرود
على كل لون ماف رود. (مافى رد)
جانا نهار مرفوض بيغرب الأحباب
أستنى قبل الوطن مايلبسوه ف الحيط
وتحس وجع السنين
لو بات ينوح ده الحيط
نطقت وقالت كل شئ بحساب
جانا نهار مرفوض بيفرق الأحباب
ياخليل ف وقت المحن
صاحبك يكون عكاز
جه وقت فيه إمتحن
سطر الحنين إعجاز
مع كل كلمة فيها الف جواب
جانا نهار مرفوض
بيفرق الأحباب
ليست هناك تعليقات:
إرسال تعليق