بأحاول كل يوم مرة أكون عايش
وأحس ب رغبة العايشين.......
وأكون لو كلمة مكتوبة ف آخر سطر....
أو مكتوبة ع الهامش....
بخط تخين............
ب أحاول إنى أتنفس كعود نرجس ..بدون رئتين
وأملى عنيا من وشى
عشان تفضل ملامحى بيوت
وماتسبنيش ف يوم أمشى
ولا يخطفنى منها الموت
ب أحاول أبقى نفس الصوت....
ف وقت الفجر لما هأصيح
وأنادى ع النهار يطلع....
ووقت الحزن لما أصرخ بقلب جريح
وأقول الجرح دا بيوجع....
وأعوز جوايا يسمعنى .....وحزنى ساعتها يمنعنى
ف أزعق يمكن أسمعنى....
وأنادى عليا ياحسين...
ف تُخرج منى نقطة نور
ويبقى الفرح أد الجرح ...ويبقوا ساعتها متعادلين
وم أسألنيش وأنا ف غيبوبة ال صِفار
مين جوايا غالب مين......
أو أركن راسى ع الكشكول..وأفَتَح عين وأغمض عين
هأحاول أغمض الاتنين....
وأنام لو ليلة مطمن......
ليست هناك تعليقات:
إرسال تعليق