لأ ،،، متأكده ،،
أجزاء كتير جوايا ناقصه
ضاعت في روحك ،، وعن رضا .
اه محتارة ،، لكن مش يائسة .
يمكن يكون ،، عشقك كدا
طب لية كدا ؟
تهرب تخون اجزائي مني
اية فيك يكون أوفى لها مني ؟
جواك جنون وإحساسي خاني .
صدقت بعدك صدقت انك خلاص نسيتني .
أتاريك سرقت كل اللي فيا
همسة امل كات عايشة ليا
دابت في روحك حتي عنيا
رفضت تشوف ،، احلام عادية .
رفضت حياتي الحياة لغيرك ،
حتي السهر مهجرش ليلك
خد نجمتي وغرقت في نيلك ،
أتاريك يا شطي مستني أجيلك ،
حستنى اية أنا من كيان
اسمك حدوده رغم اللي كان ؟
كل اللي باعني مني وخدعني ،
عايش بنفسك غرقان حنان .
بسأل وجودي انا لية وجودي ؟
قالي بعمرك الباقي جودي !
هو الحياة هو الامان ..
لأ حسبي ربي
اية ذنب قلبي ؟؟
سلم في هجرك أمره الزمان .
يحكم ما بينا في يوم يوصلنا ،
او إسمي يصبح كان ياما كان ،
كان ،،،
ياما كان !!
ليست هناك تعليقات:
إرسال تعليق