شيزوفرنيا شعر | منال الصناديقى
شيزوفرنيا شعر | منال الصناديقى
1. تقرير:
غاويين يغنوا للنسيم ويدمعوا
فتهب حبات الهوا
تمسح دموعهم صُحبة بايته
يرجعوا
لعيون فراعنه ممسوحين ومفروكين
ماشيين خطاويهم ورا.
2. أمر:
اقفل نبضك على حبات المُر
اللى بتتجلى جوا عروقك
وسيب فدان الخُضره فـ عينك
يمكن يطرح دود بيبلبع
كل الشوف المش بيرد.
3. نتيجة:
أكيد فـ يوم هتسيبك منك
وبالتالى هتسيبنى منك
لكن مش عارفه
إزاى هترحل
وإحـــــــــــــــــــنــــا
واحـد؟!
ليست هناك تعليقات:
إرسال تعليق