بنت الروح.. للشاعر محمد حميدة

بنت الروح

وكإنك لسه يا بنت الروح
بتلمي القلب من التوهان
وتضمي ضلوعي ف عز البرد
فتنام أشواقي ف نن العين
تحضني كفوفك زي الرب
واتهجى معاكي أيات الشوق
ماهو باب الرب أكيد مفتوح
وكأنك لسه يا بنت الروح
بتلم أديكي خيوط الفجر
وتشد الضلمة من الحيطان
فبيفرش نورك كل الكون
دي حبيبتي و ست بنات الله

بتلم عيال الحتة هناك
وبتحدف ورد على الشبابيك
وبترسم وش السما بنانيت
وضفاير فرحة بلون الضي
طب قولي إزاي
أنا عايش عمري ده كله بعيد
لساني بدور جوا الكون
واتاريكي حبيبتي
ساكنة الروح