 |
| الشاعرة / رشا فؤاد |
و فتحت عنيك الواسعه
على الرئتين
و القلب المشحون بشعورك
على جرح دفين
بصيت و سرحت و روحت لفين
و الننى بيشرح مشواريك
و يصاحب أغانيك البايته
على حجر الضحكه المشتاقه
لمكان الجنه
اللى بيضحك ف ضلوع جواك
و فلان بيدندن هزيانك
و فلان بيحبك رغم أنك
لسه ماشفتوش
غير ضمه
ف فتافيت احلامك
وانت ماحشتوش
مش شايف
ان الوقت عليك طول جداً
و انك محتاج فتافيت احلام
قبل ماتندم
و لذلك صممت أقرر
وأخش الصمت اللى معشش
بالخوف جواك
علشان تضحك
فتافيت الروح
الباقيه عليك
أنسان تانى
لسه ماعشتوش
لكن بينادى ف دقاته
لحظات الفرح المغروزه
ف نعش الأحزان
شايفك ف صراع
لسؤال العمر اللى بيسأل
هاتعدى لفين !!!
ليست هناك تعليقات:
إرسال تعليق