من خلاياك الجذعية )حاول مره
تفرغ عقلك من خلاياه
زي الجث
ه النايمه تملي
ه النايمه تملي
ف حضن سريرك
علق جلدك جوه دولاب
وامشي ف كل شوارع بكره
من غير توب
ماتبصش
على كل المانشيتات الحمرا
والدم النازل من جلد الجرنال
ماتبصش
على كل وشوش الناس الماشيه
من غير روح
من غير جسم
حاول تنسى
كفوف بتلم زبالة الأرض
لكفوف أصغر
هيه القوت
وبراح القهر
حاول مره
تدخل جوه محطة قطر
أركب جواه ف الوقت الضايع
واخرج بره براح الكون
ساعات في العمر
ماتخافش
راح ترجع تاني ف قطر الساعة تسعة ونص
راح تفتح معمل أوهامك
ومن خلاياك الجذعية
راح تعمل مخ
مافيهوش أي قواعد منطق
مابيعرفش يشوف الصوره
بالمعدول
ماتخافش
راح تلزق راسك فوق الجسم
راح تلبس جلدك من تاني
وتنام م البوح
راح تمشي ف كل شوارع بكره
بس المره دي
من غير روح
...
ليست هناك تعليقات:
إرسال تعليق