قررت الترشح لمجلس إدارة الاتحاد .. ،
فتنطعت ولمللت حاجتي وكلفت نفسي مشقة ومصاريف انتقال جاوزت الـ50 جـ وتوجهت للاتحاد .. ،
طلبت استمارة الترشح ، فوجئت بالمسئول يطلب 100 جــــــــــــــــــــــ لزوم الطلب ..!
طب إزاي .. ؟!
إزاي أيه ؟
ممكن أشوف القرار اللي بيقول كده ؟
روح للمدير العام
( أول مرة أعرف إن شاغر منصب الإداري مدير عام )
ليه .. ومن أمتى
هم كده
ممكن أطلع على القرار
لو مش عاوز .. بلاش تاخد طلب ترشح
ياسيدي أطلع على القرار .. عشان أشوف مني طلَّعه
ده قرار مجلس إدارة ..
أشوفه .. إزاي طلع .. ومجلس مين اللي طلَّعه .. وإمتى
ماهو مش معقول كل واحد يجيني أروح أفتح دفتر الجلسات وأدوَّر عليه ..
( يبدو أنهم تعودوا على " آمين " دون استفسار )
( لاحظوا أيضاً أنه يعرف أن من يتحدث معه هو واحد من الكتَّاب يعرف حقوقه وليس واحد ممن لا يحملون شهادة محو الأمية " إضاغة إلى كوني مشاغب " )
الانتخابات اللي فاتت دفعو الرسوم من غير كلام
مين أقرها وكانت كام ؟
كانت 50 جـ
طب والمرَّة دي أيه رفعها لـ 100 جـــــــــــــــــــــــــ
قلتلك مجلس الإدارة
أمتى
في اجتماع مارس اللي فات
مارس اللي فات ... ؟!!! وهو ينفع ؟
أُمال هندفع فلوس الجمعية العمومية منين ... ؟
( ده جزء من الحوار اللي دار .... )
طب ليه هو مش مفترض ان ادارة الاتحاد عمل تطوعي
طب انتخابات مجلس الشعب كام !
" للحديث بقية "
ليست هناك تعليقات:
إرسال تعليق