الخميس، أغسطس 18، 2016

إيناس البنا تكتب " ف اديها دبلة





جه معاها 
زيارة هايلة 
جت توري عروسته ليا 
و هدية ملفوفة ب الابيض 
لون الفرح .. زاغت عنيا 
و عنيها زقت الحلم فيا 
بتقول يا حلوة ماتبصي تاني 
لون الكفن لحبك اللي مالوش معاني
متشبكة الزحمة ف عنيكي
طب حلي بقك و ف زحمة الحوارات هفكك
نزلتي من قلبه يا حبي و حكمت له بعروسة باربي
بصيت لها 
كل اللي شفته ف عنيها دبلة 
ف اديها دبلة 
و انا روحي وردي لون الستارة اللي وراها متعلقة ف كل الدبل 
دمعة جمدت جوه جفني شدت ستايره الغامقة من عيني
شفته صغير بنظرة و لا عارفة تعبر 
و انا كنت فاكرة النظرة دي هي بعينها كانت زمان شايلة الغرام
دلوقت فاضية م الكلام 
ضحكت من قلبي على الحوارات 
و بنظرة بيضا بصيت لها 
بيضا مفيهاش ذكريات

ليست هناك تعليقات: