"فضفضة بايخة"
لانى مش عارف أكون
وسط البشر معجزة
قررت أسوق الدروشة ع الناس
فلبست تنورتى القماش
و طربوشى الحرير
و نزلت أزور الأوليا و احكى
/
جنب المقام
كان الحمام بيطوف
و عجوز و قف يبكى
و شه المكرمش ليا كان مألوف
زى اما أكون شوفته ف منامى
بيلف يقرأ كفوف
لناس ضاع الطريق منهم
و تاهوا فى الزحمة
/
لساها عينه بتروى سجادة الصلا
و كفوفه بتملس على المقامات
و كأنى سامع صوت فؤاده بيرتجف
بيترجم النبض المريض انات
و فضلت ابحلق فيه
لغاية ما اختفى وسط السراب
و مسابش حاجة وراه
غير السكات
/
رغم انى لابس كما الدراويش
لسانى معرفهمش
انا اه بسوق الدروشة و بطوف
بس اما انام مبقومش
من نومى غير مفزوع
اول ما اشوف الأوليا واقفين
و انا مصلوب فى شجرة توت
و بصرخ آآآه بعلو الصوت
و لكن صوتى مش طالع
ولا مسموع
فأقوم مفزوع
/
مهيش أضغاث ولا كدبة
ولا شئ خارج الحسبة
دى مش أحلام يا سيدنا الشيخ
انا اصلا بحس ساعات
كأنى بتوه فى وسط حجات
و بحضن وجعى فى التوهان
فيصلب روحى فى الطرقات
بدون إحساس
كأنى مداس لشئ مجهول
لشئ اكبر من ان العقل يوصله
/
منيش عارف بفكر ليه
و ليه اصلا بمثل دروشة فالصو
كأنى لابس الطربوش
بخبى وراه فجور ناسك
وقف ماسك كفوف العمر
ف كفوفه
قفل باب قلبه من خوفه
عليه ليموت
و كمل سيره فى الزحمة
مع التايهين
/
تصدق كنت هنسى خلاص
و هرجع ابكى من تانى
نسيت انى حلفت فى يوم
على دموعى مينفرطوش
و ع خدودى ميتبلوش
عشان اصلا دموعنا حرام
نطلعهم و ميساعدوش
ولا يمحوش بواقى الحزن
م الأنفاس
/
يا شيخ صبرك عليا يومين
اجمعلك كمان حلمين
فى كرتونه من الأوهام
_دا اسمه منام
_منيش عارف أسميه ايه
وانا اصلا أسميه ليه ؟!
منام أو حلم كله سيان
بيزرع وردة النسيان
فى طين العمر و المكتوب
_هتعمل ايه ؟!
_هسيب فوق قلبى
قالبين طوب كتسنيدة
مادام الدنيا مقبوضة
فاكيد محتاجة تنهيدة
و نوم ازلى ملوش آخر
تابوت الفرح شئ فاخر
مطرز بالسراب من فوق
و خرزة من العبط مالجنب
ياشيخ صدقني نفسى افوق
و أعيش وسط السحاب طواف ...
/
"هامش"
فؤادك لسا بيعافر بنبض مريض
و صوت كافر
يعدى البحر و يسافر
فى عين ال آآه
200 مره
وسط البشر معجزة
قررت أسوق الدروشة ع الناس
فلبست تنورتى القماش
و طربوشى الحرير
و نزلت أزور الأوليا و احكى
/
جنب المقام
كان الحمام بيطوف
و عجوز و قف يبكى
و شه المكرمش ليا كان مألوف
زى اما أكون شوفته ف منامى
بيلف يقرأ كفوف
لناس ضاع الطريق منهم
و تاهوا فى الزحمة
/
لساها عينه بتروى سجادة الصلا
و كفوفه بتملس على المقامات
و كأنى سامع صوت فؤاده بيرتجف
بيترجم النبض المريض انات
و فضلت ابحلق فيه
لغاية ما اختفى وسط السراب
و مسابش حاجة وراه
غير السكات
/
رغم انى لابس كما الدراويش
لسانى معرفهمش
انا اه بسوق الدروشة و بطوف
بس اما انام مبقومش
من نومى غير مفزوع
اول ما اشوف الأوليا واقفين
و انا مصلوب فى شجرة توت
و بصرخ آآآه بعلو الصوت
و لكن صوتى مش طالع
ولا مسموع
فأقوم مفزوع
/
مهيش أضغاث ولا كدبة
ولا شئ خارج الحسبة
دى مش أحلام يا سيدنا الشيخ
انا اصلا بحس ساعات
كأنى بتوه فى وسط حجات
و بحضن وجعى فى التوهان
فيصلب روحى فى الطرقات
بدون إحساس
كأنى مداس لشئ مجهول
لشئ اكبر من ان العقل يوصله
/
منيش عارف بفكر ليه
و ليه اصلا بمثل دروشة فالصو
كأنى لابس الطربوش
بخبى وراه فجور ناسك
وقف ماسك كفوف العمر
ف كفوفه
قفل باب قلبه من خوفه
عليه ليموت
و كمل سيره فى الزحمة
مع التايهين
/
تصدق كنت هنسى خلاص
و هرجع ابكى من تانى
نسيت انى حلفت فى يوم
على دموعى مينفرطوش
و ع خدودى ميتبلوش
عشان اصلا دموعنا حرام
نطلعهم و ميساعدوش
ولا يمحوش بواقى الحزن
م الأنفاس
/
يا شيخ صبرك عليا يومين
اجمعلك كمان حلمين
فى كرتونه من الأوهام
_دا اسمه منام
_منيش عارف أسميه ايه
وانا اصلا أسميه ليه ؟!
منام أو حلم كله سيان
بيزرع وردة النسيان
فى طين العمر و المكتوب
_هتعمل ايه ؟!
_هسيب فوق قلبى
قالبين طوب كتسنيدة
مادام الدنيا مقبوضة
فاكيد محتاجة تنهيدة
و نوم ازلى ملوش آخر
تابوت الفرح شئ فاخر
مطرز بالسراب من فوق
و خرزة من العبط مالجنب
ياشيخ صدقني نفسى افوق
و أعيش وسط السحاب طواف ...
/
"هامش"
فؤادك لسا بيعافر بنبض مريض
و صوت كافر
يعدى البحر و يسافر
فى عين ال آآه
200 مره
ليست هناك تعليقات:
إرسال تعليق