بحبك يا أسكندرية
و مهما بعدت عنك
انت القلب اللى فيا
ده موجك جوه روحى
بيمد الشوق فى شطى ...
و يلمه بالحنية .
تعالى فى حضنى يلا
و سيبك من الفراق
و لا انتى عاشقة قاسية
و عذابك ليا داء !!!
يا حبيبتى دى روحى منك
عاشقاكى برغم انك
نساية للعشاق
فاكرة اما كات تسبنى
و تنزل تمشى فيكى
و تلف على الشوارع
و ترشرش حب فيكى
و تروح تزور المرسى
تشرب منه ايده ميه
و تطير على البحر قصاده
تتنفس منه ذاد
فاكرة العشق اللى بينا ؟
طب دحنا ياما كنا
نقسم اللقمة بنا
نسقى عطشنا بكلمة
ونتونس بالهوى
و اما الليل كان يجينا
كنا نلم النجوم
نعمل منها كوفية
نحمينا من الهوا
فاكرانى ى ؟
و لا نسيتى ؟
زيك زى اللى راح
سابنى فى عمرى وحيدة
تايهة فى كل البلاد
قلبى العليل سواح
بحبك .... يا أسكندرية
و الشوق ليكى دابحنى
بسكينة الجراح .
( أمل درويش )
ليست هناك تعليقات:
إرسال تعليق