وليكي انتي بقول
السر بين اتنين
شباكين
قلبين وبينهم لقا
في البعد تنهيدة
والسكه مش توهان
رغم انها بعيده
مفتوح ياقلبي ميدان
أكبر من التحرير
علشان تفوت هي
الحب مش تغير
والعشق حريه
بقفل بيبان الهوي
من بعد ماتعدي
وافرش طريقها زهور
علشانها .. تبدر نور
ولا قلت يوم مدي
ولا عمري أقول هدي
ياساكنه في الشريان
اتمدي في وريدي
وخديني من ايدي
وعلي السما طيران
انا وانت نعلي لفوق
نوصل جنان الشوق
يسكن قلوبنا أمان
خلينا نبقي اتنين
بنجمع العاشقين
وننادي مين يسقط
اللي ما يعرف حب
ونعلن العصيان
ليست هناك تعليقات:
إرسال تعليق