وكنا إتنين..
بندفى ف عز البرد ع المنقد
بجذع كافور وحبة قش وقوالح
وياما الدنيا لسعتنا بنار الفقر..!
وبرده فضلنا بنقاوح
وياما السقف غرقنا شتا ودموع
وكنا بننسى ونسامح
وكنا تملى نتخانق ونتصالح
غلبنا البرد والقسوة بلمة جوة ف المقعد
وحبة شعر من جوف الوجع ف الشاى
على الراكية اللى ياما دندنت بالناى...
وقالت كل شئ يوجع
ياريت كان الزمن يرجع..!!
عشان يبقى الكلام حاضر
ضلوعنا تقولش كت زى البيوت بتبوش
وطوبها مبنى بال "نى"
ميستحملش ف هزار السما غيمة
يجوز ميكونش ليه قيمة
لكن قلبه أكيد كان حى
بحبك...من دفى الصاجة
وباب عاشق ومعشوقه عيدان خرزان
وأحبك من دفى القاعة اللى يامة كبرت عرسان
وأحبك وإنتى بتصبى ف عيونى الصبر
ويضحك ضحكة زجراجة
بحبك ستوميت حاجة
وأحبك حتى وإنتى بعيد
هناك تعليق واحد:
بحبك ستوميت حاجة
وأحبك حتى وإنتى بعيد
إرسال تعليق