دستور يااخوان
شعر:محمد عبد القوى حسن
----------------------
انا نفسى اتلم على اعصابى
واعمل دستور
دستور ينفعنى انا واصحابى
واعيش مستور
ويكون الشعب في الامر
مايكون مامور
دستور اخوانى يااخوانى
دستور معطوب
دستور المجنى فيه الجانى
مضروب بالطوب
يوم قالوا تعالوا واستفتوا
انا قلتها لا
رجمونى هانونى وقذفونى
وبدون مبالاه
دلوقتى اتضحت واتفضحت
وبقيتوا جناه
من اول خضه عرفناكم
ياولاد الايه
ادى دقنى اهى لو شغناكم
جوه الكارنيه
العالم كله كان جاهل
دلوقتى خلاص
ولا حد ش منهم يتجاهل
احاسيس الناس
الثوره اللى انتوا سرقتوها
عاوزينها تعود
وارادة الشعب وضعتوها
ف طريق مسدود
الحلم الكرسى اللى اتحقق
وف غمضة عين
الشمس اهى طلعت واتشقق
طار ف دققتين
يلا ارحلوا انتم والعسكر
وكمان سليمان
وشفيق مع موسى وهياتم
والفنط كمان
الخير كان عاوز يتحمل
والنت ضعيف
والفيلم خلاص مش هايكمل
والعرض سخيف
تخريف م الاول للاخر
والوضع مخيف
انا لازم الملم اعصابى
واطلع م الضل
لا انا كنت عميل ولا اخوانى
ولا كنتش فل
ارجوكوا سيبونى وخلونى
انا احمل شر
مراكبكم قلبتها الموجه
مش راسيه لبر
كات موجه وعوجه ركبتوها
لكن ماطالتش
فضحتكم قبل ماترموها
وتعدوا المانش
ياجماعه ماحدش يتصور
انها هاتعود
ع النار تتسوى وتتقمر
وياكلها الحوت
انا عضمى هالمه والمه
واعمله متاريس
وهاكسر كله مع كله
موازين فوانيس
وحموكشه ودكشه اللى اتقتلوا
تحت العجلات
هايجيكم حوكشه مع عوكشه
جوه الموتشات
وهادق الكارت واعديهم
واقول بنجور
والكل يلت هنا ويعجن
جوه الدستور
* * *
ليست هناك تعليقات:
إرسال تعليق