أنا مش موافق يتصلب بيننا المسيح
و لا دمعة الصِِّّديق على كِتف النبى
تنزل بدون ما حد فينا يحسَّها
أنا مش موافق تبقـَى ألوان العلم
أحمر بلون الدم
إسود للحداد
و كمان بياضـُه يبقى من لون الكـََفـَن
يا أرض يا اللى حضنتى أولادِك
بتزوَّقى بالدَّم أعيادِك
قهرة فؤادى ع العيال
يا خساره ع الفرع اللى مال
يا عنكبوته معششه على شطنا
قومى ارقصى من فرحِتِك
يا امّ البلاوى كلـَّها
مين كان يصدَّق قلبنا
راح ينقسم على حتـِّتين
و الرحله قبل ما تبتدى
نرجع و راسنا فى التراب
مين كان يصدق عمرنا يصبح ذليل
و قلمنا مقصوف و الكلام مخنوق .. جريح
أنا مش موافق يتصلب بيننا المسيح
ليست هناك تعليقات:
إرسال تعليق