يا قلبي يا طيب
ياللى مالكش نايب
فى الأحزان قريّب
أما الفرح غايب
ويزيدوا فى جرحك
وتسامح بطبعك
والله غلبت اقولك
مش دول الحبايب
ياقلبى ياطيّب
شايفاك بتحايلهم
والغدر ف عينيهم
تمسح دمع عينك
بالحب تناديهم
لو سيبتك شوية
راح تصعب عليّا
دى النار اللى بيّا
خلت نورى غايب
والله غلبت اقولك
مش دول الحبايب
ياقلبى ياطيّب
سيبك من طريقهم
وارجعلى أضمك
ايه راح تاخده منهم
غير جرحك وهمك
دالجرح ف ايديهم
والغدر ف عنيهم
لو سلمت ليهم
تلقى العمر دايب
والله غلبت اقولك
مش دول الحبايب
ياقلبى ياطيب
هناك تعليقان (2):
أستاذ صبري رضوان تحية إبداعية
أولا أهنؤك على هذه المدونة الرائعة
بكل ما تحمله من مواد قيمة و متنوعة
ثانيا أشكر لك نشرك احدى نصوصي المتواضعة
بمدونتك الجميلة. مزيدا من التألق و النجاح
تخياتي
شكرا استاذة البتول علي تعلقيك الراقي ودمت مبدعة رائعة
إرسال تعليق